عيوب فيلوستر 2012 تجربه شخصيه veloster problems 2012

**tamerosman** · 05-12-2011 08:21 PM

حرام حد يدفع اكتر من 120 الف فى اى عربية كورى مهما كانت

الكلام ده عن تجربة ركوب كورى 8 سنين ( النترا 2005 خليجى اشتريتها زيرو و ركبتها 5 سنين و لانوس موديل 2001 برضه كانت زيرو و ركبتها 3 سنين ) + ركوب سيراتو 2009 لمدة شهر على سبيل التجربة

الفكرة من وراء شراء الكورى هى التوفير و value for money علشان كانت عربيات رخيصة بس لما تكون اسعارها مبلغ فيها بالشكل ده تبقى ملهاش اى لازمة

الكورى عربيات اعتمادية ( مش بتعطل ) ، شكل و كماليات بس لو جينا للثبات و الاتزان و العفشة لسا قدامها كتير و سنين طويلة علشان تحصل الالمانى او حتى العربيات اليابانى المحترمة زى الهوندا و المازدا و السوبارو

**mr_akram** · 05-12-2011 10:57 PM

انا مقولتش ان العربيه وحشه قوي ومحدش يشتريها... انا مجرد حكيت قصتي مع العربيه دي من ساعت ما اشتريتها.

انا مش دافع 165 الف عشان اروح اغير جنوط او عفشه زي ما ناس تانيه قالتلي وادخل نفسي في مشاكل تانيه انا شاري عربيه زيرو عشان ارتاح...انا شايف ان العربيه دي مش لمصر ولو هتتركب في مصر عايزه فئه معينه من الناس اللي يبقى عندهم خلفيه عن الكلام ده كله.

انا عملت الموضوع ده عشان الناس اللي بتفكر تشتريها يبقى عندهم خلفيه كويسه عن العربيه وهوا اللي يقرر يجبها ولا لا...لان محدش من اللي في المعارض هيقولك على الكلام ده هيبقى عايز يبيع العربيه وخلاص.

**fahd_628** · 06-12-2011 12:06 AM

فية عيب تانى ان ال Quality بتاعت الخامات الداخلية سيئة !!!

يعنى انا ركبتها فى المعرض و شكل التابلوة و كدة جميل

تيجى تمسكة بقى حتلاقى بلاستيك ناشف جدا تخبط علية تحس بصوت بلاستيك مش صوت مكتوم زى العربيات المحترمة

لو حد اخد بالة ال Cover بتاع السماعات الخلفية بلاستيك ضعيف جدا جدا جدا !!!

الشماسة بتاعت فتحة السقف تدوس عليها تلاقيها بتطلع لفوق اكنها حتة قماش كدة مش حاجة محترمة و ماسكة نفسها

الجلد تحس انة كاوتش !!!!!!!!!!! مكنش عاجبنى خالص ملمسة !

فية حاجات كدة خليتنى اقول ان ال Quality مش حلوة

**ls1090** · 06-12-2011 02:10 AM

قدر الله وما شاء فعل
انا راى الشخصى ان العربية الى اشترتها كان فيه عيب والعلم عند الله
لانى ركبت العربية كويسة هى صحيح ناشفة بس موضوع التعويم !!!!!!!
قول الحمد الله

**manitto** · 06-12-2011 03:02 AM

.................................................. ......................................

يرجي عدم كتابه العربيه بالاحرف الانجليزيه حتي لا يتم تطبيق القواعد
يرجي مراجعه قواعد المنتدي

11.55ص
6/12/2011

م.ع.12

**eletr** · 06-12-2011 05:20 AM

مع احترامي الكامل لحضرتك و لرايك
بس انا شايف ان حضرتك غلطان من البداية علشان تدفع 165 الف في عربية كوري في حين فيه عربيات كتير ممتازة و بنفس السعر او اقل كمان
زي السيفيك و الكورولا و الجيتا

**د.محمود صلاح** · 06-12-2011 06:36 AM

قدر الله وما شاء فعل

المفروض في الزمن الحالي تشتري اي عربية شعبية عادية جدا ... عربيات الكماليات والرفاهية في حالة سفرك للخارج فقط

**Formulator** · 06-12-2011 10:43 AM

المشاركة الأصلية كتبت بواسطة ashouhdy

انا مستغرب من مقاس الكاوتش الصراحة ... 215 !! على 18
دة انا عندى 205 على 16 وال17 225

عشان الكارينز عربية كبيرة يا شهدى, لاااااااااازم جنط 16" أو 17".. وكاوتش عريض..!!
لكن مش عشان الأداء..

