الموضوع: نسيان مفاجىء !!

سلام عليكم
بقالى اكتر من 4 شهور فى ضغوط نفسيه شديده
و حاجات كتير فوق دماغى و بفكر فى 5000 حاجه فى الدقيقه لدرجه انى فكرت اركب عداد rbm لدماغى
المهم
بدأ الموضوع يتطور معايا
لنسيان
بنسى اى حاجه
مثلا ابقى فاااااااااااااااااااااااا اااااااااااااااكر كويييييييس الساعه 2 هعمل كذا
افتكر مثلا الساعه 6 7 يااااااه ده انا كان مفروض اعمل كذا
بدأت اعمل حاجه مرتين !
اكرر الكلام كتير
او اسال حد نفس السؤال كذا مره
و احساس بعدم التركيز تماما
زى ما اكون بضرب كيميا
فبصراحه وصلت لمرحله تخنق
و مبوظ الدنيا على الاخر و الدنيا كلها داخله فى بعضها معايا
جربت دوا منشط للذاكره و مقوى عام
طبعا بنسى اخده ..بقيت بعمل منبه الموبيل على المعاد بتاعه (و طبعا اى حاجه مهمه بظبط المنبه) و شغال notes على الموبيل بالعبيط و بكتب فى ورق و ارمى فى جيبى
كل شويه بقى اطلع الورق و ابص فى الموبيل اشوف فى حاجه ناسيها ولا لا !!
المهم
انا مفروض اعمل ايه ؟؟
و ده من ايه اصلا ! ؟

فيه يوم كنت رايح الشغل ونسيت الموبايل في البيت الحمد لله عدي كويس بس كنت مبسوط

نصيحة ابو كمال مية مية بس كدة الجرعة عالية مشيها تفاريح يعني ممكن واحدة او اتنين اركاليون الصبح وواحدة اوميجا ثري والاهم تخليك منظم ويساعدك في كدة نوتة صغيرة والا مع تشابك ظروف ومواعيد عملك لو ضاعت النوتة حتعمل فيها كريم عبد العزيز في فاصل ونعود
وبعدين داانت لسة عالبر لسة متجوزتش يانجم ربنا معاك ومعانا جميعا لما يحبه ويرضاه

خد دي
واحد في منطقة ريفية كان عنده عيال كتير ومراته وامه وحماته والدنيا زحمة راح يشكو حاله لحكيم القرية من كتر الوش اللي هو فيه الحكيم قاله عندك فراخ وبط قاله اه قاله حطهم معاك في البيت قاله ازاي قاله اسمع بس كلامي بعد اسبوع راح له قاله خلاص هموت رد عليه الحكيم عند غنم قاله اه قاله خد كام واحدة حطهم معاك في البيت استغرب قاله اسمع الكلام المهم اسبوع كمان قاله خلاص مش قادر قاله اصبر بس كمان اسبوع بعد اسبوع قاله شيل الغنم بعد اسبوع قاله اخبارك ايه قاله تمام بس لسة متضايق قاله شيل الفراخ والبط وتعال بعد اسبوع قاله ازي الحال قال له مية مية
الخلاصة ان الواحد يرضي بحاله لان هناك الاسوأ
بمعني اللي لابس جزمة قديمة يشوف الحافي والحافي يشوف ابو رجل مقطوعة وابو رجل واحدة يشوف ابو كرسي متحرك وابو كرسي متحرك يشوف القعيد اللي معندوش حتي الكرسي ده

تعرف -بضم التاء-الرجال عند الشدائد