خبطت 2 راكبين موتوسيكل صيني .. بس بصراحة مبسوط

**eng.m7md.ali** · 13-12-2011 01:45 AM

النهاردة وانا ماشي وكان معايا اخويا الصغير ووالدتي
خارج على جسر السويس من شارع منشية التحرير وعربيات واقفة على الناصية يعني لازم اخد الملف على واسع علشان اخرج من الشارع وطبعا عربيات كتير جاية بسرعة
المهم قررت اخيرا اخرج وفجأة ظهر 2 راكبين موتوسيكل صيني جاي على يميني ولو مكنتش شوفتهم كنت هرسته في العربية اللي واقفة على الناصية (فرملت فجأة)
الباشا اللي سايق ووراه واحد شايل حوض وحاجات تانية كدة طلعت وراه جري علشان اهزأو
انا : انت في حاجة في مخك؟؟ ايه اللي انت عملته ده
الراجل اللي ورا : معلش يا بيه حقك عليا
انا : هو ايه اللي حقك عليا ... يعني لو كنت خبطتك ولا خبطتني
الراجل اللي سايق : ماخلاص يلا قولنالك معلش
انا : انت بتقولي انا يلا؟؟
الراجل اللي سايق : امشي يابن ال ... بدل مااخبطلك العربية
وراح خبط العربية برجله روحت خبطته انا بديل العربية في الرفرف اليمين ورا لحد مااتكوم هو واللي اركب معاه ورا في الارض والحاجة وقعت اتكسرت
انا بقى ولا زعلت عليه ولا نزلت حتة اشوف ايه اللي حصل لانهم ميستهلوش اني انزل اصلا
واللي خلاني اعمل كدة طبعا انه السواق شتمني بالام وقالي يلا لكن لو كان اتكلم باحترام كنت مشيت عادي ومكانش حاجة حصلت
الخساير عندي مفيش طبعا ولا حتة خدش وحتى لو كان فيه حاجة حصلت للعربية فانا مكنتش هبقى زعلان بصراحة
ياريت بقى اللي يقرا الموضوع ميقوليش انت مفتري وانت معرفش ايه ومتضيعوش فرحتي لاني مبسوط باللي عملته

**graffittiii** · 13-12-2011 02:07 AM

المشاركة الأصلية كتبت بواسطة eng f3lix

‎
ياريت بقى اللي يقرا الموضوع ميقوليش انت مفتري وانت معرفش ايه ومتضيعوش فرحتي لاني مبسوط باللي عملته

**brown-eyes** · 13-12-2011 02:32 AM

احسن يستهالو

**Hondawy_2008** · 13-12-2011 03:10 AM

يستاهلو والله العظيم راجل ابن راجل

**minicooper20** · 13-12-2011 03:11 AM

انتا برنسسسسسسسسسسسسسسسسسسسسسس سسسس

**beetleMOSH** · 13-12-2011 04:08 AM

ونبى انت برنسسسسسسسس

بتوع الموتوسيكلات دول اصلا ناس تييييييييييييييت ( مش كلهم بس نسبه كبيره منهم )

خصوصااااااااا بتوع الدليفرى و العيال الصغيره اللى بتاجره و يبقى ماشى فاكر نفسه راكب هارلى

**mrghost** · 13-12-2011 06:03 AM

المفروض ان اللى دخل الموتوسيكلات الصينى فى البلد يتحاكم والله ده بسببه بتحصل حوادث كل دقيقه فى كل مكان ده غير عمليات النشل
امبارح كنت فى عربيه البشغل ولاقينا اتنين راكبين موتوسيكل صينى والواد اللى راكب ورا السواق عمال يشب ويبص على تابلوهات العربيات اللى ماشيه علشان يشوف عليها موبايل ولا لا علشان يسرقه والله

**abo_lamar** · 13-12-2011 06:08 AM

والمصحف انت جدع الله ينور عليك ياراجل دول بيفضلوا يتلولوا بين العربيات تقولش تعابين يا خويا ؟؟

**i_Am_Legend** · 13-12-2011 07:57 AM

٢‏ بموتوسيكل زفتتتتتت صيني الله يحرقهم...هما والمستورد....سرقوا موبايلي وانا ماشي بتكلم...وكل دة حصل في ثوااااني. وايدي ماتحركتش من علي ودني حتي....وكان اول يوم العيد الكبير...

**Elawany13** · 13-12-2011 08:58 AM

لا عديك العيب وأزح
المفروض كنت ضربته بالمسدس أو دهسته بالعربية !!!!!

وكل الناس داخله تشجعك !!!
عمار يا أعضاء نايل موتورز
واحد يزنق على عربية فيرنا ويلبسه فى الرصيف
والتانى يزنق على موتوسيكل ويوقع الناس اللى عليه ويكسر حاجاتهم
طيب سواق الموتوسيكل جزمة وغلط فيك
طيب الراجل اللى وراه اللى اعتذرلك ذنبه ايه ؟؟؟؟

فعلا معظم بتوع الموتوسيكلات والتوكتوك والتروسيكل ولاد ستين فى سبعين
وعاوزين الحرق بالجاز
وأنا اتعرضت منهم لمواقف أكثر من كده وكنت ساعتها ببقى عاوز أعمل زيك أو أكثر
بس بكظم غيظى أو بأنفجر فيه وأشتمه وأتخانق مش ازنق عليه
أتقوا الله .... انتوا كده بتحولوها غابه
بتوع الموتوسيكل يفتروا على اللى ماشى على رجله
وبتوع الملاكى يفتروا على الموتوسيكلات
وبتوع النقل يفتروا على الملاكى
والبقاء للأقوى والأكبر والأضخم
وتذكر دائماً
اذا دعتك قدرتك على ظلم الناس فتذكر قدرة الله عليك

بكره لما سواق عربية تريللا بمقطوره يشوفك بتعمل غرزة و يفكرك بتلعب على الطريق أو يتخيل انك بتزنق عليه أو بتاخد حقه يقرر الإنتقام منك ويعمل فيك اللى انت عملته فى الموتوسيكل
ساعتها هتقول ايه وهيبقى احساسك ايه
حرااااااام عليكم
إتقوا الله

أخى فى الله
أرجوك متزعلش منى
أنا بقول النصيحة ديه ليا قبل ما اقولها ليك ولبقاى أحبائى من أعضاء نايل موتورز المحترمين
أنا لا ادعى المثالية
وأنا من النوع العصبى اللى بيتخنق بسرعه وممكن اغلط بسرعه واتخانق
واحيانا بكتمها فى نفسى وبكظم غيظى واكبر دماغى وبحتسبها عند الله حسنات وسأقتص من هذا المخطئ يوم القيامة
ربنا يهدينى ويهديكم