عاوزة اخــد رأيكوو فى حاجة محيرانى اوى .... !!

**Noha.M** · 27-05-2008 05:36 PM

المشاركة الأصلية كتبت بواسطة rawdat

اه والله يا بنتي فكري و نص
فيه ريشة ناعمة بيقولو عليها في كارفور قريت عنها فالمنتدى هنا
و لو أخوك ده مش موجود ولا حد كان قالك بدل ولا بيعي كنت هتعملي اه ؟!!!
نستعيذ بالله من التذبذب بعد الشراء
و ربنا يكرمك و يكرم الجميع و بعد كدة إبئي اشتري لوحدك يا ماما !!!! :)

بتفكرى فى الاسودد

خودييهااا و القلب دعييييييييييييييلك :embarrassed2:

هههههههههههههههههههه

الواحد اصله مبيتعلمش بلاش

**OlaOsman** · 27-05-2008 06:11 PM

طبعا انا مش هاقدر أزود على اللي الناس قالوه يا نهى غير..
.
.
.
.
.
.
.
.
.
.
.
.
.
.
بيعيها و هاتي ماتيريا بيضاااااااااااااااا

**Noha.M** · 27-05-2008 06:16 PM

يا سلاااام :) والله يا علا فى الجوووون بس الايد قصيرة و العين بصيرة و ماما ايدها طويييلة

ربنا يقدم اللى فيه الخير بأة :)

**OlaOsman** · 27-05-2008 06:16 PM

لا نتكلم جد بأه :)

انتي أصلا استخرتي على السيراتو يا نهى و ربنا قسم لك بالعربية دي باللون ده، يبقى الخيرة فيما اختاره الله و حاولي ترضي نفسك بما قسمه لكي الله و هتلاقي نفسك مبسوطة بيها ان شاء الله :)

و بعدين يا عبيطة، ما دام خطيبك حابب اللون ده يبقى خلاص، خليكي فيه و لما يسألك انتي غيرتي رأيك ليه ومش ناوية تبيعها قولي له و هو انا أقدر برضه أعمل حاجة انت مش حاببها او من غير رضاك؟ انا غيرت رأيي عشان خاطرك انت بس :)

و اهي تبقى بجميلة يا أوختشي خليكي ناصحة

**mohamed ibiza** · 27-05-2008 06:27 PM

تصدقي يا اونا انا كرهت السيراتو السودا مع ان العربية شكلها حلو ههههه:) يا اونا العربية دي البوية بتاعتها هتقع من النضافة ارحمي العربية شوية حرام لازم العربية يحصلها مناعة من التراب عشان تتعود عليه عارفة الابيزا نظرا لان المرسيدس لسه مجتش و الابيزا مدخلتش تحت سيطرتي رسمي العربية متشوفيهاش من التراب خدت مناعة منه بصي هاتلها غطا ووتر بروف و زي ما قالولك كده بالريشة و خلي البواب المسكين يغسلها 3 مرات يوميا و بالميه و الصابون كمان و هتلاقي العربية علي طول بتبرق يشيل الغطا و يغسلها و يغطيها تاني و ربنا يعين البواب و السيراتو البوية بتاعتها تصمد:):)

**Chicco** · 27-05-2008 06:47 PM

المشاركة الأصلية كتبت بواسطة OlaOsman

طبعا انا مش هاقدر أزود على اللي الناس قالوه يا نهى غير..
بيعيها و هاتي ماتيريا بيضاااااااااااااااا

الماتيريا البيضاء ديه كل ما اشفها (اسمها Scion xb في كندا) أحس انها ناقصها هلال أحمر كبير و سارينة و تبقى عربية إسعاف رسمي

بجد يا نهى الأسود أحلى لون ...و أنا عربيتي في مصر كليو سودة و مبسوط بيها ...هي بتحتاج بس تنضيف يومي (مش غسيل ....الغسيل الكتير يبوظ الدهان و يعمل مشاكل ) و كل شهر و لا حاجة اديها طبقة شمع و فوم

على فكرة أنا ناوي إن شاء الله اديها للمدام و أجيب عربية تانية .....سودة برضه :)

**rawdat** · 27-05-2008 08:30 PM

يا ستي أنا مذبذبة زيك بس لسة مشترتشي باءة !!!
يعني مطلعة عين العيلة كلها دنا كمان بفكر أغير النظام خالص
و على فكرة فعلاً الشمع حلو زي مثلاً كدة يا نهى الخشب لم نديلو pledge كويس ميمسكشي فيه التراب و متنسيش بعد كدة الريشة :) يعني ولا غسيل ولا يحزنون بس إنت شوية بس والحالة هتروح

