الموضوع: تحذير من تجار سوق السيارات مدينة نصر

هو ينفع تقلل العداد بتاع العربية بس حرام شرعاً ، لكن ممكن تعمل حاجه أجمل من كده أنك تغسل العربية وتروقها وتعطرها وتصلح اي حاجه فيها علشان ربنا يباركلك ويبارك في كل قرش هتخدو ... لأنك بمنتهى البساطة لو غشيت ممكن بعد ماتكتب العقد وتاخود فلوسك ... ربنا يبعتلك حرامي أبن حلال يسرقك زي ما سرقت الزبون ... وتقعد تغني ظلموة ، طيب يجي واحد يقولي لا ما انا افتح عيني من الحرمية ، هقولك أبسط حاجه ربنا هياخود من فلوسك البركة وتلاقي فلوسك الكتير قوي دي عماله تتصرف على شوية حجاة تافه من شيبس وتويكس وحلويات وشوية هجايص هتلاقي فلوسك بخ .... يجي واحد يقولي لا ما انا مش هصرف الفوس وهشتري عربية تانية بيهم ، هقولوا يبقى ربنا هيديلك عربية مغشوشة زي ما غشيت الناس ... لأن يابن أدم أفعل ماشئت فكما تدين تدان ؟؟؟؟؟؟؟؟؟ مفيش لعب مع ربنا ...

والحاجه الغريبة ... ان كل واحد مورهوش شغلانه ولا عمله يشتغل تاجر .. يشوف عربية حلوة ورخيصة لأن صاحبها قانوع ومحترم ومش أستغلالي يقوم التاجر شاريها وهيا واقفه يجي واحد في أمس الحاجه لعربية وياعالم يكون مجمع الفلوس الي معاه ازاي وسالف من مين وحارم عيالو من الاكل والشرب وكل متع الدنيا علشان يجبلهم عربية ويجي الاخ بمنتهى البساطه يبعهالو بفرق سعر 5000 جنيه فوق تمنها ده بعد ما باس الراجل ايدو ورجلو انو ينزلو في سعرها ... ويقولك اصل أنا تاجر ... والتجارة شطارة ... انتا بتاجر في ايه ، انا بسميها صياعة مش تجارة .... وكل من هب ودب بأه تاجر ... وياعالم ربنا هيبركلو في المكسب الي كسبو ولا لأه ، ومن ناحية تانيه هو يعتبر عالة على الامة المصرية لأن مقدمش اي خدمة او أي حاجه للمجتمع يعني مثلاً موفرش سلعة المجتمع محتاجها وبدء يبيعها ويكسب فيها ده بالعكس أذى السوق كلو لأنو أتسبب في رفع سعر السيارات بصورة جنونية .

فمع أحترامي للناس أنا بعتبر تاجر العربيات الي مبيتعبش ده عبارة عن واحد صايع لا شغله ولا عملة ... زي لمن تيجي تسئل شب ان بتشتغل ايه يبني ويقولك راجل أعمال ههههههههههه ومرات بظحك لمن ببص على قناة زي الجزيرة مستضيفين واحد وبيعرف نفسو على انو بيشتغل خبير في قضايا دولة الصومال او خبير في قضايا الشرق الاوسط ... طب هو دي شغالنه بتأكل عيش يعني ياربي ... قاعد كده قدام التلفزيون اتابع نشرة الاخبار وأقرى جرايد كده بقيت خبير في قضايا الشرق الاوسط زي واحد فاضي ويقولك محلل كروي ولا محلل سياسي والي يدحك لمن تتفرج على اي مطش كورة تلاقي كل الي على القهوة قاعدين بيحللو وبيفتوو كمان ... مين عارف بكره نلاقي شغلانه واحد يقولك انا كبير مشجعين نادي الزمالك ... ويطلعلك التاني ويقولك انا المدير الفني لتنظيم حركة الشاحتين داخل القاهرة وتوزيعهم على المحليات .هههههههههههههه ياربي شوفلكم شغلانه عدله بأه غير أستغلال الناس ... شغلانه تفيدكم وتأكلو عيالكم قرش حلال أبرك مليون مره من قرش جي من ورى أستغلال الناس .

المشاركة الأصلية كتبت بواسطة me_medoo

هو ينفع تقلل العداد بتاع العربية بس حرام شرعاً ، لكن ممكن تعمل حاجه أجمل من كده أنك تغسل العربية وتروقها وتعطرها وتصلح اي حاجه فيها علشان ربنا يباركلك ويبارك في كل قرش هتخدو ... لأنك بمنتهى البساطة لو غشيت ممكن بعد ماتكتب العقد وتاخود فلوسك ... ربنا يبعتلك حرامي أبن حلال يسرقك زي ما سرقت الزبون ... وتقعد تغني ظلموة ، طيب يجي واحد يقولي لا ما انا افتح عيني من الحرمية ، هقولك أبسط حاجه ربنا هياخود من فلوسك البركة وتلاقي فلوسك الكتير قوي دي عماله تتصرف على شوية حجاة تافه من شيبس وتويكس وحلويات وشوية هجايص هتلاقي فلوسك بخ .... يجي واحد يقولي لا ما انا مش هصرف الفوس وهشتري عربية تانية بيهم ، هقولوا يبقى ربنا هيديلك عربية مغشوشة زي ما غشيت الناس ... لأن يابن أدم أفعل ماشئت فكما تدين تدان ؟؟؟؟؟؟؟؟؟ مفيش لعب مع ربنا ...

