عندى ضيف من القوارض فى العربية (عرسه) اعمل اية

**windofchange** · 05-01-2012 05:10 PM

انا استحرم اموتها هطلقها تاني في غيرها كتير مش هنبيدهم يعني مربنا خلقهم لغرض هي دخلت منين دي المشكلة ,,المنطقة عندنا فمصرالجديدة في عرس بالليل بشوفها بتحوم ولا دخلت جوه العربية ولا حاجة الحمدلله

**windofchange** · 05-01-2012 05:12 PM

المشاركة الأصلية كتبت بواسطة agaty1st

أسمع يا سيدي القول الفصل :
1 - انا لما اشتريت عربيتي كان فيها نفس المشكله دي شويه فضلات عرسه و شويه عضم سمك و ريحه بقى مقولاكش لدرجة اني مره قرفت من العربيه وديتها كار كير و دفعت مبلغ محترم في الصالون بس و تاني يوم الصبح نفس الفيلم لما جالي تبول لا أرادي من الموضوع ده
2 - رحت لكذا واحد عشان المشكله دي كل واحد يجيبلك شوية كله و لباد و يفضل يلزق في اماكن متفرقه من الحوض مفيش فايده
3 - الفضيحه الكبرى بقى كنت خارج من الشغل و الموظفين كلهم امام الشركه و كله بيركب عربيته و وكنت بوصل 3 زملائي معايا 2 رجاله و واحد ست و طبعا الست هاتركب جنبي و لسه بنركب و زميلتي بتحط رجلها جوه العربيه و هوووووووووب رقعت بالصوت الحياني لأنها لقت العرسه جريت من فوق رجلها و جري في مكان خفي و على الشارع و طبعا الشركه كلها اتلمت و في أيه و ايه اللي حصل و اخوكم بقى واقف في نص هدومه أصلها مش ناقصه العرس كمان
4 - المشكله دي كانت سبب معرفتي بالكهربائي الأسطوره زكريا الهواري وهو اللي حل المشكله
5 - أيه بقى المشكله قنطرة العربيه راكب عليها علبة الدركسيون و في جوينت طالع من العلبه الي القطمه الجوينت ده و محدش يفهمني غلط في موضوع الجوينت متغطي بعلبه بلاستيك خارجه من الحوض الي العلبه و وظيفتها تمنع دخول المياه و الهواء و التراب الي الصالون بس في فروق بسيطه تدخل عرسه لو بصيت بقى من الناحيه التانيه يعني من جوه العربيه تحت التابلوه هتلاقي القطمه خارجه من خرم في جسم العربيه الي العلبه في بقى كاوتشه بتسد الفتحه دي و الكاوتشه مش موجوده عند حضرتك و هي دي السبب
6 - اما موضوع الشيح او غيره فده مش حل لأن معنى كده ان العرسه تدخل فالريحه تدايقها فتخرج على طول طب ينفع الكلام ده ؟ و هيه عادة بتدخل معاها حاجه مقرفه بتاكلها
و ربنا يكون في عونك و انا حاسس بيك واسال مجرب

رقم 5 الكوتشة دي انا عارفها وممكن اصورها من الحوض لأنها بتبقي باينة لكن العلبة البلاستيك ممكن تصورها لو هي باينة من الحوض وهي بتبوظ ولا بتتكسرولا ايه جزاك الله خير

**agaty1st** · 06-01-2012 07:42 PM

المشاركة الأصلية كتبت بواسطة windsofchange

رقم 5 الكوتشة دي انا عارفها وممكن اصورها من الحوض لأنها بتبقي باينة لكن العلبة البلاستيك ممكن تصورها لو هي باينة من الحوض وهي بتبوظ ولا بتتكسرولا ايه جزاك الله خير

دي يا باشا مكانها تحت التابلوه و بتسد الخرم اللي بتعدي منه القطمه لحد علبة الدركسيون و هاصورهالك ان شاء الله

**windofchange** · 07-01-2012 12:51 AM

المشاركة الأصلية كتبت بواسطة agaty1st

دي يا باشا مكانها تحت التابلوه و بتسد الخرم اللي بتعدي منه القطمه لحد علبة الدركسيون و هاصورهالك ان شاء الله

ربنا يباركلك يا اجاتي بس معني كده انك هتفك التابلوه علشان تصورها ؟
*الكاوتشة عندي (الكاوتشة دي عاملة زي البوق يعني قد كف اليد او اكبر شويه)شكلها من الحوض سليم لكن لما تبص عليها من جوه العربية تحت علبة الفيوزات فيها اخرام يعني تتغير او تتلحم اضافة صغيرة من عندي

**agaty1st** · 07-01-2012 01:15 AM

المشاركة الأصلية كتبت بواسطة windsofchange

ربنا يباركلك يا اجاتي بس معني كده انك هتفك التابلوه علشان تصورها ؟
*الكاوتشة عندي (الكاوتشة دي عاملة زي البوق يعني قد كف اليد او اكبر شويه)شكلها من الحوض سليم لكن لما تبص عليها من جوه العربية تحت علبة الفيوزات فيها اخرام يعني تتغير او تتلحم اضافة صغيرة من عندي

ههههههههههههه
هفك التابلوه ازاي يا كبير عشان اصورها دي مكانها بين دواسة البنزين و الفرامل او الفرامل و الدبرياج يعني انتا لو بصيت تحت التابلوه هاتلقيها

**windofchange** · 07-01-2012 03:22 AM

اقصد تصورلي العلبة البلاستيك

**egman** · 08-01-2012 01:16 PM

الله ينور يا رجاله وعلى التفاعل الجميل واحلى حاجة الصدمة بعد ما رجعت من الكار كير ولقيتها تانى يوم وجابتلك تبول لا ارادى انا ميت على روحى من الضحك لحد دلوقتى لان ده كان بيكون نفس الشعرو الى عندى وانا بشيل غطاء العربية وبفتحها ، اما بخصوصي انا الحمد لله الى الان لم تدخل العربية والحمد لله وربنا يبعدها عن عربيتى وعربياتكم جميعاً اعتقد ان كانت مشكلتى فى فتحات الاستبن فعلا يا ا/ syd

**SYD** · 08-01-2012 03:25 PM

المشاركة الأصلية كتبت بواسطة egman

الله ينور يا رجاله وعلى التفاعل الجميل واحلى حاجة الصدمة بعد ما رجعت من الكار كير ولقيتها تانى يوم وجابتلك تبول لا ارادى انا ميت على روحى من الضحك لحد دلوقتى لان ده كان بيكون نفس الشعرو الى عندى وانا بشيل غطاء العربية وبفتحها ، اما بخصوصي انا الحمد لله الى الان لم تدخل العربية والحمد لله وربنا يبعدها عن عربيتى وعربياتكم جميعاً اعتقد ان كانت مشكلتى فى فتحات الاستبن فعلا يا ا/ syd

هذا من فضل ربي