تحذير من تجار سوق السيارات مدينة نصر

**medododo** · 22-12-2011 06:02 PM

نصيحة لوجه الله لا تبيع لتاجر ولا تشتري من تاجر
لأنه حتى لو أمين هيكسب من وراك وانت أولى بالفرق

**hossam_elwani** · 22-12-2011 06:18 PM

والله انا حشترى فى نص السنه الجايه وكنت ناوى على مستعمل ومفيش قدامى عربيه بعينها وكنت حلف وادور بس شكلها حترسى على جديد قسط مع انى مابحبش القسط بس تفادينا لنصب السوق ولى بنشوفه فيه ولا ايه رأيكم والله المستعان

**amrrashed** · 23-12-2011 12:40 AM

تاجر السيارات فى مصر هو اسوأ تاجر فى اى فئة

**Ghosts** · 25-12-2011 08:05 PM

المشاركة الأصلية كتبت بواسطة kemoztanta

دا الاصحاب بيضحكوا علي بعض وبيلبسوا في العربيات .. أنا أمنت ان العربية متتجابش الا وانت عارفها وعارف تاريخها .. غير كدا توقع مالاتتوقعة يحصل معاك وبكل شياكة هتاكل اقوي المقالب في حياتك.. في حاجات في العربيات متتعرفش الا بعد شهر واتنين للاسف كمان.

يعنى ممكن العربية يكون فيها حاجة متبانش بالكشف عليها بالكومبيوتر فى التوكيل ؟

**magyver** · 26-12-2011 05:08 PM

ياجمااعة مش كلهم كدة يعني اي فئة فيها الوحش وفيها الحلو
وبعيدن اللي بيقول التاجر بيكسب 2 ولا3 من وراك وانت اولي
اظن انك مش هاتتعب عند الصناايعية واظن ان التعب والشقي دة بفلووس
لما العربية تقعد شهر تتشد وانت واقف جمبها اظن بردة دة بفلووس
فكل حاجة فيها الوحش وفيها الحلو

**dr_hady4447** · 03-01-2012 02:07 AM

التوكيل يقدر يحدد العداد ملعوب فيه ولا لا ؟؟

**Land_Cruiser** · 03-01-2012 02:14 AM

المشاركة الأصلية كتبت بواسطة dr_hady4447

التوكيل يقدر يحدد العداد ملعوب فيه ولا لا ؟؟

المفروض التوكيل بيبقي واخد قراءه العداد و العربيه بيتعمل لها الصيانه و ممكن ترجعله بس بشرط ان يكون صاحبها بيعمل الصيانه فى التوكيل مش بره

**Islam_Shady** · 03-01-2012 02:59 PM

المشاركة الأصلية كتبت بواسطة dr_hady4447

التوكيل يقدر يحدد العداد ملعوب فيه ولا لا ؟؟

لا طبعا مايقدرش

يا جماعه الموضوع فى منتهى البساطه انه بيغير العداد بواحد جديد او استيراد سواء عند الميكانيكى او عند التوكيل نفسه

انا ليا زميل عربيته عدادها اقل من الحقيقى و هو اللى قاللى و لما سالته ازاى قاللى ان عربيته كانت مخبوطه خبطه جامده و راحت التوكيل تتصلح و ليه جاره مهندس فى التوكيل قام خدمه و غيرله العداد بواحد جديد على الزيرو

و طبعا هو اللى قاللى لانه زميل و امين و ماكانش ناوى يبيع

لكن لو تاجر؟؟

**dr_hady4447** · 04-01-2012 03:30 PM

يعنى التوكيل ميقدرش يحدد على العداد متغير ولا لا؟؟؟؟

**eldell** · 05-01-2012 12:56 AM

بالنسبه لتقليل العداد ده فى واحد كان بيعمل اعلان هنا على المنتدى لتقليل العداد مش فاكر اسمه ايه هو فى الدقى وكان بيقلل العداد وليا واحد اعرفه قلل عداد عربيته ودفع 200 جنيه وعلى فكره مش بتتعرف فى التوكيل الا لو بتعمل الصيانه بس غير كده لو العربيه مش مهلكه من بره وباين عليها مش هيتعرف انها ملعوب فى عدادها