الموضوع: السنة المطهرة ودعاوى تحريفها

المشاركة الأصلية كتبت بواسطة M.Zaher

لا حول ولا قوة الا بالله
اسال الله ان يهدينا و يهديك و يشرح صدورنا

امين يا رب
يا ريت حضرتك تكتر من الدعاء "اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه" و انا كمان

بالمناسبه كل النقاط اللى اثرتها ليست بجديدة و تم الرد عليها اكثر من مره
و اتمنى ما دمت تدعى استخدام العقل و التفكير في كل شئ ان تستخدم عقلك و تفكر قليلا في ردود العلماء على ما اثاره منكري السنه و تفكر بموضوعيه ولا تتحيز لهوى و ان تقف على الدليل

يا ريت حضرتك تدلنى على رد موضوعى ممكن يخلينى اغير رايى
انا عايز اقول حضرتك حاجة , انا من اكتر الناس اللى حضرتك ممكن تقابلها تلاقيها بتفكر بموضوعية من كل الزوايا و بحاول احيد نفسى فى اى موقف و احكم بعقل و بدون اى تحيز , يا ريت حضرتك تعمل كدا برده و فكر فى المواضيع من كل الزوايا و اعتبر نفسك دايما غلط فى اى موضوع الاول علشان تعرف تفكر بدون تحيز وبعدين فكر بالفكر دا فى اى موضوع و بعدين احكم.

اولا حضرتك مش راضى تركز فى كلامى , انا عمرى ما قلت انى منكر السنة اطلاقا فى حياتى.
انا اللى قولته السنة حصل فيها تحريف و دى حقيقة لان ربنا محفظهاش و دى حقيقة مش محتاجة تفكير علشان الواحد يشوفها و علشان ناخد حاجة حصل فيها تحريف لازم نستخدم عقولنا و نشوف ايه اللى فيها يتفق مع العقل و القران و ناخده لان السنة بتوضح حاجات كتير

بالمناسبه ايضا
استشهادك بالحديث في غير محله
فالرسول صلى الله عليه و سلم كان له كتابا يكتبون له الوحى على الرقع و الجلود
و رفض ابو بكر رضى الله عنه كان لجمع هذه الكتابات مع بعضها و ليس للكتابه نفسها والا فالقرآن كان يكتب منذ عهد النبوه و اشهر كتاب الوحى على حسب رأى بن كثير رحمه الله الخلفاء الأربعة أبو بكر وعمر وعثمان وعلي بن أبي طالب رضي الله عنهم و أبان بن سعيد بن العاص، وأبي بن كعب، وزيد بن ثابت، ومعاذ بن جبل، وأرقم بن أبي الأرقم واسمه عبد مناف، وثابت بن قيس بن شماس، وحنظلة بن الربيع، وخالد بن سعيد بن العاص، وخالد بن الوليد، والزبير بن العوام، وعبد الله بن سعد بن أبي سرح، وعامر بن فهيرة، وعبد الله بن أرقم، وعبد الله بن زيد بن عبد ربه، والعلاء بن الحضرمي، ومحمد بن مسلمة بن جريس، ومعاوية بن أبي سفيان، والمغيرة بن شعبة رضي الله عنهم أجمعين

كانت واقعة اليمامة التي قُتل فيها عدد كبير من الصحابة، وكان من بينهم عدد كبير من القراء، مما دفع عمر رضي الله عنه إلى أن يذهب إلى أبي بكر ويطلب منه الإسراع في جمع القرآن وتدوينه، حتى لا يذهب القرآن بذهاب حفاظه. وهذا الذي فعله أبو بكر رضي الله عنه،
بعد أن تردد في البداية في أن يعمل شيئاً لم يفعله رسول الله صلى الله عليه وسلم. ولا شك أن وقعة اليمامة كانت من أهم الأحداث التي حملت الصحابة على تدوين القرآن، وحفظه في المصاحف .
وقد دلت عامة الروايات على أن أول من أمر بجمع القرآن من الصحابة، أبو بكر رضي الله عنه عن مشورة من عمر بن الخطاب رضي الله عنه، وأن الذي قام بهذا الجمع زيد بن ثابت رضي الله عنه، فقد روى البخاري في "صحيحه" عن زيد رضي الله عنه أنه قال: أرسل إليَّ أبو بكر مقتل أهل اليمامة وعنده عمر، فقال أبو بكر: إن عمر أتاني فقال: إن القتل قد استحرَّ - أي اشتد وكثر - يوم اليمامة بالناس، وإني أخشى أن يستحرَّ القتل بالقراء في المواطن، فيذهب كثير من القرآن، إلا إن تجمعوه، وإني لأرى أن تجمع القرآن، قال أبو بكر: قلت لعمر كيف أفعل شيئاً لم يفعله رسول الله صلى الله عليه وسلم؟ فقال عمر: هو والله خير، فلم يزل عمر يراجعني فيه حتى شرح الله صدري، ورأيت الذي رأى عمر. قال زيد: وعمر عنده جالس لا يتكلم، فقال أبو بكر: إنك رجل شاب عاقل ولا نتهمك، كنت تكتب الوحي لرسول الله صلى الله عليه وسلم، فتَتَبع القرآن فاجمعه. فوالله لو كلفني نقل جبل من الجبال ما كان أثقل علي مما أمرني به من جمع القرآن، قلت: كيف تفعلان شيئاً لم يفعله النبي صلى الله عليه وسلم؟ فقال أبو بكر: هو والله خير، فلم أزل أراجعه حتى شرح الله صدري للذي شرح الله له صدر أبي بكر وعمر، فقمت فتتبعت القرآن أجمعه من الرقاع والأكتاف والعُسب وصدور الرجال…وكانت الصحف التي جُمع فيها القرآن عند أبي بكر حتى توفاه الله، ثم عند عمر حتى توفاه الله، ثم عند حفصة بنت عمر. رواه البخاري .



