اقتباس المشاركة الأصلية كتبت بواسطة Axel مشاهدة المشاركة
كلام جميل جدااااا
بس معلش هتعبك معايا و عشان التوضيح اكتر ممكن صور او تفرقة بين انواع الاوناش لأني في انواعهم ببصم ايه الفرق الشوكة و اللودر و الونش و بالنسبة اذرع التحكم في الوظايف زي اني ارفع او انزل و هكذاا
و شكرا ع ردك الوافي
يااااااه دحضرتك عايز البوم وانا مشكلتى الكبيره انى مش عارف ارفع ولا صوره لحد دلوقتى ولحد ما انجح خلينى اوصف لحضرتم واكيد حضرتك هتعرف
الونش العادى هو crane,وده مهمته رفع الاحمال معلقة من مكان لمكان سواء على نفس الارتفاع او من ارتفاع الى ارتفاع اخر وطبعا ده شكله مميز يعنى دراع طويل بيقصر ويطول ويميل لفوق وتحت طيعا فى واير صلب اخره خطاف ياريت تكون حضرتك تصورته اما ما يطلق عليه ونش شوكه فده يسمى fork lift وده اللى بيستخدم لرفع الاحمال او الصناديق الموضوعة على طبليه خشب زى اللى بيعبى التريلات بتاعة الكانز المرصوصة فى بالات على طبالى خشب
واللودر طبعا معروف ابو حله اللى بيعبى الردش فى عربيات النقل او بيعبى الرمل والظلط
بالنسبه لموضوع اذرع التحكم فده يختلف مكانا وشكلا باختلاف التطبيقات والانواع يعنى اذرع الشوكه تختلف عن اذرع الونش واول لما الوناش بيركب بيتعرف على المعده فى 5 دقايق وشكرا يعنى مش صعب اتمنى اكون وضحت قدر الامكان لعدم وجود صور