وركبت مثبت سرعة للتيجو

**M_Marwan** · 20-12-2011 11:03 PM

ربنا يوفقك ان شاء الله

**ahmed88hassan** · 22-12-2011 08:00 PM

ربنا معاك يا كبير
و يارب مجهودك يجي بفايدة و ربنا يباركلك فيه :)

**aboomarahmad** · 26-12-2011 11:27 AM

المشاركة الأصلية كتبت بواسطة ahmed_rahem

الف مبروك وافكار ممتازة. :s_thum1[1]:

انا بس هعلق على نقطة السرعة وزيادتها فى المطالع، مثبت السرعة العادة بيثبت السرعة على مقدار انت محددة وبالتالى لو فية مقاومة بيقوم مزود البنزين (عدد لفات الموتور) علشان يحافظ على السرعة المسجلة،
:u_thin1[1]:انما فكرت اعتقد انك مثبت كمية البنزين الداخلة للموتور (اكنك كثبت رجلك على الدواسة) عن طريق التحكم فى دواسة البنزين وبالتالى لو فية مقاومة (مطلع) لا يوجد تجاوب مقابل من العربية (زيادة عدد لفات الموتور).

والسلام ختام

السلاااام عليكم:
كلامك صح وهو ده اللي كنت اقصده
المثبت اللي بينزل في العربيات التانية بيزود وبينقص في عدد اللفات بالتحكم في ضخ البنزين لكي تظل السرعة ثابتة سواء في مطلع او في منزل وبالتالي لو حضرتك بصيت على عداد الإستهلاك بتاع البنزين هتلاقيه مش ثابت ودايما بيزيد في المطالع والملفات عشان يعوض المقاومة
وانا في رأيي ده مش حلو للطرق بتاعتنا بالذات
يعني طريق اسكندرية اللي يعتبر تاني احسن طريق في مصر(حاليا) بعد طريق السخنة مليان مطالع وملفات وبالتالي لما جيت اسوق الشيروكي بتاعة صاحب الشركة كنت دايما حاطط ايدي على الزرار في الدركسيون عشان اقلل السرعة في المطالع والملفات....ماهو مش ممكن آخد ملف على 120 او حتى 100كم/الساعة بعربية عالية زي دي والطريق مش حلو بردو
وبالتالي انا مش مستفيد اوي بالتثبيت لأني بدل ما ركزت في رجلي بأركز في أيدي
لكن انا ثبت الدواسة تمام كأني مثبت رجلي عليها وعلى السرعة اللي انا مختارها 90..95...100,5 اي درجة ولما احب في ثانية افك التثبيت بكل سهولة بأفكه

م.ياسر

**aboomarahmad** · 26-12-2011 12:03 PM

السلاااام عليكم:

الحمد لله جربت المثبت (مثبت السرعة مش مثبت الشعر ) والحمد لله الحمد لله اتظبط

دلوقتي هيكون في نوعين بنفس الخامة (خامة المعدن) لأنه لازم يكون فيه نسبة مرونة وعالي المقاومة ومش بيصدي

النوع الأول زي عندي وده للعربيات الإسبرانزا لأن دواسة البنزين بتاعتها مختلفة شوية

والنوع التاني للعربيات العادية التانية لكن الإتنين نفس الفكرة وتصوروا كلفني كام؟؟؟

كلفني حوالي 180-200ج. مقارنة باللي بيركب للعربيات الأقدم وبيخش على الضفيرة وغيره بيكون بـ4500ج. ده آخر سعر عرفته من سنة تقريبا لما رحتلهم في بنزينة وطنية

اي استفسار انا تحت امر حضراتكم

وياريت ياجماعة اي حد عنده افكار جديدة نتناقش فيها ....افكار تريح الواحد وتتغلب على صعوبات بنقابلها في الطرق او في السواقة

يعني مثلا انا بأفكر في حاجة جديدة وبسيطة تخليني اركن العربية في اضيق الأماكن بسرعة عن طريق ان العجلات الأربعة تلف بزاوية 90 درجة يمين او شمال...الفكرة دي نزلت في الهوندا البريليود من حوالي 10 سنين بس اختفت مش عارف ليه

فكرة تانية نفسي اعملها وهي ازاي لو انت دخلت في شارع ضيق او زحمة ازاي تلف العربية 180 درجة وتخرج بوشك؟؟؟ مجنون انا صح؟؟ مش بقولكم دماغي وكلاني

دعواتكم

م.ياسر

**ahmedbasto** · 26-12-2011 12:10 PM

تسلم ايدك

**sherifgis** · 10-01-2012 12:49 PM

متابع باهتمام

**Hegazio** · 10-01-2012 01:37 PM

تمام يا برنس .. أيوة كده وحوش التيجو " انا اصلي كان ليا صولات و جولات هنا "

**aboomarahmad** · 12-01-2012 02:10 PM

المشاركة الأصلية كتبت بواسطة eng_maged

احييك يا باشمهندس على اصرارك وتصميمك
وهننتظر تفاصيل التصميم

السلام عليكم:
بالنسبة للتصميم فهو بسيط جدا ومش محتاج سرد ولا تفاصيل اكتر من اللي كتبته
لو حضرتك او اي حد في المنتدى حب يركب واحد ممكن يشرفني بالإتصال ونحدد موعد يجيلي الورشة بس بعد 26يناير لأني مشغول بإمتحانات الولاد عندي والموضوع مش هياخد في تركيبه ساعة زمن بالكتير جدا
والله اعلم

م.ياسر

**aftr** · 12-01-2012 07:58 PM

المشاركة الأصلية كتبت بواسطة aboomarahmad

السلام عليكم:
بالنسبة للتصميم فهو بسيط جدا ومش محتاج سرد ولا تفاصيل اكتر من اللي كتبته
لو حضرتك او اي حد في المنتدى حب يركب واحد ممكن يشرفني بالإتصال ونحدد موعد يجيلي الورشة بس بعد 26يناير لأني مشغول بإمتحانات الولاد عندي والموضوع مش هياخد في تركيبه ساعة زمن بالكتير جدا
والله اعلم

م.ياسر

اول حاجه بجد تسلم ايدك على الموضوع الجميل ده وان شاء الله توصل لافضل حاجه فكرتنى بأيام زمان كنت بعمل تعديل فى الاجهزه الاليكترونيه