أنا اللى بتكلم عنه بس التفكير هو اللى خلاهم يجمعوا القران , اهم حاجة فى الاسلام هى استخدام العقل بشرط عدم التحيز , هو دا الاسلام اساسا.

مفيش فى الاسلام حاجة اسمها شيخ او عالم دين ابدا ابدا و لا فى حاجة اسمها رضى الله عنه لاننا مش عارفين ربنا راضى عن مين بعد بعض صحابة الرسول , المشكلة اللى حصلت ان اللى اسمهم الشيوخ دول سيطروا على دماغ ناس كتير بسبب علمهم بالدين سواء قران و احاديث لدرجة ان الناس قدسوهم و قفلوا مخهم تماما , الشيخ دا شخص عادى زيى و زي حضرتك و على فكرة فى شيخ منافق و فى شيخ لا يفقه شىء فى الدين علشان الدنيا مش معرفة بس , معرفة و عقل للحكم و فى منهم اللى معندوش العقل بسبب الجهل و العصبية و غيره اللى طابعة على شخصيته او بيئة نشئته , مفيش شيخ مقدس و لا فى شيخ بينزل عليه الوحى , الشيخ دا مفروض يقولى كلام اقتنع بيه او ارفضه لانه دا رايه او يقولى كذا كذا علشان فى قران كذا او حديث كذا مش يقولى دا كافر و دا حلال و دا حرام و يحلل و يحرم و يكفر حسب مزاجه او حسب استناده لتفسيريات هو شايفها او حسب جهله و كدا , دى مش شغلته و ديننا مفيهوش الكلام دا , كلها اجتهادات قد يصيب و قد يخيب و ربنا يحاسبه حساب عسير علشان بيضل الناس بالباطل و بيفتى مع ان ربنا مخلقش مفتى فى الدنيا و كلها اجتهاداااات و دا اللى كتير من الناس مش مؤمنة بيه , يقولك انا معنديش علم فبروح للى عنده علم , الكلام دا ينفع فى الدنيا انما فى امور الدين مينفعش علشان مفيش حد عنده علم من ربنا احنا منعرفوش, يا ريت حضرتك تفكر كويس اوى فى النقطة دى و علشان كدا بتلاقى شيوخ بيقولوا كلام عكس كلام شيوخ تانية علشان محدش فيهم عنده علم و كله عنده دليل و حجة و كله كلام قد يصيب و قد يكون غلط!!!!!!!
محدش عنده علم , احنا نروح نسال الشيوخ يشرحولنا رايهم و يقولولنا على اى اساس بنوا رايهم و على اى احاديث و على اى قران و احنا نحكم و مفروض لو فى راى تانى يقولولنا و فى الاخر يقولو الله اعلم لان ربنا مداش العلم لحد


أنا بطلب من حضرتك بس تفكر فى الكلام بموضوعية و يا ريت و الله دى نصيحة لوجه الله يا ريت متسمعش تانى لللى اسمهم حسان و يعقوب و الحوينى و الاشكال دى , عندك الشيخ الشعراوى و الغزالى و شيوخ تانية كتير كلامها بيخاطب العقل و برده ارائهم مش قران كلها اجتهادات و دا اللى الشيخ الشعراوى قاله لما جه يفسر القران مثلا.