تصريح السفر والمطار ( سؤال للخبراء )

**heshamzaky** · 12-12-2011 12:56 AM

التصريح بيتاخد منك فى حالة انة يكون موجة لسفرة واحدة و محدد بمدة قصيرة و بيتم كتابة البلد الى أنت رايح لها
لو عندك تأجيل فترة كبيرة لا يتم سحب التصريح دة منك و بيبقى مجرد اطلاع علية فقط

**alaa_dash** · 12-12-2011 12:59 AM

باشا .. لو تقدر تلاقي حد يعديك من غير تصريح ..سافر و انت مطمن .... انا كنت بطلع تصريح لسفريات متعددة ..كان نبنص فيه بس و يرجعهولي تاني ... و مرة تانية كان بيتاكد منه اوي ...عشان شاكك انه مزور ..لو كان رقم على السيستم او عنده بياناته ما كانش احتاج يتأكد انه مزور ولا لاء ...

و انت راجع و لا له دعوة انت عندك جيش ولا لاءة .... حتى لو سافرت و رجعت بعد ما تعدي التلاتين ... و لا حد هيكلمك .. لحد اما تروح انت للجيش و تسوي موقفك ...

من الاخر ..مفيش لينك بين الجوازات و الجيش بتاتا .... و يارب تعرف تسافر عشان خسارة الاقامة ..خاصة لو كانت السعودية :))

**JUVENTUS** · 12-12-2011 01:17 AM

المشاركة الأصلية كتبت بواسطة nistelrooy

heshamzaky
عسكري ان شاء الله .. والتجديد بيكون 6 اشهر او سنة .. لو فية مانع اني ماروحش البلد خلال 6 شهور .. بس كان المانع الدراسة .. علشان كدا كانت سنة بس الطبيعي 6 شهور ..

تمام يا باشا
انا كنت بسألك السؤال ده لسبب ان انت لازم تكون حاسب سنه الجيش اللي هتقضيها دي بعد ما تخلصها على خير باذن الله سنه التجديد اللي هتسافر تعمله هتكون لسه ساريه و لا لأ
لان انت لازم تسافر في معاد محدد بعد كده عشان التأشيره متروحش عليك و متعرفش تجدد لا قدر الله
لانه و انت في الجيش متقدرش تسافر و الاجازات كمان بتكون 5 ايام او اسبوع مثلا
فهمت قصدي
و اتمنى لك كل التوفيق

**Nistelrooy** · 12-12-2011 01:27 PM

هههههههه حاضر .. انا هاطلب حذف الردود السابقة :)

**mohamed_selim** · 12-12-2011 01:59 PM

ممكن تطلع تصريح سفر بالقانون بس محتاج حد تقيل قوى فى الجيش بيضمنك بوظيفته انك مش هتهرب :)
شركة الطيران بتتأكد من التأشيره ملهومش دعوه بالجيش .. ظابط الجوازات هو اللى بياخد التصريح لو مره واحده بس لو متعدد بيطلع عليه و لو مصوره يبقى بتريحه اكتر و بياخد الصوره و الاصل يفضل معاك

**heshamzaky** · 12-12-2011 03:49 PM

المشاركة الأصلية كتبت بواسطة mohamed_selim

ممكن تطلع تصريح سفر بالقانون بس محتاج حد تقيل قوى فى الجيش بيضمنك بوظيفته انك مش هتهرب :)
شركة الطيران بتتأكد من التأشيره ملهومش دعوه بالجيش .. ظابط الجوازات هو اللى بياخد التصريح لو مره واحده بس لو متعدد بيطلع عليه و لو مصوره يبقى بتريحه اكتر و بياخد الصوره و الاصل يفضل معاك

شركة الطيران اول حاجتين بيشوفهم التأشيرة و تصريح الجيش بتاعك و لو لقى حاجة ناقصة مش حا يرضى يعمل لك chk in و حا يقولك روح أكشاك الجوازات و شوف حا يمشيك و لا لآ و بيركن شنطك على جنب مش بيمشيها مع العفش ألا لما موقفك يتحدد مع الجوازات علشان شنطك ما تتحملش فى الطيارة و بعدين الجوازات ترفض سفرك فشركة الطيران تضطر تنزل شنطك من الطيارة و تضيع وقت فى الكلام دة
و بيشيك على التاشيرة بتاعك كمان و لو فيها حاجة غلط بيرفض سفرك

**heshamzaky** · 12-12-2011 03:50 PM

المشاركة الأصلية كتبت بواسطة mahmoud_afifi

كده مش ناقص غير تقول معاد الرحله عشان تروح المطار تلاقي الشرطه العسكريه مستنياك

يا باشا ماتكتبش كل البيانات هنا في المنتدى عشان ماتحطش نفسك في مشاكل. وربنا معاك والتأشيره ماتروحش عليك

ههههههه لآ لآ ما يقلقش المطار تواجد الشرطة العسكرية مش كبير بها
التواجد بيبقى للمخابرات داخل المطار بنوعيها مخابرات عامة و مخابرات حربية
بس كدة هههههههههههه

**Nistelrooy** · 12-12-2011 04:09 PM

المشاركة الأصلية كتبت بواسطة mohamed_selim

ممكن تطلع تصريح سفر بالقانون بس محتاج حد تقيل قوى فى الجيش بيضمنك بوظيفته انك مش هتهرب :)
شركة الطيران بتتأكد من التأشيره ملهومش دعوه بالجيش .. ظابط الجوازات هو اللى بياخد التصريح لو مره واحده بس لو متعدد بيطلع عليه و لو مصوره يبقى بتريحه اكتر و بياخد الصوره و الاصل يفضل معاك

صعب الحل الاول ده جدا ماليش معرفة قوية ممكن يضمني ..
عموما شكرا ..

**Nistelrooy** · 12-12-2011 04:09 PM

ههههههههه طمنتني يا heshamzaky مخابرات حربية

-

الموضوع: تصريح السفر والمطار ( سؤال للخبراء )

LinkBack

أدوات الموضوع

عرض

-

-

-

-

-

-

المواضيع المتشابهه

سؤال للخبراء

سؤال عن تصريح السفر

سؤال فنى للخبراء

تصريح السفر للخارج للضابط الاحتياط

سؤال للخبراء

الكلمات الدلالية لهذا الموضوع

المفضلات

المفضلات

ضوابط المشاركة