قريب قريب ان شاء الله .. اخلص امتحانات بس ...ربنا يخليك يا باشا
ربنا يكرمك
بخصوص الصاج الخفيف فده حال العربيات الجديدة كلها كدة فهي مش فارقة عنهم في حاجة في موضوع الصاج يمكن بس الاكصدامات اضعف شوية لكن مش للدرجة
اما موضوع ان الللون بيقشر وبيبهت والكلام ده مالوش اي اساس من الصحة :s_thum1[1]:
بالنسبة للثبات لو حضرتك سواقتك سواقة عادية او سواقة واحد مثلا رب اسرة واه ممكن يمشي بسرعة بس في المعقول هتلاقي ان ثبات العربية مرضي جدا بالنسبة ليك ومش هتشتكي منه ابدا
اما لو حضرتك زي حالتنا كدة وغرز يمين وشمال وملفات على سرعات الياريس مش هتبسطك خالص في الموضوع ده
خاصا لان ثابتها يكاد يكون منعدم في الملفات على سرعات عالية توقع انه يحصل overstress والعربية تلفت منك في اي لحظة
اي غرزة غشيمة على سرعة عالية تبقى مجهز نفسك ان العربية تعرض بعدها وانك هتفتحلها عشان تعدلها
طبعا الكلام ده على السرعات فوق ال 110 - 120 يعني مش معنى كدة انك مثلا هتاخد غرزة على 80 العربية هتتقلب لاء طبعا
لو حضرتك خايف من موضوع الثبات ممكن تجبها وترزعها جنط 16 مع كاوتش اعرض زي مانا عملت وهتلاقي فرق شكلا وموضوعا في الثبات
الحمد لله دلوقتي مش بعاني باي مشاكل في الثبات لا في ملفات ولا في غرز وثباتها بقى معقول :s_thum1[1]:
ياباشا من الفيديو اللى فات واحنا مستنيين الفيديو بتاعك
فينك يا راجل كل ده لسه ماوصلتش :u_thin1[1]: الطريق زحمة ولا ايه
المفضلات