17-12-2011 09:06 PM #3
رقم العضوية : 104761
تاريخ التسجيل : 22Jun2011
المشاركات : 514
النوع : ذكر
الاقامة : Alexandria, Egypt
السيارة: Aveo A/T 2012
السيارة[2]: Sandero A/T 2013
دراجة بخارية: None
الحالة :
المشاركة الأصلية كتبت بواسطة hosam_optrawy حضرتك مختار 6 عربيات حاول تخليهم 2 او 3 عشان تقلل من حيرتك , العوامل اللى حضرتك مختارها هاتساعدك فى كدا تعالى نمسكهم واحده واحده العمليه : العمليه من حيث الوسع مثلا ولا الاعتمادية وقلة الاعطال ولا العفشه وعلوها وتحملها للطرق ولا ايه ؟ خلينا نركن النقطه دى على جنب مؤقتا اوبشنز كتير ورفاهيه : تعالى نمسكهم واحده واحده فلوونس e3s موديل 2012 تمنها 150 الف ابرز كمالياتها جنوط 16 تكييف اوتوماتيك مثبت سرعه مرايات ضم سمارت كى فتحة سقف مازدا 3 موديل 2011 هاى لاين تمنها 155 الف فيها جنوط 16 تكييف اوتوماتيك مثبت سرعه مرايات ضم فتحة سقف زينون طاره ملتى كورولا 2012 هاى لاين تمنها 168 الف فيها جنوط سبور وفتحة سقف فقط النترا فولى لودد 2012 تمنها 159 الف فيها سمارت كى وفرش جلد ومثبت سرعه وفتحة سقف وجنوط 16 وطاره ملتى وباركنج سنسور وتكييف اوتوماتيك كروز توب لاين 2012 تمنها 150,500 فيها تكييف اوتوماتيك مرايات ضم جنوط 16 طاره ملتى باركنج سنسور فورد فوكس هاى لاين موديل 2011 سعرها 177 الف فيها باركنج سنسور فتحة سقف فرش جلد طاره ملتى مثبت سرعه تكييف اوتوماتيك توافر قطع غيار : دا بيرجع للانتشار يعنى مثلا هاتلاقى للفلوونس والكورولا والالنترا والكروز واقلهم المازدا والفوكس الاداء بالترتيب طبقا للارقام 1 - النترا 130 حصان + فتيس 6 سرعات + تعليق خلفى تورشن بيم 2 - كورولا 122 حصان + فتيس 4 سرعات + تعليق خلفى تورشن بيم 3 - مازدا 105 حصان + فتيس 4 سرعات + تعليق خلفى ملتى لينك 4 - كروز 107 حصان + فتيس 6 سرعات + تعليق خلفى تورشن بيم 5 - رينو فلوونس 105 حصان + فتيس 4 سرعات + تعليق خلفى تورشن بيم 6 - فورد فوكس 100 حصان + فتيس 4 سرعات + تعليق خلفى ملتى لينك رأيى تستبعد الكورولا لارتفاع سعرها وقلة كمالياتها , والفوكس لضعف موتورها وارتفاع سعرها غير انها 2011 والموديل الجديد خلاص نازل , والكروز لقلة كمالياتها وموتورها وتركز على مازدا 3 والنترا وفلوونس +1 للأسف فيه حاجات تانية مميزة نزلت السوق بس ماحدش باصصلها أصلا... شوف دول: بيجو 408 أسترا 2012 نيسان سيلفي بس للأسف صيني كيا سبورتاج لو مصمم علي اختياراتك شيل كمان المازدا 3... تسارع بطيء وضيقة من جوا رغم ان شكلها واسع من برة.
رد مع اقتباس
عرض سحابة الكلمة الدلالية
قوانين المنتدى
المفضلات