فعلا المشكله دي انا بعاني منها جدا جدا لما بروح عين شمس عند جدتي و ياما عملت خناقات
و حسبي الله و نعم الوكيل في العالم دي
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
بسم الله الرحمن الرحيم
السلام عليكم و رحمة الله و بركاته
طبعا الناس اكيد هتستغرب من الموضوعات اللي نازلة ترف ع القسم العام مني
بس هنعمل ايه الواحد قرف و زهق في كل مكان خناقة و كل مكان يطلعنا بلطجي شكل يا اما بلطجية شحاتة ياما بلطجية الركنات
كالمعتاد و المشكلة التي نواجهها جميعا الركنة دلوقتي و ما يترتب عليه من خناق قد يوصل للدم
الواحد قبل ما بينزل بيكون بيفكر في الركنة هيركن فين و ازاي
و ده اللي حصل معايا لكن المرة ديه كان هيبقي فيها دم
نزلت و سميت و توكلت ع الله و نازلالمهم عديت من عند الجامعة عند المنشية و افتكرت حاجة عايز اشتريها بسرعة من الجانب الاخر ناحية الحدايق فلازم حاجة من الاتنين يا اروح الحدايق و اتزنق في مصر و السودان ياما اركن عند محطة منشية و اطلع السلم و ارجع قررت اني اركن هناك مجتش ع شوية مشي يعني الواحد ساعات بيمشي من الحديقة الدولية للمطرية
لقيت ركنة فاضية عند بيت قديم مكون من دور و جنبه بقاله صغيرة المهم كان فيه موتسيكل شرطة واقف و عليه امين شرطة و خلاص هيطلع استنيته طلع و ركنت لقيت صاحب البقالة جي بيزعق فيا
متركنش هنا ده باب رزق و بيزعق انا ببصله بذهول و انا اساسا طول اليوم برة و مش شايف قدامي و بتكلم بالعافية
بقوله و ايه المشكلة لقيته برده بيزعق
هو ايه المشكلة ده باب رزق
بقوله يا حج ربنا اللي بيرزق محدش بياخد رزق حد
الاقي الرد
يلعن ابو الرزق لأبو .........
غير باقي الشتيمة ( استغفر الله العظيم ) فعلا بني ادم كافر و جي بيمسك فيا
انا قولت استغفر الله العظيم
فيه ايه يا حج كل ده عشان 10 دقايق ركنة طب كلمني كويس الأول زي ما بكلمك
كل ده و انا مش قادر اتكلم اساسا انا اكاد اكون بزحف من التعب طول اليوم
و الراجل برده بيزعق حتي مش فاكر و لا فاهم نص الكلام اللي بيقوله
المهم اخر الكلام اللي فهمته بيقولي متركنش هنا انا مش عايزك تركن قدام بيتي
قولتله لأ هركن ده طريق عام
يقولي يبقي هقطعلك كاوتش عربيتك بالمطواة
اول ما قال الرد ده انا كأن الحياة كلها دبت فيا و كل الناس اتلمت لما سمعت ان فيها مطواة
قولتله طب وريني هتعمل ايه و انا واقف اهو
و زي مقولت في نفس الوقت كل الشارع جيه يجري و الناس اتلمت و الدنيا وقفت لا يقل عن 30 نفر اتلموا و هو داخل يجيب المطواة و الناس حايشني عنه و كنت خلاص رايح اضربه مع ان الراجل مفيهوش بونية واحدة اساسا
و بقوله وريني هتعمل ايه
و الناس اللي حاوليه والمحلات عمالين يتحايلوا عليا امشي و اسيبه
و الشباب اللي في المنطقة بيبوسوا راسي و بيقولي عشان خاطرنا امشي و عشان خاطر الناس اللي معاك مشيهم هم بس
و كله شايف ان الراجل غلطان و عمال داخل فيا شمال و انا كنت بكلمه باحترام
بقولهم انا اساسا مش عايز اكلمه عشان راجل كبيير و مش عايز ازعله
