بعد تغيير أولسية الكارونة لسه عندى نشع زيت من كارونة الشاهين !!!!!

بسم الله الرحمن الرحيم

من شهرين اكتشفت تسريب زيت على الكارونة
اشتريت اولسيه كارونة والميكانيكى غيره
اليومين دول ببص لاقيت فيه تسريب تانى
نزلت تحت العربية لاقيت خيط من الزيت من عند الأولسيه لحد اخر الكارونه
بقول للميكانيكى قالى يبقى الأولسيه اللى انت جبته مش اصلى
طيب وبعدين اعمل ايه
حاسس ان الميكانيكى بيفتى
وعاوز احافظ على الكارونة وامنع التسريب؟
هل فيه اضافات لزيت الكارونه تمنع التسريب ؟
وعاوز اشوف صنايعى نظيف بيفهم متخصص فى الكارونة فى طنطا
حد يعرف صنايعى كويس ومتخصص؟
ايه الحل ؟
جزاكم الله خيرا

[frame="9 10"]ربنا يكون فى العون
بس الحمد لله انك واخد بالك و متابع الكارونة وانا واحد من الناس الى شفت عزاب اصلاح و مشاكل الكارونة
انا عندى متخصص فى الكارونة بس المشكلة انة فى القاهرة عند قصر القبة
بس انا باثق فى حرفيتة و الحمد لله اكتر من عضو تعامل معاة
بس المهم انك تكون ان اسطى الورشة هوة الى يتابع العربية وهوة الى يستلم الشغل من الفنيين عندة و يجربلك العربية
غير انى كاتب اكتر من موضوع عن الكارونة و مشاكلها
http://www.nilemotors.net/Nile/184536-a.html

http://www.nilemotors.net/Nile/184134-a.html
انتهت مشاكل الكارونة
http://www.nilemotors.net/Nile/60594-a.html
تجربة مع الكارونة

http://www.nilemotors.net/Nile/58482-a.html
ادخل على روابط المواضيع ولو محتاج اى حاجة تانى ممكن تر اسلنى على الخاص وانا حتابع موضوعك عن طريق الميل
بعون الله ربنا يكرمك و تنهى المشكلة
المهم تخلى بالك من منسوب الزيت و مينقص منك[/frame]

ألف شكر يابشمهندس

على المشاركة

موضوعك هوه اللى خلانى اهتم بالكارونة وابص عليها كل فترة

علشان ميحصلش فيها مشكلة

فكرة نزولى القاهرة لتركيب الأولسية مستحيلة بالنسبة ليا

ياترى فيه طريقة اعرف اتابع بيها بنفسى منسوب زيت الكارونة والفتيس ولا لازم اروح البنزينة

بالنسبة لتزويد الزيت بيحطوا زيت ازاى بقمع عادى ولا بطلمبة مخصوصة ؟

أنا عندى زيت تروس التعاون

ومش عارف الزيت اللى موجود اصلا فى الكارونة نوعه ايه .. اعتقد انه زيت الفابريكة بتاع الشاهين

لو زودته هيبقى غلط ؟

نفسى اشوف حل لموضوع التسريب وبعدين اكشف على الزيت وأزوده

http://www.nilemotors.net/Nile/263229-a.html

فى الكتالوج مكتوب المفروض يتم تغيير زيت الفتيس و الدفرنسيل (الكارونة) كل 30000كم دا بيحافظ على الكارونة

[frame="9 10"]المهم جدا دلوقت تحافظ على الكارونة و على زيتها لحد متمنع رشح الزيت:coolio:
سواء كان الرشح من الاولسية او من اى مكان تانى
بالنسبة لنوع الزيت
انتا لما تروح البنزينة خلى الفنى يكشف على الزيت و على لزوجتة و لونة و من هنا حتعرف ان كنت محتاج تغيرة ولا يتزود :S_thum1[1]:
على فكرة الموضوع بسيط جدا جدا بعد متخلص من الاولسية البايظ
كل مرة تغير زيت الموتور اتعود لازم تكشف على زيت الفتيس و الكارونة:36_1_1[1]:
موضوع مهم و بسيط و احسن حاجة انك تلحق عيب الكارونة فى اولة
تزويد زيت الكارونة بيكون لية اكتر من طريقة
فى المحطة بيستعمل مسدس ضغط الزيت
و عند الورش بيستعمل موتور رفع او حاجة زى الامزيتة بس بتكون اكبر
المهم ونتا بتشيك على زيت الكارونة او الفتيس انك تاكد ان مفيش اى روايش معدن نازلة او موجودة فى الزيت
لان دى علامة مش كوبسة و دليلي على تاكل الكارونة
وقتها لازم تغير الزيت على طول و تتابع الروايش منعت ولا لسة بتيجى
و ربنا يوفقك[/frame]

اقتباس:

