الموضوع: الحقووونييي: بعت العربية بتوكيل

المشاركة الأصلية كتبت بواسطة wama00

لا يا باشا لو معاه عقد مسجل كدة هو مسؤل مسؤلية كاملة عن العربية وتبقى بتاعتة ولا حد يقدر يتكلم معاه فى حاجة حتى لو الرخصة باسمك ولسه ما نقلش فى المرور بس بجد بيبقى امان ليك وليه فى نفس الوقت,,, وعلى فكرة علشان ما تدفعش ال 2000 جنية اللى بيقولوا عليهم علشان التسجيل انت ممكن تكتب فى العقد تمن العربية 1000 جنية بس وساعتها هتدفع 320 جنية بس وتبقى سجلت العربية انا عن نفسى اشتريت العربية بتاعتى كدة وكنت كاتب تمنها 1000 جنية ودفعت 320 جنية فقط لا غير وبعدها نقلت الملكية فى المرور باسمى

يا فندم كله بيكتب قيمة البيع ما بين 1000-2000ج وموظف الشهر العقاري بيعملها تلقائي من نفسه وبعد كده بيبص في جدول في السنوات وال cc بتاع العربيات ويقرر الرسوم

المشاركة الأصلية كتبت بواسطة wama00

لا يا باشا لو معاه عقد مسجل كدة هو مسؤل مسؤلية كاملة عن العربية وتبقى بتاعتة ولا حد يقدر يتكلم معاه فى حاجة حتى لو الرخصة باسمك ولسه ما نقلش فى المرور بس بجد بيبقى امان ليك وليه فى نفس الوقت,,, وعلى فكرة علشان ما تدفعش ال 2000 جنية اللى بيقولوا عليهم علشان التسجيل انت ممكن تكتب فى العقد تمن العربية 1000 جنية بس وساعتها هتدفع 320 جنية بس وتبقى سجلت العربية انا عن نفسى اشتريت العربية بتاعتى كدة وكنت كاتب تمنها 1000 جنية ودفعت 320 جنية فقط لا غير وبعدها نقلت الملكية فى المرور باسمى

هو حضرتك مش تقدير الرسوم فى الشهر العقارى مبنى على موديل السياره و cc بتعها

لما خد العربية مش مضالك ان استلم العربية يوم كذا الساعة كذا وانه يتحمل المسئوليه الجنائية و المخالفات الخ الخ ........من وقت استلامه العربية ولا توكيل بس ؟ ولو توكيل بس مضالك على صورة التوكيل انه استلم اصل التوكيل؟

المشاركة الأصلية كتبت بواسطة richman

عاوز اضيف معلومات جديدة:
1- لما بعت العربية كانت نمرها قديمة ومعايا صورة من رخصتها
2- كلمت التاجر واداني نمرة الشخص اللي انا عاملوا التوكيل وكلمتوا قالي انا بعت بتوكيل لواحد ثاني كلمت التاني قالي انا بعتها لجماعة من الصعيد من 3 سنين و مش عندي صورة العقد ولا عندي رقم تليفونهم
انا دلوقتي عاوز اكشف في المرور العربية دي لسة باسمي ولا لأ ومين أخر واحد جددها وعاوز اوصله عشان نحل الموضوع دة واخلص من العربية اللي متسجلة باسمي ومعرفش عنها حاجة من 3 سنين

ازاي اجبر الشخص اللي بيجددها دة انه يبطل يجدد باسمي هل ممكن مثلاً احط في ملف المرور ورقة مني بعدم التجديد الا بشخصي؟ فلما يروح يجدد ميعرفش ويضطر ينقل ملكية ؟

سؤال تاني سألت واحد بيفهم في القانون بيقولي ان التوكيل بتاعك مش مكتوب فيه جملة "لا يجوز الغاء التوكيل الا بوجود الطرفين" تقدر تروح الشهر العقاري تلغيه وتعمله اخطار مسجل بعلم الوصول، هل الكلام دة سليم؟