و هو برده واخداه الجلالة و عمال يزعق و بيتلكك عشان يمسك فيا و انا مستنيه يمسك بس هدومي عشان اديله الطريحة التمام في خلقته و فضلنا في زهيق و خناق و الناس تحوشنا من بعض
لا يقل عن 10 ماسكيني حايشني عنه غير اللي ماسكينه غير اللي واقفين في النص
المشكلة كلها ان يكون معاك ناس خايف يحصلهم حاجة و تكون مستعجل
انا بصراحة كنت ناويله ع نية سودا لو كان عمل حاجة للعربية او فكر يمسك هدومي بس
انا مش عارف الناس اتجننت و لا ايه من بعد الثورة و كله فاتح صدره و محدش هامه حاجة كل واحد ماسكله قرن غزال و لا حتة سلاح و عامل نفسه دكر و هو ميسواش سحتوت مصدي
اعتقد الموضوع ده كتير مننا او كلنا مرينا بيه بسبب الركنة برده سواء اقل من كده او انتهت بمصيبة
عايزين حل يريحنا حل يخلصنا من الاشكال ديه
نفسي حد من الحكومة يطلع يقول ان اي شخص يركن في اي مكان صالح للركن و اللي يعترض يتبلغ عنه في ساعتها عشان الناس تتلم و يبطلوا قلة ادب
و في نفس الوقت تنزل حملات تشيل كل الاعمدة الحديد اللي بقت مالية الشوارع و الحجارة ..الخ...ألخ
يا جماعة ده الواحد لما يجي ضيف و يركن مكانه ويبات كمان باليومين بيكبر دماغه و يقول معلش ده ضيف و هيمشي مع ان العربية اتبهدلت من الركنة خارج الركنة المعتادة تخبيط و تكحيت
عايزين حل
نداء الي الحكومة عايزين حل
عايزين الحكومة تربي الاشكال ديه و ان مفيش حاجة اسمها ده مكاني او ده قدام محلي فيه حاجة اسمها ده طريق عام و من حق الجميع يركنوا طالما الركنة مش ممنوعة
رقم العضوية : 71279
تاريخ التسجيل : 22May2010
المشاركات : 2,905
النوع : ذكر
الاقامة : مدينة نصر
السيارة: لا يوجد
السيارة[2]: FIAT Tempra 1997
دراجة بخارية: لا يوجد
الحالة :
فعلا المشكله دي انا بعاني منها جدا جدا لما بروح عين شمس عند جدتي و ياما عملت خناقات
و حسبي الله و نعم الوكيل في العالم دي
http://img542.imageshack.us/img542/2...mpraswpnel.jpg
.................. سبحان الله و بحمده ,, سبحان الله العظيم ....................
رقم العضوية : 97030
تاريخ التسجيل : 30Apr2011
المشاركات : 1,345
النوع : ذكر
الاقامة : Tanta
السيارة: isa
السيارة[2]: punto
دراجة بخارية: Not interested
الحالة :
مين ده ياحبي اللي مزعلك.........أكتبلي اسمه ف ورقه دا الراجل ده مش هيطلع عليه صبح....................هو طبعا ياصديقي الراجل غلطان بس طالما معاك حد من أسرتك يبقي مش وقت انك تاخد حقك وخاصه ان دي منطقته والمحلات اللي حواليه كلها أصحابه........هو دماغه مقفوله علي ان اللي هيقف قدامه يبقي بيقطع عيشه .....وانت ليس لديك الوقت ولاالاكتراث انك تقعد تفهم واحد عمره ماهيفهم ......................ومتحرقش ف دمك ياصحبي لو مش عشان نفسك يبقي عشان معجبينك ....(بثبتك عشان تروق كده هههههه)........تحياتي ..
رقم العضوية : 18719
تاريخ التسجيل : 12Sep2008
المشاركات : 725
النوع : ذكر
الاقامة : Cairo
السيارة: سكوترابوعجل بينور
السيارة[2]: سيارة الشعب 128
دراجة بخارية: .
الحالة :
متهيألي في اليومين دول .. الأفضل تسيبله المكان واكظم غيظك.
