الموضوع: سنة اولى قطط :) ياريت اي نصايح يا جماعة

المشاركة الأصلية كتبت بواسطة mustafavet

انا اسف جدا انا شوفت رسالتك علي الخاص امبارح والنت فصل ومش عرفت اجيب الرسالة تاني علشان ارد
هو حضرتك العماص دا يعني في افرازات دمعية كتير من العين ودا ليه اسباب كتير زي الالتهابات وزي ان القناة الدمعية اللي بتربط بين الانف والعين مسدودة
فمعلش هطلب من حضرتك تقوليلي هل بتلاحظي دا في عينيها الاثنين؟
هل في احمرار في العين ودا هيعني ليا ان في التهابات لان انا مش شوفت الحالة بالظبط
هل الجفن الثالث بارز ولو بارز لونه ايه
اختبار بسيط كدا عاوزك تعمليه
حطي صابع الابهام علي العين واضغطي علشان ملتحمة العين تظهر وقوليلي لونها ايه ( روزي ولا احمر ولا احمر غامق)

كمان بصي علي الانف ......... هل رطبة ولا جافة؟

الحالة ممكن تكون حساسية من الجو لو فيها احمرار خفيف وتستخدي بس قطرة للحساسية بس بعد ما تتاكدي ان مفيش التهابات ......... لو موجود التهابات متستخدميش القطرة

ردي عليا وانا اقولك الخطوات التالية ايه في العلاج وازاي تحافظي عليها باستمرار

اسف مرة تانيه للتاخير
السلام عليكم

المشاركة الأصلية كتبت بواسطة mustafavet

كمان نسيت اسالك هل القطة شعرها كثيف لدرجة انه ممكن ييجي علي عينيها؟
ركزي قوي لان دا ممكن يبقي السبب لان الشعر بيعمل احتكاك مع ملتحمة العين والقرنية وهيسببلها مشكلة؟

هل استخدمتي اي شامبوهات قريب او صابون فممكن تكون حاجة بتيجي في عينيها اثناء الاستحمام

المفروض عامة ان كل يوم بتنظفي عينيها بتامبونيد ودا عبارة عن قطعة شاش بداخلها قطنة وتبليها في المية وتنظفي عينيها وترميها بعد كدا

ياريت برده بالاضافة للنصائح اللي الزملاء قالولك عليها تجيبي ترمومتر بحيث تقيسي درجة الحرارة كل ما تشعري انها مش طبيعية

لا هي عنيها مش حمرا ولا فيها اي التهابات

بس مناخيرها في شوية افرازات زي عنيها كدا بالظبط و انا بنضفلها عنيها كل يوم بمنديل ورق

شعرها مش طويل للدرجة دي دا انا نفسي يطول و ماستخدمتش شاكمبوهات ولا صابون هي ماكملتش اسبوع لسة و لسة ماحمتهاش بس غسلتلها وشها بمية فاترة كدا اول انبارح بس الافرازات اللي في عنيها دي من اول يوم

احنا الجو عندنا تراب شوية على فكرة و اعتقد دا ممكن يكون منو !!