دعوة للتجمع امام جهاز حماية المستهلك وابوالفتوح بسبب السيارة التيجوا

**alsakka** · 16-12-2011 11:45 PM

المشاركة الأصلية كتبت بواسطة emad7759

وانا معاكم فى الوقفه دى لان ياناس جهاز حمايه المستهلك بتخدم التوكيلات وليس احنا

انا شاكى من مشاكل من اول ماجبت الام11 والى الان لم يتم حل اى شىء اخر حاجه عربيتى

من قبل العيد الكبير اللى فات كانت عندهم ولسه جايبه من اسبوع ونفس المشاكل زى مهيا

على الرغم انهم فى حمايه المستهلك دخلت لجنتين فحص وكانت المشاكل هيا هيا ولم يحل اى شىء

وده رقمى للتواصل معاكم 01005544399او01227759694

وانا معاكم فى اللى عايزين تعملوه لان جهاز حمايه المستهلك لايحمى غير التوكيل وليس احنا

وعلى فكره جهاز حمايه المستهلك ليس يوجد حاليا لجنه سيارات لحل المشاكل وانا من الناس اللى مستنيه الجنه اللى لسه هيتم تشغيلها لانهم مش عرفين فى الجهاز هيكون نظام الجنه الجديده هتعمل ايه
وهيكون نظمها ايه فى الشغل هل هيتم معاينه العربيات فى الجهاز ولا هندفع ال900 جنيه تانى ونروح

كليه الهندسه اللى هى اصلا تابعه الى التوكيلات واسف على الاطاله

تمام ياباشا
انا كنت فى جهاز حماية المستهلك وحددلى ميعاد الاسبوع القادم لعرضها على لجنة السيارات فى كلية الهندسة بالمطرية بعد دفع مبلغ 900 جنية مع العلم ان الجنة الاولى اقرت بالعيب

**eng.m7md.ali** · 17-12-2011 12:08 AM

الاحسن والاسهل للتجمع
تعمل جروب على الفيس بوك مع طبع ورق فيه اهداف الجروب زي مثلا مقاطعة المنتج لانه كله عيوب او سوء الخدمة
ووزعه على كل عربيات سبرانزا اللي تقابلها
وربنا يوفقكم

**alsakka** · 21-12-2011 12:12 AM

يا جماعة احنا هناجل الوقفة دى شوية الان الشرطة المصرية اشترت اسطول سيارات تيجوا لمطارة التوكتوك والصوص ممكن هما الى هيجيبوا حقنا بعد مالسيارة تعمل عشرة الف كيلوا وتعطل منهم ههههههههه

**katoba** · 21-12-2011 09:38 AM

ههههههههههههههههههههههههه ههه والله حاجة تضحك فعلا وعلى فكرة انا مع اى حد يعمل تجمع علشان الفايدة تعم عالكل بس بجد موضوع الشرطة دة هيسندنا جامد بس الى انا لاحظته ان التقفيل مش مصرى يعنى هتبقى حاجة عالفرازة

**Youssef.Awad** · 21-12-2011 02:01 PM

المشاركة الأصلية كتبت بواسطة alsakka

يا جماعة احنا هناجل الوقفة دى شوية الان الشرطة المصرية اشترت اسطول سيارات تيجوا لمطارة التوكتوك والصوص ممكن هما الى هيجيبوا حقنا بعد مالسيارة تعمل عشرة الف كيلوا وتعطل منهم ههههههههه

ههههههههههه بس خلى بالك هما جايبينها مستوردة صينى اصلى مش مضروب واحتمال كبير تكون اكتر من 1600 سى سى

**katoba** · 10-01-2012 10:35 AM

السبب معروف ياخى مش محتاج يعنى .. الجهاز يحمى الوكيل ولا يحمى المستهلك ودة الى انا لاحظته (الثورة مغيرتش اى حاجة ) ولسة حق المواطن مهضوم بردة ودى نتية مشاكلى حتى الان مع شركة مصر للتامين فى عدم صرف الشيك بعد تصليح سيارتى بقالنا اكتر من 3 شهور ونص . وكل اما تتكلم مع مسؤول يقولك اصل النظام اتغير بعد الثورة والدنيا بايظة وكان الثورة قامت علشان حالنا يتقلب مش يتعدل

**attiaahmed** · 17-01-2012 11:44 PM

السلام عليكم ورحمة الله وبركاتة
انا بس حبيت اشارك لانى نفسى اوى فى التيجو وكنت ببحث عن اراء ملاكها فوجدت فى بعض المنتديات كلام زى ( العربية ممتازة - هايلة جدا بالنسبة لسعرها ) كلام من هذا القبيل
لكنى محتار بين الكلام دة وكلام حضرتكم لان فية كدة تناقض فى الاراء
انا اسف على الاطالة بس انا عايز النصيحة انا دلوقتى هشترى عربية ونفسى اوى فى التيجو اجيبها ولا اجيب الافيو لانها اقرب السيارات سعر للتيجو
واكون شاكر على الاهتمام والرد عليا .

**hemaa_82** · 18-01-2012 08:20 AM

معلش انا اسف .... انت بتقارن التيجو و الافيو ؟؟؟؟؟؟ طب من اي ناحية يا راجل يا طيب

بيتهايألي كان في حد في قسم الشيفورليه عامل موضوع اسمه كان زي الشامل في عيوب الافيو حاجة كدة

**alsakka** · 18-01-2012 09:12 PM

المشاركة الأصلية كتبت بواسطة attiaahmed

السلام عليكم ورحمة الله وبركاتة
انا بس حبيت اشارك لانى نفسى اوى فى التيجو وكنت ببحث عن اراء ملاكها فوجدت فى بعض المنتديات كلام زى ( العربية ممتازة - هايلة جدا بالنسبة لسعرها ) كلام من هذا القبيل
لكنى محتار بين الكلام دة وكلام حضرتكم لان فية كدة تناقض فى الاراء
انا اسف على الاطالة بس انا عايز النصيحة انا دلوقتى هشترى عربية ونفسى اوى فى التيجو اجيبها ولا اجيب الافيو لانها اقرب السيارات سعر للتيجو
واكون شاكر على الاهتمام والرد عليا .

بص يا باشا العربية سعرها كويس وشكلها ممتاز بس لما يكون فى عيب فى العربية وترح المركز الرئيسى 17 مرة ميعرفوش يصلحوا غضة فى الفتيس والعربية لسة جديدة يبقى دة اكبر عيب
فما بالك لما العربية يعدى عليها عشر سنين هيبقى حالها اية
وسلملى على عربية بيجوا موديل 1979 وشغلة تاكسى ذى الفل هههههههه