اقتباس المشاركة الأصلية كتبت بواسطة hosam_optrawy مشاهدة المشاركة
حضرتك مختار 6 عربيات حاول تخليهم 2 او 3 عشان تقلل من حيرتك , العوامل اللى حضرتك مختارها هاتساعدك فى كدا تعالى نمسكهم واحده واحده

انا فعلا بحاول اعمل كده لكن مش عارف لوحدي علشان كده لجاءت هنا للاخوه في المنتدي


العمليه : العمليه من حيث الوسع مثلا ولا الاعتمادية وقلة الاعطال ولا العفشه وعلوها وتحملها للطرق ولا ايه ؟ خلينا نركن النقطه دى على جنب مؤقتا

العمليه من حيث الاعتماديه وقله الاعطال في المنصب الاول وبعدين تحملها للطرق وبالتالي جوده العفشه


اوبشنز كتير ورفاهيه : تعالى نمسكهم واحده واحده

فلوونس e3s موديل 2012 تمنها 150 الف ابرز كمالياتها جنوط 16 تكييف اوتوماتيك مثبت سرعه مرايات ضم سمارت كى فتحة سقف

مازدا 3 موديل 2011 هاى لاين تمنها 155 الف فيها جنوط 16 تكييف اوتوماتيك مثبت سرعه مرايات ضم فتحة سقف زينون طاره ملتى

كورولا 2012 هاى لاين تمنها 168 الف فيها جنوط سبور وفتحة سقف فقط

النترا فولى لودد 2012 تمنها 159 الف فيها سمارت كى وفرش جلد ومثبت سرعه وفتحة سقف وجنوط 16 وطاره ملتى وباركنج سنسور وتكييف اوتوماتيك

كروز توب لاين 2012 تمنها 150,500 فيها تكييف اوتوماتيك مرايات ضم جنوط 16 طاره ملتى باركنج سنسور

فورد فوكس هاى لاين موديل 2011 سعرها 177 الف فيها باركنج سنسور فتحة سقف فرش جلد طاره ملتى مثبت سرعه تكييف اوتوماتيك

هو في اختلاف بسيط في بعض الاوبشن يعني في حاجات زياده عن الي قولتها في بعض الموديلات


توافر قطع غيار : دا بيرجع للانتشار يعنى مثلا هاتلاقى للفلوونس والكورولا والالنترا والكروز واقلهم المازدا والفوكس

تمام الي حضرتك بتقوله بس هل الاسعار واحده ولا في قطع غيار ارخص في عربيات معينه


الاداء بالترتيب طبقا للارقام

1 - النترا 130 حصان + فتيس 6 سرعات + تعليق خلفى تورشن بيم

2 - كورولا 122 حصان + فتيس 4 سرعات + تعليق خلفى تورشن بيم

3 - مازدا 105 حصان + فتيس 4 سرعات + تعليق خلفى ملتى لينك

4 - كروز 107 حصان + فتيس 6 سرعات + تعليق خلفى تورشن بيم

5 - رينو فلوونس 105 حصان + فتيس 4 سرعات + تعليق خلفى تورشن بيم

6 - فورد فوكس 100 حصان + فتيس 4 سرعات + تعليق خلفى ملتى لينك


رأيى تستبعد الكورولا لارتفاع سعرها وقلة كمالياتها , والفوكس لضعف موتورها وارتفاع سعرها غير انها 2011 والموديل الجديد خلاص نازل , والكروز لقلة كمالياتها وموتورها

عندك حق في الكورولا خصوصا لانها بقيت جنوب افريقي وفي الكروز لقله امكانيتها وتوكيلها السئ لكن في الفوكس انا سمعت ان الوكيل الجديد منزل سعرها عن الي حضرتك كاتبه


وتركز على مازدا 3 والنترا وفلوونس
ان فعلا مركز علي الاتنين دول وبالذات الفلونس علشان ابعد عن غبور لانه الوكيل الوحيد للماذدا