عاوزة اخــد رأيكوو فى حاجة محيرانى اوى .... !!

**Noha.M** · 25-05-2008 03:15 AM

على فكرة عندك حق يا محمود ...

هتصعب عليه فعلا.. و هحس نفسي خنتها كدة ..

انا هستخير برضه لانى مش مطمنة خالص

**MoToRiZeR** · 25-05-2008 03:19 AM

إن شاء الله خير و تاخدي القرار اللي تبقي مطمنة انه صح :)

**hazem_khidr** · 25-05-2008 03:30 AM

اهلا
اسيب المنتدي كام ساعه ارجع لاقيكي عامله موضوع 40 مشاركه ههههههههه.
فينك يا كريم تشوف :).
نيجي للجد بقي:
الباشمهندس عمرو رد من الجانب القانوني و كلام سليم.
لو من الناحيه القانونيه يعني لا قدر الله حد عمل اي حادث او كده اللي بيتحمل المسئوليه السائق مش المالك.
اما لجهه الخلافات العائليه او ما شابه ذلك
فلنفس اماره بالسوء.
بس فيه كبار في العيله و متهيالي ما يقدرش يعمل حاجه ف دي نستبعدها خالص.
يبقي حل من اتنين:
1.كل واحد ياخد عربيه التاني و يمشي بيها عادي.بس بعد الخمس سنين حتدفعوا مش اقل من 5 الاف جنيه في نقل الملكيه دا لو الرسوم ما زدتش!!!!!!
2.كل واحد يرضي بعربيته و خلاص و لا دي اول و لا اخر عربيه حتركبيها ان شاء الله.
و هاتي غطا للعربيه خلي السايس يغطيها في الجراج و قدام الشغل نفس الحكايه برضه
حتحميها من التراب و الشمس و كل حاجه

**theking2690** · 25-05-2008 04:52 AM

المشاركة الأصلية كتبت بواسطة dehumanizer

انا عارف احساسك و الله .. انا بركن تحت شجرة .. يعني عمري ما شفت العربية نضيفة .. في مرة مغطيتهاش و جالي دور برد منزلتش 3 ايام .. نزلت لقيتها زي ما تكون طالعة من عاصفة صحراوية .. ده غير العصافير اللي فوق الشجرة الله ينور .. زي ما يكون مكتوب عليها WC مش Sirion.. بالعافية تقدري تميزي لونها .. تراب رهيب

بس انا بتغلب علي ده بالنضافة اول باول .. و بغطيها
خلي البواب يغطيهالك بحيث ميتكومش عليها تراب كتير

و حطي في بالك ان اي لون تاني برده هيبان فيه التراب .. مش هيبقي غير مرئي يعني .. خصوصا لو انتي من النوع الموسوس اللي بيدور عالتراب :) فا هتلاقيه و هتحسي ان ما زالت نفس المشكلة

المشكلة في التراب مش في اللون .. صحيح الاسود مقرف في النضافة .. و لكن شكله وهو نضيف يستاهل حرقة دمه اما يتترب ;)

انا بس عايز الفت نظرك لأن العربية مش مجرد قطعة حديدية .. اكيد اتكون رابط بينك و بينها يمكن متلاقيهوش في العربية الجديدة حتي لو هي هي .. خاصة ان عربيتك القديمة هتبقي ادام عينيكي علي طول (مع اخوكي) و هتحنيلها

الرابط ده هو اللي بيخلي كل واحد يحب عربيته .. مش الموديل ولا الشركة ولا اللون .. لأ العربية "دي"

اتصدق يا محمود نفس اللى بيحصل معايا انا كنت فاكر نفسى لوحدى اللى بيحصلى كده الاول الموضوع ده بضايقنى والاقيهم مليانلى العربيه حمام و اقعد انضف و بعد كده الصراحه بقيت انفض و اعتمد على انى اروح البنزينه انضفها كل اسبوع و شكرا على كده

اونا ما تحطيش فى دماغك الكلام ده انا برضه كنت عامل زيك كده بس بزياده عنك شويه علشان:
1-التراب
2-اللون الغامق بيخلى التكييف ياخد وقت اطول فى انه يسقع العربيه
3-انا عربيتى لونها نبيتى فكل واحد من اصحابى يقعد يقولى ده لون بناتى لحد ما خلونى كنت هكره العربيه

بصى ريحى دماغك و ابقى وديها تتغسل فى البنزينه كل اسبوع و بيقيت الاسبوع هيبقى كفايه عليها بس انك تلميعها بفوطه زفره

**Hossam.Hamdy** · 25-05-2008 08:00 AM

وبعدين ياسيتى خليها تترب عشان متتحسدش.....