ياريت الفلوس هتتصرف وخلاص
لا دا كمان
بتفضل نقمة الكذب والغش فى الاهل والولد والصحة
ونرجع نغنى ونقول
الادوية مبتجبش نتيجة ( لمناسبة انى صيدلى :) )
الولد مش نافع وبيشرب وو

والله لو اننا توكلنا على الله حق توكله لرزقنا كما يرزق الطير ( بس نتوكل مش نتواكل )

بصراحة كلامكم محترم ومقنع جدا
والله انا بدور على عربية بقالى اربع شهور ومش عارف اشترى
وانا معايا 50 الف جنيه وكنت فاكر انى معايا مبلغ محترم
وهاعرف اشترى بس للاسف اسعار السيارات فى الطالع على طول
والفرق بينها وبين الجديد فرق بسيط
يبقى الواحد يستنى ويشترى جديد احسن
والله المستعان

يا فندم لا تيئس ، وأحب أطمنك 50 ألف جنيه مش مبلغ قليل يعني هتلاقي تمن العربية الجديدة 2012 من بلدها لحد عندنا ثمنها 50 ألف جنيه بس انت عارف بلدي وبلدك لازم الي يعيش فيها يكون مليونير ... فأوعى تتخيل نفسك فقير بس البلد بتاعتنا هي الي عوزانا نتصور كده ... عامة انا كاتب موضوع عن الجمارك أقراه وهتعرف انك غني بس مش واخد بالك . ولكم جزيل الشكر

السلام عليكم ورحمة الله وبركاته
المفروض اللي بيبيع يعمل بحديث الرسول (صلي الله عليه وسلم)
البيعان بالخيار ان بينا وأصلحا بورك لهما في بيعهما وأن اخفيا وخبيا محقت بركة بيعهما
المفروض لما تيجي تبيع تقول كل حاجة بأمانة وبصراحة حتي لو في شرخ صغير في الزجاج واتلحم لحام مش باين المفروض عليك تذكره للمشتري وصدقني عن تجربة ده مش هايقلل من تمن العربية ولكن هاتكون امين جدا امام البائع وربنا هايباركلك في الفلوس ويرزقك احسن من اللي بعتها وفعلا كما تدين تدان
وانا مبسوط جدا من ردود الاعضاء والناس اللي استفادت
وانا شخصيا قررت مقاطعة سوق السيارات والتنبيه علي كل مشتري عدم النزول للشراء من هناك الا ان يكون صاحب السيارة وليس بتوكيل ولو بتوكيل يكون المدة كبيرة سنة مثلا علشان مايكنش تاجر
والحاجة الغريبة والوحشة ان موقع كونتاكت كارز اصبح كله كمان تجار
كل لما أكلم حد واسأله هي العربية بتاعت حضرتك يقولي لأ بتاعة اخت مراتي وهما سافروا وانا ببيعها لهم
كمان عايز اعلمكم حاجة لذيذة اكتشفتها
لما تعجبك سيارة علي النت في اي موقع
((((((خد رقم التليفون واكتبه في جوجل واعمل سيرش عليه وشوف اللي هايظهر قدامك ،،، لو لاقيت مفيش نتيجة يبقي تمام تعامل بحظر ولو لقيت نتيجة مذهلة مثلا زي كذا اعلان شوف آخر اعلان معمول امتي وحاول تقرأ التاريخ))))) لأن فيه ناس بلاقيه عامل اعلان عن عربية اخري غير المعروضة علي الموقع موديل تاني ولما بسأله حضرتك تاجر يقولك لأ وطبعا انا ببقي فاهم انه آخر عربية عامل اعلان عنها منذ أيام قليلة وموديل تاني
بصراحة ببعد عنها خالص ومش بحاول اروح لواحد بيكدب من اولها
ومطلوب في الشراء التأني وعدم الاستعجال وصلاة الاستخارة
ونفسي اعمل وقفة احتجاجية امام سوق السيارات وننبه الناس انها ماتشتريش من تاجر ابدا ونعلمهم التجار الادب وعدم المغالاة في اسعار السيارات
لأنهم هم الآن اللي بيتحكموا في سعر السوق

بارك الله فيك ... أحسنت قولاً وكلاما .
وانا واللهي نفسي أنضم للحملة ضد التجار ، الذين أعتبرهم وطاويط السوق ومصاصين عرق الغلابة ... وتلاقيهم قاعدين في السوق تحت كرسي وطربيزة وشمسية وكل واحد قاعد يمصلك عود قصب وتلاقيه حاطط رجل على رجل وتيجي تسئلو عن العربية يقولك اتفرج يابيه وقلب براحتك ... تقلش هقلب في قفص جوافة ولا هنقي أوووطة ...

ومنهم عربية عجبتني ورحت أخلص فيها لقيت تاجر سبقني وأشترها ومكملش أسبوع ولقيتها مرمية في السوق ... وبدل ماكانت ب75 بقت ب80 ألف جنيه ويقولك الفايدة بتاعتها 79.5 وهو حاطط رجل على رجل مقعوص وقاعد بيمص مص عود القصب وشوية شوية وهو بيتف قشر العود هيتف في وشي ... وزميلو الي قاعد بيقزقز لب وبيتف كده وهو قاعد ... ومهنش عليه يديني حبة (شوية لب)... أقزقزهم معاه .
وشوية شوية يقولي يالله ياشاطر روح ألعب بعيد كتك القرف شكلك مواطن شريف واحنا مش ناقصينك هههههههههههههههه