احمد عز يطالب المصريين بشد الحزام

**hani945** · 23-05-2008 05:42 PM

ياجماعة اللى احنا فيه ده علشان فى بلاد بره جمعوا القمح والذرة وقصب السكر وحولوه لوقود سيارات اسمه ايثانول واللى زاد عليه كمان المضاربات اللى شغالة على آخرها ورافعة سعر البترول كل يوم بمعدلات غير انسانية

**pendodo2002** · 23-05-2008 09:46 PM

المشاركة الأصلية كتبت بواسطة hani945

ياجماعة اللى احنا فيه ده علشان فى بلاد بره جمعوا القمح والذرة وقصب السكر وحولوه لوقود سيارات اسمه ايثانول واللى زاد عليه كمان المضاربات اللى شغالة على آخرها ورافعة سعر البترول كل يوم بمعدلات غير انسانية

لا يا باشا ...
اللي احنا فيه ده سببه ازمه اسمها ازمه الرهن العقاري .. حصلت شهر اغسطس اللي فات
خسفت من قيمه الدولار بشكل مهول ... وتسببت بنقص حاد جدا للسيوله بالنسبه للدولار
وده ادى إلى تضخم لكل دول العالم اللي كانت رابطه عملتها بالدولار ... والمواد الغذائيه وغيرها ارتفع سعرها ... مش علشان قيمتها ارتفعت ولكن علشان قيمه الدولار هيا اللي انخفضت
واللي زود الطين بله ان الاتحاد الاوروبي و الصين ضخو 120 مليار دولار في السوق لانعاشه وده نزل الدولار اكتر و اكتر ... دول الخليج قرر بعضها فك ارتباطه بالدولار ... ايضا موضوع العمله الخليجيه الموحده اللي هتطلع 2010 ... بالإضافه مع الازمه بتاعت ايران
كل ده هوا اللي رفع سعر المحروقات بنسبه بسيطه ... ولكن المشكله كلها في الاساس ان قيمه الدولار انخفضت جدا جدا جدا لدرجه ان البنك الفدرالي خفض الفائده في اجتماعين طارئين ما مقداره 1.25% على فائده المدين لفرمله التضخم ... بس لا حياه لمن تنادي

**pendodo2002** · 23-05-2008 09:48 PM

اه ... نسيت اقولك كمان ... ان الدول المرتبطه عملتها بغير الدولار لا تواجه اي مشاكل بتاتا في حياتها
زي اوروبا و الصين و اليابان .... بالعكس الناس دي بقا عندهم انتعاش اقتصادي رهيب و بقوا مرفهين فوق الوصف

**zeyad1810** · 23-05-2008 09:55 PM

المشاركة الأصلية كتبت بواسطة modux

هشتكنا و بشتكنا يا ريس
ده انتا والله كويس

تيييييييييييييييييييييييي يييييت

يا عم ماشيها عزو احسن
لاحسن سلومة الاقرع مايعرفش ابوة

**Ramy.Gamal** · 24-05-2008 01:45 AM

احمد عز انت بتقول عز يبقى انت اللى فقرت الشعب المصرى
اصل احمد عز واخد على اكل الوز

**osama** · 24-05-2008 10:01 AM

و اللة علي لساني كلمة بس المنتدي محترم

**Ramy.Gamal** · 26-05-2008 03:30 PM

احمد عز بيقول ان الحكومه لازم تغلى تذاكر المترو والقطارات فعلا تحيا مصر

**Goodle** · 26-05-2008 03:49 PM

المشاركة الأصلية كتبت بواسطة ramylancer

احمد عز بيقول ان الحكومه لازم تغلى تذاكر المترو والقطارات فعلا تحيا مصر

الكلام ده موجود فين يا باشا ؟؟؟

**Hossam_Hassan** · 26-05-2008 03:49 PM

يا أخواننا حرام عليكم، كفاية ظلم فى الراجل و راعوا ظروفه، ده لولا الكام مليار اللى عنده مدينله شوية ثقة، كان زمانه ماشى فى الشارع يقول " انا مش قصير قزعة، أنا طويل وأهبل"

**Karim_Monir** · 26-05-2008 04:49 PM

احنا محتاجين دي بقي يا مستر عز :

شد الحزام على وسطك غيره مايفيدك لابد عن يوم برده يعدلها سيدك
إن كان شيل الحمول على ظهرك بيكيدك
أهون عليك ياحر من مدت إيدك
ماتيالله بينا انت وياه ونستعان ع الشقا بالله
واهو اللى فيه القسمه طلناه واللى مايجيش انشا لله ما جاه
مادام بتلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
حقولك ايه واعيد لك ايه كله له آخر
دى خبطة جامدة وجت على عينك ياتاجر
ياوحستك دلوقت لاوارد ولاصادر
يحلها الفين حلال ربك قادر
قل لي في عرض النبي ياحسين رايحين نلاقيها منين ومنين
والاش متجوز اثنين يادنيا غوري جاتك البين
شوفوا البخيل يفضل منحوس ولو علقوا على بابه فانوس
فلوس دي ايه سكت ياجاموس ديه السعادة في غنا النفوس
شد الحزام على وسطك غيره مايفيدك
لابد عن يوم برده يعدلها سيدك
إن كان شيل الحمول على ظهرك بيكيدك
أهون عليك ياحر من مدت إيدك
ماتيالله بينا انت وياه ونستعان ع الشقا بالله
واهو اللى فيه القسمه جبناه واللى مايجيش انشا لله ما جاه
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
قرب شيلنى شيل عمر الشدة متطول
قرب سيلنى سيل بكره نهيص زى الأول
لا تقولى كتير وقليل بكرة نهيص زى الأول
لا تقولى كتير وقليل عمر الشدة متطول
هيلا هيلا هيلا هيلا . . هيلا هيلا هيلا ليصة

الموضوع: احمد عز يطالب المصريين بشد الحزام

LinkBack

أدوات الموضوع

عرض

-

-

-

-

-

-

المواضيع المتشابهه

الإيرباج مع الحزام ولا لأ؟؟

لوك الحزام

الوسادة و الحزام !!!

احمد باشا viper911s ناس كثيربتسألنى على قطع غيار الساجا عيزين الاسعار يا احمد

لمبه الحزام

الكلمات الدلالية لهذا الموضوع

المفضلات

المفضلات

ضوابط المشاركة