---

المشاركة الأصلية كتبت بواسطة kamal_adly

فى الكتالوج مكتوب المفروض يتم تغيير زيت الفتيس و الدفرنسيل (الكارونة) كل 30000كم دا بيحافظ على الكارونة

---

فعلاً هذه المعلومة موجوده فى كتالوج الشاهين ... شكرا يا اخى على مشاركتك

اقتباس:

---

المشاركة الأصلية كتبت بواسطة hosamsamsoon

[frame="9 10"]المهم جدا دلوقت تحافظ على الكارونة و على زيتها لحد متمنع رشح الزيت:coolio:
سواء كان الرشح من الاولسية او من اى مكان تانى
بالنسبة لنوع الزيت
انتا لما تروح البنزينة خلى الفنى يكشف على الزيت و على لزوجتة و لونة و من هنا حتعرف ان كنت محتاج تغيرة ولا يتزود :s_thum1[1]:
على فكرة الموضوع بسيط جدا جدا بعد متخلص من الاولسية البايظ
كل مرة تغير زيت الموتور اتعود لازم تكشف على زيت الفتيس و الكارونة:36_1_1[1]:
موضوع مهم و بسيط و احسن حاجة انك تلحق عيب الكارونة فى اولة
تزويد زيت الكارونة بيكون لية اكتر من طريقة
فى المحطة بيستعمل مسدس ضغط الزيت
و عند الورش بيستعمل موتور رفع او حاجة زى الامزيتة بس بتكون اكبر
المهم ونتا بتشيك على زيت الكارونة او الفتيس انك تاكد ان مفيش اى روايش معدن نازلة او موجودة فى الزيت
لان دى علامة مش كوبسة و دليلي على تاكل الكارونة
وقتها لازم تغير الزيت على طول و تتابع الروايش منعت ولا لسة بتيجى
و ربنا يوفقك[/frame]

---

شكرا يابشمهندس حسام على مشاركتك ونصائحك

جزاكم الله خيراً

الحمد لله المشكلة اتحلت
بإذن الله هكتب التفاصيل فى مشاركة لاحقة

السلام عليكم ورجمة الله وبركاته
من حوالى 3 شهور.... تحديدا فى منتصف شهر 9 الماضى
لاحظت ان الكارونة عليها نشع زيت
قبل كده كانت ناشفه تماماً
وكنت قارى موضوع للبشمهندس حسام
عن مشاكل الكارونة وعرفت ان إهمالها بيسبب مشاكل كتيره جداً ووجع قلب
فجريت بسرعه على الميكانيكى قالى عاوزه أولسيه كارونة قولتله بص على
العربية لو عاوزه حاجه تانية بص عليها

اكتشف تسريب من طبه المياه قالى لازم تتغير وهنرفع الماتور بره العربية
علشان نركب الطبه وبالمرة نركب جوان جديد لكارتيرة الزيت للنظافة
قولتله ماشى وجبت قطع الغيار وروحتله
http://img851.imageshack.us/img851/6048/1392011.jpg
طبعا بفضى نفسى علشان أقدر أتابعه ولو محتاج قطع غيار تانية وعلشان افهم
واشوف ايه اللى بيحصل ... المهم الميكانيكى ركب طبة المياه وجوان
الكارتيرة وحط الماتور فى الحوض
وبدآ يفك فى العامود اللى داخل على الكارونة (مش عارف اسمه ايه تقريبا اسمه عمود الكردان)
المهم كان عندى شغل ولم انتظر حتى اتمام تركيب الأولسيه قولتله الموضوع
هياخد وقت قد ايه قالى نص ساع الى ساعه بالكتير قولتله تمام هسيبك نص
ساعه وارجعلك تانى
قالى هنحتاج زيت تروس علشان نزود الكارونة قولتله ماشى عندى جركن
زيت تروس التعاون هجيبه معايا
بعد ساعه رجعتله ايه الأخبار يا اسطى على
قالى كله تمام يابيه
قولتله الأولسيه ركب كويس وان شاء الله ترشيح الزيت اتمنع؟
قالى كله تمام
قولتله انا جبت زيت التروس علشان نزوده
قالى لا خلاص الزيت مش ناقص ولا حاجه المقاس بالظبط مش محتاج تزويد

ساعتها استغربت قوى أمال الزيت اللى على الكارونة ده كله لما اتسرب من الأولسية مش هيعمل نقص فى الزيت !!!
ولما فك الأولسيه مفيش زيت هيقع من الكارونة !!!!

على العموم الأسطى على الميكانيكى أمين وبنتعامل معاه من كام سنة فى عربية والدى اسكودا فليشا
وعربية أخويا السابقة الدوجان
وعربيتى الشاهين

قولت خلاص على بركه الله
عاوز كام ياسطى قالى كله يبقى 85 جنيه
واديت بقشيش للولد الصبى اللى معاه
اتفضل ياريس وربنا يباركلك

تابع باقى القصة فى المشاركة التالية .............

في انتظار الباقي
وشكرا على الافادة