ولا أقولك ،، يا باشا كنت سييب عليه ضميرك .. كان هيظبطه !!
رقم العضوية : 3484
تاريخ التسجيل : 29Nov2007
المشاركات : 2,120
النوع : ذكر
الاقامة : مدينة بلا لانسر (بومة) في الشوارع
السيارة: Daihatsu Sirion 1.3L GLX 2009
السيارة[2]: BMW 525i 2007
دراجة بخارية: أحبوش
الحالة :
في ناس كتير فعلا محتاجين تربية
[aldl]http://nileup.com/up/uploads/nilemotors_13899410841.jpg[/aldl]
رقم العضوية : 4503
تاريخ التسجيل : 19Jan2008
المشاركات : 2,257
النوع : ذكر
الاقامة : Cairo
السيارة: N/A
السيارة[2]: N/A
دراجة بخارية: No
الحالة :
حصلت مرة جنب البيت وسواق تاكسى هو اللىعملها وشتم وزعق وانا سيبته ومشيت وجبت عربيه الشركه النص نقل و خليته ركن ورحت راكنه لازقه فى الرصيف وحبسته من اول يوم الوقفه لحد مبدئنا شغل الاسبوع اللى بعدة وهو عمال يهاتى وعربيه مين دى قلتله عربيتى انا ولو البويه اتجرحت او اى حاجه حصلت للعربيه هجيب الصنايعيه يسمكروها هنا ههههههههههههههههههههه الافترا حش بس عالم زباله دلوقى مكانى محدش بيقف فيه حتى لو راكنين فوق بعض
مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
حسبى الله ونعم الوكيل
فعلا محتاجين المرور وشرطة المرافق تدخل لحل هذه المشكلة
الناس بتستهبل آخر استهبال
سواء اصحاب المحلات
والقهاوى اللى بيفرش الكراسى على الرصيف
وعلى الرصيف من الجهة المقابلة
وينزل على الطريق يمين وشمال
شغل استهباااااااااال
انا مستغرب ناس سايبه المشاكل المهمة ديه
وبيطالبوا بحاجات اقل اهمية زى الفاميه والاستيكرات !!!
رقم العضوية : 4503
تاريخ التسجيل : 19Jan2008
المشاركات : 2,257
النوع : ذكر
الاقامة : Cairo
السيارة: N/A
السيارة[2]: N/A
دراجة بخارية: No
الحالة :
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
من ضمن السلييات اللى بنعانى منها
واحنا كمصريين بنعذب نفسنا بيها
كل واحد قدام باب بيته عامل 5 أو 6 درجات سلم
وممكن يعملها بالرخام وغالبا بتكون شكلها لطخ
ومفيهاش اى ذوق أو شياكة
علشان يدخل القصر الجمهورى بتاعه وطز فى الشارع
واياك حد بيعدى بعربية ويلمس السلمة الأخيره
وتلاقيه عامل رصيف (تل اتوار) متر ولا نص متر على الأقل
وبعدين عمل كام حوض وزارع شجر كمان
وبعديهم يركن عربيته
فى شوارع مينفعش يتعمل فيها كده
عرضها لا يتجاوز 4 أو 5 متر
تيجى تكلمه تلاقيه كشر فى وشك وبرق عينه
ويقولك الشارع ده ملكى اعمل اللى يعجبنى
طيب ياسيدى الشارع ده بتعدى منه عربيات ملاكى
ممكن عربية اسعاف داخله علشان مريض
ممكن عربية مطافى كبيرة داخله تطفى حريقة
مش هتعرف تعدى
ممكن عربيه شايله ظلط ولا رمل لحد بيبنى أو بيشطب شقته
مفيش فايده
تلاقيه اتشنج وزعل وركبته العفاريت ومصمم على اللى بيعمله
وحسبنا الله ونعم الوكيل
ليه يامصريين بنعذب بعض
ليه بناكل فى بعض ومبنحترمش بعض
وبنراعيش ظروف بعض
ليه مبنحترمش حق الطريق وحق المارة
اللى وصانا عليه الإسلام
يااااااااااااااارب رحمتك
المفضلات