كنت بتصفح الموقع وعلى المنتدى العام لقيت واحد عامل موضوع عنوانه "عندما يصارع المارد الكوري ماردا آخر" قولت أقرأه كان بيتكلم على تجربة ليه عن إنه شد مع فيرنا بعربيته اللي هي فيرنا برضه، مش دي المشكلة، المشكلة فجأة واحد راح داخل وقايل حد جرب يشد مع صني راحت الردود منهاله "اللي يقولك بحط عليها على طول وأشياء من هذا القبيل) روحت داخل وقايلهم يا جماعة ازاي بس فوجئت بكم الردود وبعضها فيه تريقة على شخصي مش على العربية وأحد الردود كان "الصنى بطة بلدي وملف إيه اللي الصني تاخده على 190 وتعدي !!! يا عم قول كلام يعقل مش أي حاجة وخلاص .. ولا أقولك اتكلم براحتك مأنت ع النت" مع العلم اني ما تكلمتش على ملفات خالص، طبعا أنا عارف إن القسم مش مكان للموضوع ده، بس بصراحة أنا اتخنقت من باقي أقسام المنتدى وقررت ما أشاركش في أي أقسام غير قسم نيسان، لأن واضح إن المنتدى ماشي في طريق وقسم نيسان في طريق تاني، وشكرا