**Karim_Monir** · 25-05-2008 11:13 AM

المشاركة الأصلية كتبت بواسطة hazem_khidr

اهلا
اسيب المنتدي كام ساعه ارجع لاقيكي عامله موضوع 40 مشاركه ههههههههه.
فينك يا كريم تشوف :).

يا عم انا لا هاشوف ولا هاسمع
ماليش دعوة

ها ها
شوفتي يا نهي
ودنك منين يا جحا
وكانك يا ابو زيد ما غزيت
وهاترجعي بخفي حنين
نييييههههههههههههههه

**bee** · 25-05-2008 12:03 PM

السلام عليكم ورحمة الله وبركاته
بصي يا onna

مبدئياً .. اتعلمي كده تثبتي حقك في كل حاجه مهما كانت صلة القرابة .. ده مش خوانه

قال تعالى :
" إذا تداينتم بدين إلى أجل مسمى فاكتبوه"
سورة البقره الآيه 282

بالنسبة لرأيي الشخصي بقه
ربنا يباركلك في عربيتك بس اللون الاسود انا من رأي مش بتاع مصر اساسا
الشمس بتبهدله مع الايام .. ويمكن ده سبب ان اللون الاسود غالباً بيكون أغىل من باقي الالوان في الزيرو . . . ده بصرف النظر عن انه بيحتاج اهتمام

لو انتي مضايقه من النظافة وشايفاها حاجه هتتعبك
ببساطه خليه يجيب العربية الي هتبقى بتاعتك قسط باسمه .. وعربيتك باسمك الي هتبقى بتاعته
ولما الاقساط تخلص انقلوا الملكية .. خلال الفترة كل الي هيفرق معاكوا يوم التجديد جددي عربيتك وهو يجدد الي باسمه .. بس كده واختاري اللون الي عايزاه

لكن لو بتحبي عربيتك .. خلاص الخيره فيما اختاره الله ..
بس عايز اقولك حاجه ومن غير زعل
انتي كده بتشتغلي نفسك ومش هتخلصي لازم تاخدي قرار حاسم ..

ارجو اني اكون افدتك بعد كلام الاعضاء الي فيه الخير وكل الحلول الممكنة ..
تحياتي

**MoToRiZeR** · 25-05-2008 04:00 PM

المشاركة الأصلية كتبت بواسطة theking2690

اتصدق يا محمود نفس اللى بيحصل معايا انا كنت فاكر نفسى لوحدى اللى بيحصلى كده الاول الموضوع ده بضايقنى والاقيهم مليانلى العربيه حمام و اقعد انضف و بعد كده الصراحه بقيت انفض و اعتمد على انى اروح البنزينه انضفها كل اسبوع و شكرا على كده

انا برده بعمل زيك بالزبط :)

تغطية و مسحة بالأيد بتاعة التنضيف ام دراع دي اللي بتتباع في كارفور
و يوم الجمعة غسلة نضيفة في البنزينة

**aif** · 25-05-2008 04:16 PM

إحم..... إحم ..
انا عندي الحل يا نهي
شوفي يا اختنا العزيزة ...
انتي خلي اخوكي يشتري عربيتة برضة لونها اسود.....
وطبعا لما يحطها في الجراج ح تترب ......
بالتالي انتي ح تشعري من داخلك ان عربيتك مش الوحيدة اللي بتلم التراب..دي كل العربيات كدة ... فح ترتاحي نفساويا ....ده من ناحية ...
من ناحية تانية .... اكيد السايس مش بيعرف يقرأ...ف مش ح يعرف العربيتين من بعض
لما تقوليله لمعلي العربية تاني ح يفتكر انه لمع عربية اخوكي بدل عربيتك و مش ح يتذمر من كتر التلميع .. وهكذا خليه يلمع العربية 30 كرة في اليوم
حل مفتكس ... مش كدة

الموضوع: عاوزة اخــد رأيكوو فى حاجة محيرانى اوى .... !!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حاجة محيرانى اوى فى سعر الصنى 2002

حاجة غريبة...عاوزة رأيكم بليز

حاجة غريبة فى البونتو الجديدة محيرانى

حاجة بسيطة محيرانى فى الرادياتير

حاجة عاوزة اتاكد من صحتها

الكلمات الدلالية لهذا الموضوع

المفضلات

المفضلات

ضوابط المشاركة