المشاركة الأصلية كتبت بواسطة haithamameen

سؤال : الار بى بنفس الحجم والشكل والخامات والاوبشن (فئة 113 الف - 1600 - 124 حصان - فتيس اتوماتيك ستبترونك - abs - ايرباج واحده ) لو نزلت من فيات مع اضافة علامة وعفشة الفيات وجنوط سبور وكوتش 15/55/205

- فيات مابتعملش عربيات بالخامات (الـCheap Plastics) بتاع الهيونداى.. فـ أكيد المكونات والأوبشنز هتبقى أعلى بكتييييييير..!!
- الـ1600 بتاع فيات هيبقى 115 حصان بس (مش 124).. لكن العزم أعلى وبيطلع على rpm أقل..!!

- فيات معندهاش فتيسات أوتو: هيبقى Dualogic/Selespeed ودى فتيسات F1.
- فيات مابتنزلش ABS بس: لاااااااااازم ABS+EBD ومعاهم HBA كماااان.
- فيات مابتنزلش ايرباج واحدة: أقل حاجة 2, 4, 6 أو 7 فـ عربيات الفئة دى..؟!!
- فيات مش هتحط لوجو وعفشة فقط.. كل حاجة فـ العربية هتتراجع, شاسيه, بودى, ميكانيكا, كهرباء ووو.... etc

- الكاوتش الـ205 عند فيات: مابيركبش الا على جنط 16".. الـ15" ده يركبله 195

المشاركة الأصلية كتبت بواسطة haithamameen

ما مدى الاختلاف فى الثبات والسعر هل هتفضل 113 الف

- الثبات هيبقى زى الـCharacteristic لعربيات فيات.. ثبات, هاندلينج وتحكم = أمااااااان.
- نتيجة لكل اللى فات (اللى قولتهولك فوق).. العربية طبعا مش هتفضل 113 ألف..؟؟!!!

المصيبة بقى: لو لقينا اللينيا دى نزلت بـ 120-125 ألف مثلا, تفتكر ساعتها تبقى الـrb تستاهل سعرها؟؟!!! (خد فـ الأعتبار كل الفروق الفنية اللى قولتلك عليها)..؟!!

المشاركة الأصلية كتبت بواسطة yasserelsayad

تقريبا عملت بيها كل حاجة فى كتاب الجرى والتهور والعربية ما شاء الله كويسة جدا وعجبتنى والله

كتاب الجرى اللى عندك يا اما Edition قديمة..؟!!
أو مفيهوش الـChapter بتاع الـSpirited Driving Techniques..؟؟!!!

**Hosam_Optrawy** · 06-12-2011 02:18 PM

المشاركة الأصلية كتبت بواسطة ashouhdy

بغض النظر بس وانا بقلب عجبنى الاعلان دة اوى هههههههههههه

The Hyundai Veloster banned commercial - YouTube

هههههههههههههههه جامد

**yasserelsayad** · 06-12-2011 03:40 PM

المشاركة الأصلية كتبت بواسطة formulator

كتاب الجرى اللى عندك يا اما Edition قديمة..؟!!
أو مفيهوش الـChapter بتاع الـSpirited Driving Techniques..؟؟!!!

ههههه ... ازاى بقى انا بقولك طلعت كل اللى العربية تقدر تعمله فى المرة دى لحد الـ limit بتعها.

الموضوع: عيوب فيلوستر 2012 تجربه شخصيه veloster problems 2012

LinkBack

أدوات الموضوع

عرض

-

-

-

-

-

-

المواضيع المتشابهه

Hyundai Veloster Street 2012 هيونداي

هيونداي فيلوستر 2012 (حادثة) للبيع

bmw 118i 2012 or sicrocco 2012 or eos 2012 audi a3 2012

bmw 118i 2012 or sicrocco 2012 or eos 2012 audi a3 2012-مناقشة

هيونداي فيلوستر 2012 ، تقترب رسمياً من السوق المصري

الكلمات الدلالية لهذا الموضوع

المفضلات

المفضلات

ضوابط المشاركة