أبيع ولا أظبط محتار اوى اوى و محتار مساعدة !!؟

**mody100** · 26-12-2011 04:17 AM

السلام عليكم انا الحمد الله معايا دايو رايسر موديل 94 و الله العربية دى انا حبتها اوى و فعلا عربية جميلة يكفى انها ثابتة جدا جدا على الطريق دلوقتى انا محتار فى حاجتين ابيعها و لا اظبطها مع العلم حتى لو بعت برضو المبلغ مش حايبقى كبير اوى و برضو لو ظبتها و حبيت ابيع فى ناس قالتلى مالهاش سوق و كدة كدة مش حالم المبلغ اللى صرفته عشان قطع غيارها قليلة شوية و كدة يعنى بس انا اعرف فى ناس بتشتغل فى قطع غيارها فى القاهرة و بورسعيد و فى واحد هنا فى اسكندرية بتعامل معاه و بجيب مع عنده كل حاجة دلوقتى برضو انا محتار بين انى ابيع و لا اظبط ....و شكرا

**mahmoud_anwar** · 26-12-2011 02:20 PM

بص دي حاجه ترجع لك انا كنت في نفس مشكلتك مع الاختلاف انا معايه جولف 2 وكانت فيها الاتي صرفت عليها 5 الف بي الغلط يعني العربيه وقفت عليا بي 35 وبعدين شويه وزهقت منها وحبيت ابعها مجبتليش مبلغ كويس خالص ولما حبيت اشوف هوندا سيفك اجبها علشان تريحني من الجولف لقيت اصحبها بيتكلمة في اسعار خرافية غير ان قطع غيارها خرافيه غير اني لو جبتها هفضل ركنها عقبال لما اعمل فيها شغل حلو علشان اركبها ومن سعتها قررت اقتني الجولف واظبطها ظبطه ملهاش مثيل وكنت دبحتني دبحه في الكهرباء دفع في كهرباء العربيه بس 3000 الف جنيه غيرت كل شيئ في العربيه من الابره للصاروخ وانا عارف اني بعمل كده لي نفسي فا انا عايزك تقول لي نفسك سؤالين
انا لوبعتها هتجبلي كام ؟
وهشتري قديم برضة وهغرم مبلغ محترم يترمي علي الارض مع الصنايعيه علشان مش هيكون عندك ضرايه بي العرابيه
اما ان كنت هتبيعها علشان تشتري زيرو فا احوال البلد دلوقتي في تقلب ومحدش عارف هيا رايحه فين
الي عايز اقوله ليك ان كل القديم هتجيبة فالزم تصرف علي العربيه علشان العربيه تقف وقفه محترمه تقدر تعتمد عليها

**el_nahal2004** · 26-12-2011 02:43 PM

لو هتبيع وتجيب زيرو بيع
لو هتبيع وتجيب حاجة مستعملة ,لأ خليك فى عربيتك احسن على الاقل عارف عيوب ومزايا عربيتك ومتضمنش اى حاجة تانية

**mody100** · 26-12-2011 10:30 PM

المشاركة الأصلية كتبت بواسطة el_nahal2004

لو هتبيع وتجيب زيرو بيع
لو هتبيع وتجيب حاجة مستعملة ,لأ خليك فى عربيتك احسن على الاقل عارف عيوب ومزايا عربيتك ومتضمنش اى حاجة تانية

هو فعلا انا كنت حابيع و اجيب مستعمل برضو ..بس فعلا عندك حق

**SYD** · 27-12-2011 09:51 AM

الدايو ريسير عربية جميلة ومحترمة بس للأسف فعلا سعرها واقع خالص وقطع غيارها مش موجودة بوفرة

انا رأيي لو هتبيع فانت هتبيع بس لكونك لو خليتها سنتين كمان يمكن ماتعرفش تبيعها ولو بعتها النهاردة ب10 قروش يمكن بكرة ماتعرفش تبيعها ب7

دة رأيي الشخصي
انا كانت قدامي وبسعر لقطة وفبريكة برة وجوة وكاملة ومارضتش اشتريها عشان قطع غيارها

ربنا يحفظهالك ويباركلك فيها

والله المستعان
،
،