الموضوع: وركبت مثبت سرعة للتيجو

احييك بشده على روح الابتكار التي يمتاز بها كثير من المصريين ولكن كل ما ينقصهم الامكانيات ..
.وحتى لو مانفعتش يكفيك شرف المحاوله...
ربنا يكرمك وفي انتظار النتائج والتفاصيل

متابع
ربنا يوفقك
منتظرين النتيجه النهائيه بعد التعديل

المشاركة الأصلية كتبت بواسطة aboomarahmad

السلام عليكم:
ربما يكون في حد من حضراتكم تابع موضوعاتي عن رغبتي الملحة في تركيب مثبت سرعة لعربيتي التيجو والتي لم تفلح كل المحاولات لإتمام ذلك من مراسلات لشركة شيري في الصين ولا الحوارات مع التوكيل وكذلك لم يفلح المثبت اللي له موضوع هنا في المنتدى لأنه للسيارات الأقدم التي تتصل دواسة البنزين فيها بالموتور بشكل ديناميكي وليس كهربائي مثل الحديث من السيارات الآن.......وبعدين...
قعدت أفكر وبما اني مهندس دماغه بتاكله على طول....فضلت اصمم في افكار بسيطة للتحكم في دواسة البنزين من داخل السيارة لتثبيتها عند السرعة المطلوبة وفي نفس الوقت فك التثبيت ده بسرعة وببساطة لو حدثت مفاجئة على الطريق
اخدت في الموضوع ده حوالي شهرين وعملت فكرة وفشلت وعملت فكرة تانية وفشلت لحد من يومين في آخر فكرة بعد مايأست وان قاعد في العربية نورت فكرة بسييييطة في نفوخي...قمت رايح الورشة (انا مهندس مباني ستيل وعندي ورشة صغيرة للخراطة) ومخلص الموضوع
امبارح كنت في مشوار للإسكندرية وجربته واكتشفت ملحوظتين هصلحهم واكمل التجربة لكن
المهم ان الفرق الجوهري بين فكرتي البسيطة وبين اللي بينزل في العربيات الهاي لايف كالآتي:
الأصلي بيثبت السرعة على طول يعني العربية تطلع مطلع او تنزل منزل بتفضل ثابتة وده ميزة عشان الرادار لكن عيب خطير لما تثبت على 100 مثلا او 120 وتيجي طالع مطلع ومش شايف وراه ايه او تلف في ملف وتفضل على كدة فممكن لاقدر الله تحصل مشكلة ولازم تلحق تتدخل لتقليل السرعة بنفسك بزرار معين لذلك....طبعا اللي عملته انا السرعة بتقل شوية في المطالع وتزيد شوية في المنازل لكن بترجع تاني لما الطريق يتعدل.......تصوروا اني لقيت ان ده بيكون اقتصادي جدا في البنزين لأني كنت جايب على عداد الإستهلاك اللي في العربية ومثبت على 100 لقيت العداد ما بين 7 و 7,8 بالكتير (لتر/100كم) سواء العربية طالعة او نازلة....المهم هظبط كل الملاحظات وارجع اقولكم عملت ايه

م.ياســر

الف مبروك وافكار ممتازة.

انا بس هعلق على نقطة السرعة وزيادتها فى المطالع، مثبت السرعة العادة بيثبت السرعة على مقدار انت محددة وبالتالى لو فية مقاومة بيقوم مزود البنزين (عدد لفات الموتور) علشان يحافظ على السرعة المسجلة،
انما فكرت اعتقد انك مثبت كمية البنزين الداخلة للموتور (اكنك كثبت رجلك على الدواسة) عن طريق التحكم فى دواسة البنزين وبالتالى لو فية مقاومة (مطلع) لا يوجد تجاوب مقابل من العربية (زيادة عدد لفات الموتور).

والسلام ختام