انا عاشق الداشيا وعندى لكل مشكله حل ليها

**sallamfayad** · 19-12-2011 08:56 PM

السلام عليكم يا مهتمين بالداتشيا انا مش عايز اقولكم ان انا اكتر واحد بيحب العربيه دى فى الدنيا انا وصلت لدرجه انى توحدت معاها انا عندى 98 دهبى شاريها من 3 سنين مافيهاش مسمار خارج الفبريكه ولله الحمد كتر خير اللى بعهالى كان محافظ عليها جدا كان بيعشقها زىى كان بيحط فيها بنزين 92 تخيلوا المهم قبلتنى مشاكل كتير فيها كلها مشاكل عاطفيه مش تقنيه
1- كان صوتها على شويه خلتنى معاها بالتظبيط فى الكاربريتر والكهربه لحد مابقت فى غايه النعومه

2- فرش ابوابها كان اكبر مشكله والحمد لله خلانى وراها لغايه ماتعلمت الماكيتنج بالفل اللى بيسموه السروجيه البورى وعملت احلى فرش ابواب منفخ وكسيته جلد طبيعى وقطيفه بقى زى الفيرارى ومكان للزراير الكهربا
3- العفشه الناشفه خصوصا ورا ده كان حلها سهل الى حد ما مساعدين الدايو لانوس ودول ب 80 ج استعمال وها يعيشوا العمر

4- عصايه الفتيس كانت طويله والارضيه واطيه عملت ماكيت مكسى جلد شكله زى البى ام وممكن اضيف له زرابر لو عايز

المهم يوم ما تشترى داشيا لازم تكون مش ملعوب فيه فاهمين لحسن المصريين وحشيين اوى فى عكهم والصنايعيه فى منتهى الغباء

على فكره انا حاليا فى الزقازيق بس انا شاريها عروسه قاهريه وقريب هلنقل اسكندريه وانا هاكون مبسوط جدا لو اى حد من عشاق النوفا يتواصل معايا عشان اى حاجه فيها

انا اسمى اسلام فياض 0146320889 وعايز حد يشاركنى عشق ليها قريب هارفع صور الشكل الداخلى ليها لحد مااعدل شويه بره لحسن من بره مش قد كده عايزه شويه رش

**hugan** · 19-12-2011 09:00 PM

ربنا يبارك لك فيها
طالما بتحب العربيه ومقتنع بيها بتشوفها احسن عربيه في الدنيا

**sallamfayad** · 20-12-2011 11:49 AM

لا يا استاذى لا تتردد لكن اكشف عليها كويس لازم تكون مش ملعوب فيه بغباء ولازم يكون صالونها ممتاز وطقم الدبرياج الاصلى وكمان وير الدبرياج مايكونش متعدل
ولو عايزنى انزل معاك السوق انا تحت امرك

**الصيداح** · 20-12-2011 05:55 PM

ربنا يبارك لك في السيارة ويكفيك شرها
لكن كان لازم ترفع لنا صورتين ثلاثة كدة

**bnoqo** · 21-12-2011 03:23 AM

يــــــــــــــــــــــــ ـــــــــاه يــــــــــــــــــــــــ ـــــــــــــــــــاه يــــــــــــــــــــــــ ـــــــــــــاه بالقوى
انت كنت فين ياعم اسلام

اولا احب اعرفك بنفسى انا العضو احمد من اكثر عاشقين الداتشيا نوفا فى القاهره طبعا ده بعد حضرتك احب اقولك ان كل صنايعية بتوع مصر كرهونى فيها وخلاص حلفت لا ادفع الطاق طاقين علشان اخليها احلى عربية فى الدنيا

المهم كانت اول مشكلة فى حياتى هيا مشكلة فرش الابواب بس بما انك حليت المشكلة فأنا خلاص واقع فى عرضك وطولك وارتفاعك نعمل موضوع الفرش ده سوا علشان انا استويت من الفرش الزباله الى عندى

بالنسبة للعفشة انا العفشجى كانت عندى نفس مشكلة المساعدين ورا وهما نشفين شوية والحمد لله غيرت وركبت مازدا كورسيدا بــ 100 جنيه

