بيتلز ولا 128؟

**smsmxxxxxx** · 19-12-2011 04:18 PM

المشاركة الأصلية كتبت بواسطة aron_didek

شكرا لردك يا ياشا بس ايه راى حضرتك فى البيتل 1974 على 12000 سعرها حلو ولا عالى خصوصا على كلام صاحبها بيقول ان عدادها محتاج تظبيط بس بقيت العربية كويسة ؟؟

بص لو ناوى على البيتل هات 1303 موتور 1600 cc
سعرها من 15000 للحالات الكويسة

ياريت متتسرعش وتجيب عربية من غير ما تكشف عليها كويس
وكمان تجرب سواقتها على طريق سريع

**aron_didek** · 19-12-2011 04:29 PM

المشاركة الأصلية كتبت بواسطة smsmxxxxxx

بص لو ناوى على البيتل هات 1303 موتور 1600 cc
سعرها من 15000 للحالات الكويسة

ياريت متتسرعش وتجيب عربية من غير ما تكشف عليها كويس
وكمان تجرب سواقتها على طريق سريع

الف شكر يا باشا لردك هو انا ان شاء الله ناوى اكشف عند الحج محمد على اللى فى جسر الويس

**smsmxxxxxx** · 19-12-2011 06:02 PM

المشاركة الأصلية كتبت بواسطة aron_didek

الف شكر يا باشا لردك هو انا ان شاء الله ناوى اكشف عند الحج محمد على اللى فى جسر الويس

خللى بالك من ابنه عمرو لسة ناصب على زميلنا هنا فى المنتدى عامله صيانة وبايعله قطع غيار بايظة وواخد 500 جنيه

ممكن الراجل يظبطه فى فلوس
او هو يعقدك من العربية علشان يدبسك فى واحدة من عنده

ممكن تروح لعاطف عند جراج اثر النبى فى اول المعادى
او تنزل فيصل او الهرم الميكانيكية كتير

اللى عايز يبيع البيتل ممكن يروح معاك المانيا علشان تكشف عليها لانها تقيلة فى البيع

**aron_didek** · 19-12-2011 07:01 PM

المشاركة الأصلية كتبت بواسطة smsmxxxxxx

خللى بالك من ابنه عمرو لسة ناصب على زميلنا هنا فى المنتدى عامله صيانة وبايعله قطع غيار بايظة وواخد 500 جنيه

ممكن الراجل يظبطه فى فلوس
او هو يعقدك من العربية علشان يدبسك فى واحدة من عنده

ممكن تروح لعاطف عند جراج اثر النبى فى اول المعادى
او تنزل فيصل او الهرم الميكانيكية كتير

اللى عايز يبيع البيتل ممكن يروح معاك المانيا علشان تكشف عليها لانها تقيلة فى البيع

طب هو حضرتك متعرفش واحد كويس وامين قريب من مدينة نصر ؟

**mr_sameh** · 19-12-2011 07:20 PM

نصيحتي هات عربيه تعرف تبعها ومتخسرش كتير لانها اكيد مش هتبقي عربية العمر

**i_Am_Legend** · 19-12-2011 10:35 PM

يا باشا اسمع كلامي بالله عليك.....والله السمارا عربية تحفففففففففة....انت هاتبقي راكب عربية محترمة وبنص تمنها!!!....العربية دي والله ممتااااااازة.........واسعار قطع غيارها عبيطة جدااا....وشاسيها قضيبين زي القطر...مش علي علب زى ال128...وواسعة جدا ....و4 باب....وزلطة علي الطريق...كفاية انها ....موجودة في المانيا وروسيا...وموجودة في اوكرانيا....اتفرج علي فيلم الديلر....انا ان شاء الله بخلص في واحدة....وهاتكون معايا باذن الله بكرة ....

**aron_didek** · 19-12-2011 10:49 PM

المشاركة الأصلية كتبت بواسطة i_am_legend

يا باشا اسمع كلامي بالله عليك.....والله السمارا عربية تحفففففففففة....انت هاتبقي راكب عربية محترمة وبنص تمنها!!!....العربية دي والله ممتااااااازة.........واسعار قطع غيارها عبيطة جدااا....وشاسيها قضيبين زي القطر...مش علي علب زى ال128...وواسعة جدا ....و4 باب....وزلطة علي الطريق...كفاية انها ....موجودة في المانيا وروسيا...وموجودة في اوكرانيا....اتفرج علي فيلم الديلر....انا ان شاء الله بخلص في واحدة....وهاتكون معايا باذن الله بكرة ....

بس انا حاطط ميزانية معينة و متهيقلى الادا هتبقى معدية

**i_Am_Legend** · 19-12-2011 10:56 PM

السمارا هاتبقي في حدود 12 ل17 الف....بس صدقني عربية...ومالهاش اي علاقة بالادا ال2107...انعم منها بمراحل..

