الموضوع: نتيجه الكشف ف التوكيل على فيكترا 2008 ...التقرير

رأيى الشخصى ..العربيه عاوزه ديسك و اسطوانه على 50 الف ..العربيه دى كانت مهروسه تحت رجل الى سايقها ..
بالنسبه للسعر ..مقدرش افتى
بالنسبه لطقم الدبرياج ابو 450 ..هو اه ممكن يركب ..بس عموما نظام الفتيس ده بيعمل load كبير على طقم الدبرياج ..فلو مش طقم محترم ..هيتاكل فى ثوانى ..
وطقم الدبرياج ممكن تعمله برا التوكيل لكن لازم يكون عنده الجهاز ..عشان بعد ما يركب العربيه تتحط على الجهاز يظبط الخلوص الى بين الديسك و الاسطوانه ...
انا عن نفسى محتاج طقم دبرياج و هركبه فى التوكيل

المشاركة الأصلية كتبت بواسطة ahmedmaklad

ايه للي بنفس السعر ده و احسن مليون مره اصل مليون مره ده فرق كبير قوي يا دكتور

برده نفس السؤال ايه ؟؟؟؟؟؟؟؟؟؟؟ عربية تكون عامله كيلومتر قليل و فابريقة و الماني و قطع غيار متوسطة و منتشرة تكييف محترم فتيس كويس اللي يتعود عليه اوبشن كويسة قارن بين كل العناصر دي و شوف ايه في نفس رنج الفلوس و احسن مليون مرة
ممكن اجاوب انا او اسهل عليكم الاجابة ده لو بنتكلم على مستعمل
ايه اللي في نفس الرينج اعلى او اقل شوية
ميجان
جيتا
اوكتافيا
بي ام e46

و الله يا أحمد انا كنت لسه هقول نفس الكلام اللى انت بتقوله بس لقيتك سبقتنى فى الرد

المشاركة الأصلية كتبت بواسطة KHALED AYMAN

رأيى الشخصى ..العربيه عاوزه ديسك و اسطوانه على 50 الف ..العربيه دى كانت مهروسه تحت رجل الى سايقها ..

مش شرط خالص يا خالد انا لما جبت عربيتى التوكيل كاتبلى فى التقرير بتاع الكشف انى محتاج أغير طقم الدبرياج و اهه انا ماشى عليها 20 ألف كم و زى الفل الحمد لله

المشاركة الأصلية كتبت بواسطة rozzario82

بص هى العربيه اترخصت فى 9\2009 وصحابها الحالى هو تانى مالك بس انا حاسس ان استخدامه ليها قليل بس فيه ناس ف المنتدى هنا بتقول ان التوكيل على طول لما حد بيكشف على عربيه بيقولو البؤين بتوع الديسك والاسطوانه والدنيا بتبقى ماشيه عادى

المشكله بجد مش ف الديسك والاسطوانه ولا الفتيس المشكله الكلام الغريب اللى بسمعه من ناس اللى يقولى ابعد عن الاوبل علشان المكنه وحشه والللى يقولى حتتباع بعد سنتين ب60 الف جنيه وانا بصراحه مش قادر اصدق انهم بيتكلمو عن عربيه المانى 100% وانا سقت العربيه وركبتها وحاسس انها فخمه ومحترمه ومش ممكن تبقى صفقه فاشله بالسعر ده ؟؟احساسى صح يا جماعه ولا كلام الناس الغريب عنها

بص انا لما جيت اجيب العربية بتعتى كان فيه ناس عماله تقولى جيب حاجة كورى أو يابانى و بلاش الأوروبى عشان متخسرش و قطع الغيار سعرها رخيص و الحوارات ديه المهم مش الناس اللى شايفاه المهم انت عايز ايه عايز تركب عربية و السلام و اهه حاجة توديك و تجيبك و خلاص و لا عايز تحس انك راكب عربية بجد . و عايز أقولك حاجة انا تقريبا داخل على سنة و سعر الأسترا H لما أشترتها هوه هوه نفس سعرها دلوقتى يعنى منزلتش خالص و بعدين العربية خلاص نزلت للسعر اللى هتقف عندوا شوية يعنى عربية ب 180 الف جنيه هتشتربها انت ب 100 ألف عايز ايه تنزلوا تانى أكيد مش للدرجة ديه . العربية بجد فخمة و محترمة جدا .

