حادثة جامدة على الدائري

**tutankhamoun** · 05-12-2011 01:35 PM

المشاركة الأصلية كتبت بواسطة cameeron

ماهو لا فى شرطة مرور و لا فى قوانين ملزمة و لا عقبوات صارمة بجد فليه حد هيلتزم اهى ماشية سلطة و خلاص و ربنا يسهلها يوم من الايام و يعدل الحال

ما هو يا باشا تخيل أحنا كسواقين عملنا ثورة على نفسنا و قررنا ننزل من بيتنا نسوق عدل و بأحترام
تخيل تلاقي 80 % من السواقين ماشيين محترمين و ملتزمين بالقانون (مش نتفنن ازاي نهرب من الرادرات !! )

تخيل الحال هايكون عامل ازاي ؟

تخيل لو كلنا قررنا ما نكسرش على بعض و ما نعملش غرز
و و الله العظيم كلها محصله بعضها و كله بيوصل و الفروق في الوقت مش كتيرة
ده بالعكس لو كله بقى محترم الوقت هايختصر و يقل لأن النظام بيسهل أنسياب المرور

و بقية القطيع (الشمامين اللي بيسوقوا ميكروباظات و نص نقل و نقل و تكاتك ) هاييجوا واحدة واحدة

إن الله لا يغير ما بقوم حتى يغيروا ما بأنفسهم

أحنا كشعب عملنا ثورة علشان نحسن من وضعنا
و المرور و الله العظيم جزء من الوضع المزري اللي احنا عايشين فيه و بنأسي منه يوميا
تلفيات عامة بسبب الحوادث - خسارة لثروات الأمة (شعب - خسارة مادية )

**تامر.محمد** · 05-12-2011 02:05 PM

المشاركة الأصلية كتبت بواسطة tutankhamoun

ما هو يا باشا تخيل أحنا كسواقين عملنا ثورة على نفسنا و قررنا ننزل من بيتنا نسوق عدل و بأحترام
تخيل تلاقي 80 % من السواقين ماشيين محترمين و ملتزمين بالقانون (مش نتفنن ازاي نهرب من الرادرات !! )

تخيل الحال هايكون عامل ازاي ؟

تخيل لو كلنا قررنا ما نكسرش على بعض و ما نعملش غرز
و و الله العظيم كلها محصله بعضها و كله بيوصل و الفروق في الوقت مش كتيرة
ده بالعكس لو كله بقى محترم الوقت هايختصر و يقل لأن النظام بيسهل أنسياب المرور

و بقية القطيع (الشمامين اللي بيسوقوا ميكروباظات و نص نقل و نقل و تكاتك ) هاييجوا واحدة واحدة

إن الله لا يغير ما بقوم حتى يغيروا ما بأنفسهم

أحنا كشعب عملنا ثورة علشان نحسن من وضعنا
و المرور و الله العظيم جزء من الوضع المزري اللي احنا عايشين فيه و بنأسي منه يوميا
تلفيات عامة بسبب الحوادث - خسارة لثروات الأمة (شعب - خسارة مادية )

يا توت باشا , تقبل احترامي اولا
ثانيا , باختصار , (كلنا عملنا الصح) دي موجودة في الجنة فقط
احنا في الدنيا , و (كلنا) بشر , مستحيل تلاقي ماحدش بيغلط , و مستحيل تلاقي الاغلبية كويسة لوحدها :)

**Medhat Fathy** · 05-12-2011 04:31 PM

لا حول ولا قوة الا بالله وربنا يسترها معانا جميعا

**dr_abooody** · 05-12-2011 04:34 PM

بتوع النقل دول بجد لازم نولع فيهم تلاقي الواحد منهم ماشي على 120 و عمال يوقع طوب و زلط و مبهد اللي حوالية دة غير انهم بيكونوا محششين لو الطريق وقف فجأة مثلا هيركب على العربيات اللي قدامة
لازم يتعملهم طريق مخصص او يمشوا بالليل بس بعد 12 مساءا لان ما ينفعش يمشوا كدة وسط العربيات

**saadelden** · 05-12-2011 05:13 PM

90% من كوارث الدائري بيكون بدايتها سواق تريلا عامل دماغ و اصطباحه لذيذه و ماشي مش شايف قدامه !!

