الموضوع: جربت تجدد ايه في بيتك بنفسك ؟؟ انا جربت و ادي النتيجة

المشاركة الأصلية كتبت بواسطة donzi

الدواير الحمرا دي معناها ايه ؟

انا كنت قاصدة ان التوزيع يكون عشوائي و مش بمسافات ثابتة و كمان كنت قاصدة اغير اتجاه الرسمة و اقلبها احيانا عشان ماتبقاش زي ورق الحيطة رسمة مكررة بمعدل ثابت

معنى الدوائر بوضح عدم الترتيب وتناسق المسافات كمثال يعني .... اما فكرة انهم يكونوا عشوائي الموضوع وجهة نظر ... انا لما بدخل مكان بحكم اني اشتغلت في المقاولات فترة وافهم في الديكورات اول حاجه بتقع عيني عليها عيوب البياض والنقاشة والنجارة ...الخ ده من وجهة نظري بحكم الخبرة خصوصا في الطباعة واشكال الجبس والبلويستر انها تكون متناسقه ...ازواق ووجهات نظر على فكرة انا مابدخلش صنيعي شقتي بحب اعمل كل حاجة بأيدي من نقاشة وكهرباء وسباكة واحيانا نجارة

الله ينور عليكى جميل انك تشتغلى بايدك حتى لو مظبطتش اول مرة بعد كده هتبئا تمام والافكار بتيجى . انا دهنت الشقة بتاعتنا كلها عملت غرفتى فيها ورد كده من ابتكارى طئت فى دماغى اعمل رسمة وعبقر فيها وطلعت بالشكل ده هى مش مظبوطة اوى بس بالنسبة لاول مرة مش وحش
ده جانب من الغرفة اللى فيه رسمة الورد وفروعه


وده الجانب الاخر رسمة الورد من غير فروع


والرسومات ممكن اعمها على خشب وافرغها لانى بعمل شغل اركت كهواية يعنى وارسمه زى ديه تتفرغ وتبئا زى اللى انتى اشتريها ب7 جنيه والاشكال كتير طبعا وانتى ممكن تصممى كمان

تسلم الأيادى

الله يكرمك . شغل الاركت يختلف بس كله فن وبيخليكى تبتدى تبتكرى وتستغلى اقل الامكانيات فى مظهر جمالى لانك لو تخيلتى ان ديه كانت حتة خشبة وتحولت للمنظر ده ومش شرط خشب لا ممكن يكون بلاستيك اى شئ قابل للتفريغ