وشكرا على التفاعل الجميل دة وارجو الرد لأنها مشكلة كبيرة بالنسبة لي

علشان توصل للمشتري لازم تشوف ملف السيبارة في آخر مرور لك علشان تعرف هي خدت نمرة جديدة كام
وتبدا من على الكمبيوتر يوجهك النمرة الجديدة دي فين

لكن انا عايز اطمنك لو العربية اتباعت لأكتر من شخص ورا بعض ما يقدرش آخر مشتري يجددها باسمك تاني الا لو رجع لأول مشتري خدها منك (وده من كلامك مستحيل يحصل)


بالنسبة لإلغاء التوكيل (خد بالك ده اسمه توكيل بالبيع وليس تسجيل البيع) مع احترامي للمحامي ما ينفعش يتلغي الا بحضور الطرفين والا كل واحد باع عربية واستلم تمنها يروح يلغي التوكيل ويتهم الطرف الاخر بالسرقة او خلافه

وتقدر سعادتك تروح اي شهر عقاري وتسأل هناك

ولو فرض انك عرفت تلغيه هتستفاد ايه في موقفك ده ؟
العربية مش معاك أصلا مع حد انت متعرفوش
والا كل وحد باع عربية لشخص تاني

المشاركة الأصلية كتبت بواسطة smsm_cato

انا اول عربية بعتها بتوكيل لتاجر واتدبست بردة فى موضوع الضريبة الترفيهية لما جيت ارخص العربية الثانية بس لما بعت الاولى بالتوكيل خليتة يكتب على صورة التوكيل اللى معايا بخط ايده انه مسئول عن العربية ابتداء من تاريخة وانى ليس على ادنى مسئولية تجاة السيارة بردة من تاريخ بيع السيارة والاهم من ده كله انى كنت كاتب فى التوكيل توكيل يعطى الحق فى البيع لنفسة وللغير فقط واتحط حواليها دايرة واتختمت على كده علشان ميتلعبش فيها بكده هيمشى بالعربية باسمى لغاية نهاية الترخيص اللى معاه وساعة التجديد ياما هيبيع لنفسة او لغيرة ويجدد على الاسم الجديد

هو ده ياباشا التصرف الطبيعي
وموضوع الدائرة ده بيتعمل طبيعي كل موظفين الشهر العقاري بيعملوه علشان محدش يحاول يعدل او يضيف
بقى فيه بعد مكاتب الشهر العقاري بقت تطلع ورقة شكلها محترم شوية على الكمبيوتر

اول مرة اسمع عن الاقرار ده
كل اللي الناس بتعمله انها بتعمل عقد بيع (اللي بيتباع في المكاتب) وهو فيه اقرار باستلام العربية وتبقى في مسئولية المشتري من ساعته وتاريخه

بس اللي انت بتقوله ده فكرة منطقية ممكن تتعمل بس مش عارف ايه موقف تنابلة (موظفين) الشهر العقاري ؟[/quote]

ايوه موجود- ومحطوط صيغة الاقرار على الحائط فى الشهر العقارى ؟؟- كون الموظف ما لفتش انتباهك- ده لانه مش حيدخل نفسه فى رغبة كل واحد- ممكن انت عامل توكيل لاخوك- ممكن تحرج تمضيه على اقرار زى ده

لا ياباشا ما يقدرش يجدد

آخره يطلع شهادة مخالفات
شهادة بيانات
رخصة مسحوبة

عن تجربة في عربيتي الريو

ربنا يطمنك ياباشا

طيب انا مخليتش الراجل يمضي على صورة التوكيل ولا حاجه للأسف يعني
لكن عقد البيع اللي مضيناه اللي بيجي من المكتبه ده فيه من تحت جزء اسمه اقرار استلام سياره والراجل أقر ومضى انه استلم العربيه, هل ده يكفى ولا ممكن أوثق الاقرار ده في الشهر العقاري؟؟