لو قولنا النقل التقيل يمشي في الحاره اليمين و مايخرجش منها هانحل نص مشكله موت الدائري كل يوم !!!!
دا غير ان لو ليهم مواعيدمحدده و الي يكسرها ياخد مخالفه و يتحبس كله هايتلم و ماحدش هايفكر يغلط اصلا

**M_Marwan** · 05-12-2011 05:26 PM

المشاركة الأصلية كتبت بواسطة tutankhamoun

90 % من الحوادث اللي بتحصل في مصر مسئوليتنا جميعا بسبب رعونتنا في السواقة و عدم أكتراثنا بأي قوانين و ضرب الحائط لأي نظام .

و ده طبعا بسبب رعونة السائق المصري اللي مش بيحترم نفسه إلا بوجود جلاده على الطريق .

و حسبي الله و نعم الوكيل لكل من يتسبب في رعب الناس على الدائري بالسباقات و الغرز و عدم القيادة الحريصة الخالية من الأخطار .

يا جماعة أرجوكم - سوق على مهلك توصل أسرع و آمن و من غير ما تأذي نفسك أو غيرك على الطريق
و بلاش الشد و السرعة و ياريت نتعلم من اللي بنشوفه كل يوم على الطرق المصرية يوميا .

لو كل واحد هدى في سرعته مش هاتلاقي حد بيزمرلك علشان تسوق أسرع لأن كلنا هانبقى محترمين وهاديين و يبقى الباقي على سواقين الميكروباظ و النقل و النص نقل و دي نسيبها للشرطة

الله ينور عليك كلام محترم ومظبوط جدا

**تامر.محمد** · 05-12-2011 05:50 PM

المشاركة الأصلية كتبت بواسطة dr_abooody

بتوع النقل دول بجد لازم نولع فيهم تلاقي الواحد منهم ماشي على 120 و عمال يوقع طوب و زلط و مبهد اللي حوالية دة غير انهم بيكونوا محششين لو الطريق وقف فجأة مثلا هيركب على العربيات اللي قدامة
لازم يتعملهم طريق مخصص او يمشوا بالليل بس بعد 12 مساءا لان ما ينفعش يمشوا كدة وسط العربيات

مفروض فعلا, الواحد بقى يشوف الواحد فيهم ماشي حواليه يترعب , و ما اكثرهم , و يا عيني على بتاع السيراتو اللي في الموضوع التاني اللي اتفرم و هو واقف ده :(

**A.Saad** · 05-12-2011 06:01 PM

امبارح الساعة 2:30
من مدينة نصر للمعادى
كان فيه تصليحات شمال
وعربية نقل محملة رملة من التصليحات وطالعة قدامى مفيش 10 متر
ومرة واحدة بتعوم يمين فى شمال
الجنب اليمين اتفتح ووقع رمل كتير على الارض
وقعد يعوم شوية لحد ما ربنا ستر واتلمت
وبعدين السواق التيت الله يحرقه واخد الطريق جرى
وجرى وكلاكسات بغباء لحد ما خبط فى نقل تانى وكان راكن شمال

-

الموضوع: حادثة جامدة على الدائري

LinkBack

أدوات الموضوع

عرض

-

-

-

-

-

-

-

المواضيع المتشابهه

حادثة على الدائري قبل المعادي

صور حادثة الدائري البشعة

حادثة جامدة أوي

حادثة جامدة

كنت هاعمل حادثة على الدائري أمس

الكلمات الدلالية لهذا الموضوع

المفضلات

المفضلات

ضوابط المشاركة