اما بالنسبة للحلاوة الى عندى والى غلبتنى موضوع الفرامل والحمد لله عملته انى بعد مادفعت مبلغ اكبر من 500 جنيه طلع الحل عندى ابسط مما يكون هو مجرد تغيير جلد ماستر للماستر القديم الى عندى ولقيت واحد ببيع الطقم الاصلى ب 40 جنيه

اهم حاجة عندى دلوقت الفرش ابوس ايدك الفرش لانى محتاج اخليها زى مابتقول حاجة كده زى الفيرارى

انا ممكن اسافر وابقى عندك من يوم الخميس لو تحب

اخوك فى الانسانية
احمد عبد الرحمن
اه رقم تليفونى 0144664259

**hazemawad** · 21-12-2011 08:53 PM

بس فيه حاجه صغيره عايز اعرفها ...كلكم بتقولوا المساعدين اللى ورا تركب عليها التيوتا كروسيدا (مش المازده يارجاله) طب اللى قدام يركب عليها ايه....افيدونى افادكم الله.....ولتحيا الداتشا نوفا ورجاله الداتشا نوفا
ومشاء الله عليكوا كده وكل واحد عمال يتغزل فى حبيبه قلبه اللى مطيره النوم من عينه (من السهر تحت منها )..ومفرجه الشارع عليه وهوه لابس طقم الجينز القديم والقميص المقطع ومش باين منه الا رجله والباقى من جسمه لاما واقع فى الحوض نايم على الماتور لاما تحت العربيه وكارتيره الزيت حاضنه صدره ...ههههههههه
المهم يا باشاوات انتم وقعتم ولا الهوا اللى رماكم...انا بقى بعشق حاجه اسمها داتشا نوفا وعندى العربيه بنت الذين دى ام 15 الف احسن من البى ام اللى بنص مليون وطظ فى اللى مش عاجبه كلامى....
عربيه اللى كان مصممها واضح ان الحديد عند امه بيتباع ببلاش ماتور اللى مصممه مغنى اوبرا سوبانوا بيفهم فى طبقات اصوات اللحن الجميل( عايز تعرف اللى بتكلم عليه ادى الداتشا نوفا ام كارباتير اتنين باب امباليه على التاالت واسمع صوت الماتور واحكم انت بنفسك على كلامى ) و عفشه اللى مصممها واضح انه عامل حسابه انها هاتمشى فى الطرق المصريه الحريريه اللى فيها لازم تتمرجح اكتر مابتسوق...قول واحكى على المتانه والصلابه للشاسيه اللى على علب زى العربيه النقل والعزل للرطوبه تنفع لغواصه مش لعربيه... براح المقصوره متصممه برحابه وكأن الرومانيين كلهم اطول من ال190 ..توجيه دقيق احسن من البى ام..نسبه تسارع للمحرك بتاكل الطريق وعن تجربه والدكر يشد قصادى .
ونفس المواويل اللى سلام عايش فيها ومنفض للصنايعيه التعبانه انا عايش فيه والله ونتيجته افضل مليون مره من شغلهم وانا سييدهم ..
والرجاء الرد والتواصل معايا فى اى وقت لاى اشتشارهولاى سؤال لاجل خاطر عيون حبيبة قلبى الداتشا نوفا
محمول : 01111968514
e-mail: hazemawad71@yahoo.com

**hazemawad** · 21-12-2011 08:59 PM

المشاركة الأصلية كتبت بواسطة xscropi_12

الاخ اسلام ارجو النصيحة
انا ناوى اشترى عربية وكتير من الناس خوفونى منها

دوس ياباشا ...ودوق هاتعرف ان العربيه مش بالسعر ..العربيه بالعشق

**الصيداح** · 22-12-2011 05:01 AM

الله على شغل رجالة الداتشيا بس كله نوفا نوفا مفيش داتشيا عادي

**hazemawad** · 22-12-2011 11:13 AM

المشاركة الأصلية كتبت بواسطة الصيداح

الله على شغل رجالة الداتشيا بس كله نوفا نوفا مفيش داتشيا عادي

ياباشا احمد زى سيداحمد ...متانه رومانى ياباشا ...بس الفارق ان النوفا الام الشرعيه لكل الحديث مثل اللوجان والميجان ومش مصدق بص لخطوط التصميم بتاعة اللوجان هاتلاقيه هيه الداتشا بس منفخه