**Hossam_Hassan** · 27-05-2008 10:06 PM

الصبر جميل، احنا فى موسم التراب، كلها شهر و التراب يقل شوية، ده بالنسبة للأحوال الجوية

اما بالنسبة للأحوال الأجتماعية، أحب اشاركك فى تجربتى الشخصية، كان عندى اهتمام بالخطوط المتوازية، تطور الى هوس، يعنى ممكن كنت ارجع اطلع الدور التاسع علشان دواسة باب الشقة كانت مش متوازية مع الباب و أنا خارج و الناس كانت ممكن تضحك عليا و انا باركن ركنة سهلة جدا فى عشر دقايق علشان عاوز العربية متعامدة بزاوية 90 على الرصيف و انزل و اركب 4-5 مرات, و تخيلى بقى حياتى كانت عاملة ازاى أو حطى نفسك مكان مراتى ايام الخطوبة و احنا قاعدين فى اى مكان و كل اهتمامى ان كل حاجة على الترابيزة تبقى متوازية.

باختصار زى الادمان بالضبط، ووصلت لمرحلة انى لازم ابطل، طب ازاى؟، دورت كتير و قرأت كتير ووصلت لطريقة صعبة، بس نتائجها مذهلة، ابتديت اسيب لوحة واحدة معوجة شوية و اتحدى نفسى هسيبها قد ايه، و بعدين ابتديت اتحدى نفسى هركن فى كام ثانية و هلم جرا، و شوية شوية الأمور بقت طبيعية و مبقاش يجيلى ارتكاريا لما اشوف يافطة معووجة فوق عمارة او واحد مش ماشى موازى للرصيف.

انتى لازم تتعمدى تعملى عكس اللى انتى عاوزاه، يعنى تبتدى بانك تسيبى دواسة واحدة غير نضافة و بعدين العربية تسيبيها كام يوم، يعنى بالبلدى كدا تجمدى قلبك و تتحدى نفسك انك تبقى مهملة شوية، يعنى عكس اللى انتى بتعمليه تماما و جربى و مش هتخسرى حاجة و يمكن ربنا يهديلك نفسك و تلاقى ان الكمال لله وحد و ان كل انسان لازم يكون له عيوب، علشان الناس تشوف مزاياه

**mmolazem** · 27-05-2008 11:26 PM

المشاركة الأصلية كتبت بواسطة Chicco

بجد يا نهى الأسود أحلى لون ...و أنا عربيتي في مصر كليو سودة و مبسوط بيها ...هي بتحتاج بس تنضيف يومي (مش غسيل ....الغسيل الكتير يبوظ الدهان و يعمل مشاكل ) و كل شهر و لا حاجة اديها طبقة شمع و فوم

على فكرة أنا ناوي إن شاء الله اديها للمدام و أجيب عربية تانية .....سودة برضه :)

لو ممكن اقول رأى فى الموضوع ؟؟؟؟؟
- سؤال بسيط فى المرور عن اجراءات تغيير لون العربيه.
وتختارى اللون اللى يعجبك .... والسؤال عن التكلفه .... ويلا .

واهو بالمره يمكن فى المرور يشبطو فيكى ........ ويدفعوكى الضريبه الجديده .... !!!!

**mmolazem** · 27-05-2008 11:31 PM

المشاركة الأصلية كتبت بواسطة Chicco

بجد يا نهى الأسود أحلى لون ...و أنا عربيتي في مصر كليو سودة و مبسوط بيها ...هي بتحتاج بس تنضيف يومي (مش غسيل ....الغسيل الكتير يبوظ الدهان و يعمل مشاكل ) و كل شهر و لا حاجة اديها طبقة شمع و فوم

على فكرة أنا ناوي إن شاء الله اديها للمدام و أجيب عربية تانية .....سودة برضه :)

ممكن السؤال فى المرور عن اجراءات تغيير اللون ...... ثم تغيير اللون... !!!!

بس كده ..... محلوله.

الموضوع: عاوزة اخــد رأيكوو فى حاجة محيرانى اوى .... !!

LinkBack

أدوات الموضوع

عرض

-

-

-

المواضيع المتشابهه

حاجة محيرانى اوى فى سعر الصنى 2002

حاجة غريبة...عاوزة رأيكم بليز

حاجة غريبة فى البونتو الجديدة محيرانى

حاجة بسيطة محيرانى فى الرادياتير

حاجة عاوزة اتاكد من صحتها

الكلمات الدلالية لهذا الموضوع

المفضلات

المفضلات

ضوابط المشاركة