**ramyworm** · 20-12-2011 07:52 PM

المشاركة الأصلية كتبت بواسطة i_am_legend

السمارا هاتبقي في حدود 12 ل17 الف....بس صدقني عربية...ومالهاش اي علاقة بالادا ال2107...انعم منها بمراحل..

مش عارف اقولك ايه بس حاسس ان كلامك مبالغ فيه شوية او انا اللي واخد فكرة غلط عن العربية . انا كانت مع واحد صاحبي وكانت تقيلة جداااااااا في سواقتها العربية كانت بتعوم في الغرز ( بس عادي يعني قول زي ال 128 في النقطة دي انما البيتلز اكيد تفرق عنهم ) وطبعا قطع غيارها تعتبر غالية غير اللادا 2107 . الصراحة كنا بنفضل نعزم على بعض مين اللي يسوق خاصة لو مشوار طويل

**Dr'AhmZZong** · 20-12-2011 11:16 PM

المشاركة الأصلية كتبت بواسطة smsmxxxxxx

انا عندى بيتلز و جبتها علشان بحبها مع ان كل العائلة والاصدقاء كانوا ضدى
وناس كتير من اللى كانوا رافضين انى اجيبها حبوها بعد ما ساقوها

البيتلز فى المطبات والرمل والطين تحس انك راكب جيب
فى السرعة والسحب والشد متحسش انك راكب عربية موديل قديم

بس فيها عيوب لازم اقولهالك وانتا لازم تحسبها كويس

العربية ديقة من ورا مفيش حد هيرضي يركب معاك غير ولادك لو صغيرين واول ما هيكبروا هيفضلوا المواصلات
من ادام القاعدة كويسة بس بتدايقك لما تيجي داخل العربية

الشنطة اللى قدام يادوبك تاخد الاستبن لان كلنا مش مركبين الكاوتش الرفيع قوى الاصلي اللى بيبقي ليه مكان ادام بس ال 1302 و ال 1303 الشنطة اوسع

بالنسبة للشنطة اللى ورا الكنبة لو انتا استغنيت عن السماعات يا دوبك تاخد الكوريك وشنطة عدة وكام كيس خضار هيبقي طالع نصهم سادد الازاز

العربية ورا حر جدا فى الصيف حتى لو ماشي سريع لان طبعا مفيش ازاز بيتفتح ورا

فى البداية هتلاقي سواقتها فى الزحمة صعبة لانك مش شايف الجنب اليمين ادام ولا عارف اخر بوز العربية فين وعند الرجوع للخلف نفس الكلام مش هتشوف حاجة
لكن مع الوقت هتحفظ ابعادها

واسوأ عيوبها
الفرامل ضعيفة لانها طنابير وبتحتاج صيانة كل شوية وضبط
الموتور غالى جدا ال 1200 وال 1300 بيعمل 3500 و 4000
ال 1600 بييعمل 6000 و 7000 دى اسعار المواتير المضمون انها تكون كويسة
الفتيس من 700 الدنجل بيوصل ل 1000 علشان حالته تبقي كويسة
علبة الدريكسيون لموديلات 1302 و 1303 بتعدى ال 1000 جنيه دا لو لقيتها
الاكصدامين 500
الاربع رفارف من 1200 الى 1500
البابين 600

الحجات اللى فاتت معمرة لانها المانى استيراد بس طبعا الحالة اهم حاجة

اما باقي قطع الغيار الجديدة زى طلمبة البنزين والاسبراتير والكاربراتير الجوانات والاولسيهات ومساتر الفرامل فدول للاسف صينى و البرازيلي برضه مضروب دا اذا كان برازيلي اصلا

الميكانيكية بتوعها مخصوصين والكهربائية كمان مفيش ميكانيكي او كهربائي عادى يعرف يشتغل فيهم الكهربائي العادى كبيره يظبطلك النور لكن المارش والدينامو انسي

تكلفة طقم الشامبر بالمصنعية 750
تكلفة العمرة من 2000 الى 3000 والعمرة الصح 5000

الخلاصة
لو انتا شاب والعربية ليك لوحدك هات البيتل بس يكون عندك استعداد تتعلم بعض اساسيات الصيانة زى تغيير البوجيهات والابلتين والكوندنسر وسير المروحة
وطبعا لازم تجيب ميكانيكي كويس يختبرها

وفى نقطة مهمة اعادة البيع للبيتل تقيلة يعنى لو جبتها مفيش تراجع

لكن ال 128 اشهر ميزة فيها انها بتتباع بسهولة يعنى لو جبتها ومعجبتكش تقدر تبيعها وتجيب حاجة تانية

عربية متعبة قوي

الموضوع: بيتلز ولا 128؟

LinkBack

أدوات الموضوع

عرض

-

-

-

-

-

المواضيع المتشابهه

طلب تسعير بيتلز

بيتلز للبيع

صور بيتلز بعد ما اتظبطت

اصدقاء بيتلز

شراء بيتلز

الكلمات الدلالية لهذا الموضوع

المفضلات

المفضلات

ضوابط المشاركة