الموضوع: هوندا اكورد 84

المشاركة الأصلية كتبت بواسطة smsm_cato

انا لسه بايع عربيتى فيات 132 وبدور على حاجة من الاثنين ياإما 132 ارجينتا 81 يا إما هوندا اكورد 84 بس للاسف معنديش معلومات كاملة عن الهوندا من حيث اعطالها واسعار قطع غيارها فارجو من الهونداية ميبخلوش عليا بالمعلومات اللى تقدر تفيدنى

أكيد طبعا من غير مقارنة الاكورد وده لاسباب كتيرة جدا :
1- الاكورد مجهزة بمحركين 1600 سى سى و 1800 سى سى فيه منها اوتوماتيك وفيه مانيوال .

2- تجهيزات اساسية:

باورستيرنج ناعم جدا وبيفصل فى السرعات العالية لضمان الاتزان والثبات-سنترلوك-تكييف-ايريال كهربائى-مؤشرات لموعد تغيير زيت المحرك وفلتر الزيت وموعد الصيانة -مؤشرات امان بحالة الابواب اذا كانت مفتوحة كل باب على حدى بالاضافة لشنطة العربية وكمان تنبيه لو كانت لمبة الفرامل فيها عطل
تابلوه بلون العربية بالاضافة الى الفرش الداخلى للابواب والفرش الداخلى للصالون -التحكم فى اضاءة التابلوه

3-تجهيزات فى الفئة الاعلى:
فرش جلد فاخر - زجاج كهربا - فتحة سقف زجاج كهربا - مثبت سرعة

معتقدش ان ال 132 ارجينتا فيها نفس المواصفات و الامكانيات بس يمكن عشان منتشرة اكتر بعض الناس بتفضلها عشان بيخافوا من قطع الغيار
بالنسبة للاعطال العربية تعتبر اعتمادية ماشاء الله وبتستحمل وصاجها قوى ماشاء الله