الموضوع: خبطت 2 راكبين موتوسيكل صيني .. بس بصراحة مبسوط

محدش قال الشتيمة بسيطة .....

بس حضرتك ده شروع في قتل ....... ما ينفعش شروع في قتل قصاد شتيمة ...... تخيل حضرتك ماشي بالعربية و من غير قصد دست في بركة مية طرطشت على واحد ماشي وسخت هدومه راح مطلع مطوة و ضربك بيها ...... هل فيه نسبة و تناسب بين الفعل و رد الفعل؟

المشاركة الأصلية كتبت بواسطة eng f3lix

انا عايز اقول حاجة للاخوة اللي بيهاجموني ويقولو اني غلطان
هيا شتيمة الاهل عندكو بالسهولة دي؟ لا وكمان والدتي معايا لما تسمع الشتيمة بودنها يبقى هتبصلي باي طريقة بعد كدة؟
الراجل بعد ماقالي خلاص يا بيه ومحصلش حاجة روحت قولتلو ولو كنت خبطتك يعني وروحت مزود بنزين على اساس اني همشي وخلاص وسمعت اخينا السواق شتم روحت مهدي تاني وجاي جنبه وقولتله نعم؟ راح شتم تاني روحت خبطه بعد ماهو خبط العربية برجله وقعو هم ال2 واللي حصل حصل يعني في 60 الف داهيا

يا ريس محدش قالك انه ملاك لكن في نفس الوقت تعتبر انت السبب في اللي حصل
واحد اعتذرلك ايه لازمتها انك تطول في الكلام و تقول خبطك و مخبطكش خلاص كبر دماغك و امشي انت مكبرتش دماغك و بالتالي الشخص اللي سايق طلع شخصيته في الرد لولا ردك مكنش اتكلم و خلصت و هو يستاهل عليه ضرب الجزمة لكن مش بالطريقة اللي عملتها

ثانيا احنا مش معترضين انك تضربه احنا معترضين انك تقلبهم بالموتسيكل و الراجل اللي ورا ذنبه ايه او اي شخص في الشارع
زي مقولتلك كان ممكن توقف العربية و تنزل تديله بالجزمة كمان و تخلي الناس تتلم عليه
زي ما الاخوة الاعضاء قالولك الموضوع نسبة و تناسب
انت مشيت و خبطت واحد زي الباب بالكتف بدون ما تقصد و اعتذرتله لقيته راح مطلعلك مطواة يعني ايه تخبطني و مش تفتح و دخل شرحك , فانت عملت زي اللي طلع المطواة
عارف لو مثلا اللي ع الموتسيكل حاول يضربك و انت في العربية او يتعدي عليك باي سلاح ساعتها شيله

كل الاعتراض ان الناس خايفين عليك مش موضوع شتيمة و لا مش شتيمة او زعلانين ع الراجل
لما بنكلمك قصدنا مصلحتك و خايفين ان يحصلك اي ضرر نتيجة اللي انت عملته
لو حصل لواحد منهم مصيبة و جاب رقم عربيتك في المحضر سواء انت او صاحب العربية هيكون عليه محضر و قضية شروع في قتل و شيل بعدها بقي و تبقي كملت لو فيه شهود من الشارع حضروا الواقعة
فمتزعلش ان الناس بتكلمك في الصح و لمصلحتك