المشاركة الأصلية كتبت بواسطة ahmed_fahmy

السلام عليكم يا رجاله مع احترامى للرجاله اللى بتتكلم بس الاوبل مش معقده تماماً واقل تعقيد من الفيكترا بى ال2000 سى سى ومن الاسترا 2003 ودول فيهم حساسات اكتر ومشاكل كتير واقل تعقيد من كل المثيل زى الجيتا والباسات والاوكتافيا اللى بيجيبو فتايس وبيشتروها مستعمل ب17 الف جنيه المهم توكل على الله والاسطوانه والديسك اللوك الاصلى ب1200 جنيه فى كل مكان وفى ساكس ب1000 جنيه ةموضوعهم عادى جداً و100 الف جنيه ممكن يجيبولك ايه عامل 50 الف كيلو؟؟؟؟؟ اخرك سيراتو مش كامله او ايلانترا الشكل القديم كامله وميجبوش والا عربيه المانى وفى الاخر الالمانى له ناسو والكورى واليابانى له ناسو

انت جبت من الأخر

المشاركة الأصلية كتبت بواسطة rozzario82

بص هى العربيه اترخصت فى 9\2009 وصحابها الحالى هو تانى مالك بس انا حاسس ان استخدامه ليها قليل بس فيه ناس ف المنتدى هنا بتقول ان التوكيل على طول لما حد بيكشف على عربيه بيقولو البؤين بتوع الديسك والاسطوانه والدنيا بتبقى ماشيه عادى

المشكله بجد مش ف الديسك والاسطوانه ولا الفتيس المشكله الكلام الغريب اللى بسمعه من ناس اللى يقولى ابعد عن الاوبل علشان المكنه وحشه والللى يقولى حتتباع بعد سنتين ب60 الف جنيه وانا بصراحه مش قادر اصدق انهم بيتكلمو عن عربيه المانى 100% وانا سقت العربيه وركبتها وحاسس انها فخمه ومحترمه ومش ممكن تبقى صفقه فاشله بالسعر ده ؟؟احساسى صح يا جماعه ولا كلام الناس الغريب عنها

لا هى بالسعر ده مش صفقه فاشله ...كانت صفقه فاشله للناس الى جابتها زيرو زيى كده
طالما التوكيل دايما يقول على طقم الدبرياج جرب بنفسك
العربيه طلعتها تقيله ؟؟
فيها رجه و هى طالعه ؟؟
فى صوت فى النقلات ؟؟
لو مفيش التلات حاجات دول يبقى مش عاوزه طقم دبرياج
و عشان تبقى فى السليم لو توكلت على الله خليهم فى التوكيل (او اى حد عنده الجهاز) يعملك adapting للمسافه بين الديسك و الاسطوانه
بعد سنتين لا مش هتبقى ب 60 الف
هتبقى بحوالى 65 ههههه
بص يا باشا طالما نويت تشترى عربيه ..متدورش هتخسر كام ..لانك خسران خسران
و العربيه فعلا فخمه جدا و نضيفه ..و انضف من مثيلاتها فى نفس الفئه ..اوكتافيا و جيتا (انضف فى الخامات و الشكل يعنى)

المشاركة الأصلية كتبت بواسطة tananybasha

والله حرام اللى بيتقال عن الأوبل ده
ده بالشكل ده
ال 128 مع احترامى ليها و عندى واحده
تبقى احسن منها
حرام كفاية

8 سنين بالظبط و توكيل اوبل هيكون معايا يا كبير ...