تقريرين : عن صيانة 30 الف فى توكيل اوتو ايجـيبت .. وعن انطباعى عن تركيب عازل الكابوت

**Youssef.Awad** · 29-12-2011 11:29 PM

مبرووووووووووووووك يا بيشوى ع الصيانة وحل مشاكلك مع العربية
وباحييك بشدة على صراحتك فى موضوع عازل الكبوت لانى قولت لو فرق فى الصوت هايفرق للى واقف برة العربية مش وانت جواها لأن الاخير له عازل تانى بيبقى الياف فايبر فى صدر العربية بين الموتور والتابلوه وطبعا عزل الابواب والارضية

**Sehsss** · 30-12-2011 10:01 AM

الكبير كبير برضه يا بيشو، تقرير راااااااائع

**Sehsss** · 30-12-2011 01:05 PM

المشاركة الأصلية كتبت بواسطة y2y1500

مبرووووووووووووووك يا بيشوى ع الصيانة وحل مشاكلك مع العربية
وباحييك بشدة على صراحتك فى موضوع عازل الكبوت

لانى قولت لو فرق فى الصوت هايفرق للى واقف برة العربية مش وانت جواها لأن الاخير له عازل تانى بيبقى الياف فايبر فى صدر العربية بين الموتور والتابلوه وطبعا عزل الابواب والارضية

**Ahmed_Rahem** · 31-12-2011 09:34 AM

الف مبروك يا بيشوى، وعقبال صيانة 1000000000000000000 كيلو
مبروك العازل والصيانة اتعملت زى مانت عاوز ودة مش غريب على المركز ويارب يستمروا فى نفس الجودة
كان نفسى اشوفك يوم السبت بس سافرت فى نفس اليوم الصبح تتعوض ان شاء الله

**Ahmed.TV** · 01-01-2012 06:56 PM

الف مبروك يا بيشوى على الصيانة يا حبى

وبعدين يا بيشوى الا انت .. لو كنت فى اخر الدنيا لازم اجيلك
انتوا كلكم اخواتى يا جماعة .. والواحد سعيد جدا بمقابلتكم .. وانه بيشوفكم
الحمد لله ان ربنا عوضنى بيكم .. وكمان طبعا بيشوى ده اعز اخ وصديق ليه فى حياتى بامانة
وكنت بتمنى ان فعلا انه يكون ساكن فىا لقاهرة .. مكنتش سبتك والله خالص يا بيشوى

فازاى بقا تبقى هنا ومش اشوفك !

ربنا يديم المحبة والود بينا على طول

موضوع العزل وبخصوص الصوت .. يبقا لازم المجموعة تكتمل .. وهى انه يعزلوا الجزء اللى فى صدر العربية اللى مش معزول .. وكمان الارض فى الصالون مش كلها فيها ليباد حرارى للصوت والحرارة
وكمان الباب يبقا فيه ليباد بردوا .. كل دول لو اتظبطوا والمجموعة كملت .. مع كاوتش عزل للابواب محترم حتلاقوا العزل ظبط صح بنسبة 50%

بس بحييك يا بيشوى على امانتك المعهودة فيك

فعلا كان يوم جميل .. والحمد لله ان العربية اتظبطت .. وانا كمان انطباعى زيك .. فى عربيتى لما اتربطت العفشة اداء العربية واتزانها اختلف تمامااااا

وكمان الاهم فى المركز .. انه بعد ما بيخصل الصيانة بيخليك تشوف وتراجع مع مهندس الاستقبال .. العربية وتطمن ان كل حاجة اتعملت قبل ما تروح تدفع فى الخزنة .. ودى حاجة مش موجودة فى اى مركز بصراحة

وكمان الاجهزة اللى عندهم اجهزة محترمة وغالية وحتى جهاز الترصيص هنتر امريكى ..

ده غير بعد ما بتعمل الصيانة بيعطيك تقرير عن حالة العربية .. وبيقولك انهم فحصوا ايه فيها .. وده بردوا مش موجود فى اى مكان تانى

بصراحة تحية وتقدير لكل العاملين فى المركز وعلى روعة الضمير اللى شغالين بيه ..

وشكر خاص للاستاذ والاخ الحبيب مستر راجى العضو المنتدب لشركة اتو ايجيبت .. بصراحة وبشهادة الاعضاء والناس شافوا بعينهم .. الاهتمام الغير عادى بكل العملاء والناس وكمان من الناس النشطة جدا اللى بيحب شركته وانسان نشط جدا ومثقف جدا فى عالم السيارات

تحية وتقدير ليه وخاص

وايضا تحية وتقدير لمدير الصيانة فى المركز المهندس الخلوق احمد الرزاز .. الانسان ده محترم جدااااا
اى عضو محتاج يسال سوال فنى عن اى استفسار ميكانيكى .. بلاقيه بيقعد معاه وبيوضحله كل نقطة وبشرح ولا اكنه بيدربه وبيعطيله كورس تعليمى بالتفاصيل ههههه .. بصراحة مشوفتش مهندس عنده حب لعمله بالطريقة دى وسعة صدره لكل العملاء

تحية وتقدير للمهندس احمد الرزاز

وايضا تحية وتقدير للاستاذة امنية مديرة خدمة العملاء على ذوقها معايا ومع الاعضاء فى تسهيل اى عقبات فى الحجز وفى اى استفسارات او مشاكل ان وجد
فالنا منا كل التقدير والشكر

وايضا شكر خاص وحار لكل مهندسين الاستقبال فى المركز

المهندس محمد رفاعى والمهندس احمد عبد العزيز والمهندس باسم والمهندسة امينة

مهندسين فى غاية الثقافة الميكانيكة .. وناس مش بيفارق وجها الابتسامة ابدا .. وعنده صبر وحب كبير مع العميل جدااااااا .. بصراحة بتمنى ليهم التوفيق .. وياريت كل المهندسين يكونوا زيهم كدا خارجين ميكانيكا وفاهمين وعندهم صبر كدا .. كانت حاجات كتير بقت كويسة

بصراحة بوجهلم شكر خاص وحار وعميق من القلب

وبتمنى التوفيق لمركز اتو ايجيبت التوفيق دايما .. وان شاء الله من الافضل الى الافضل

تحياتى ليك يا بيشوى على تقريرك المفيد والجميل ده

وعزرا على التاخير فى الرد نظرا لعدم دخولى الفترة الاخيرة لظروف خاصة

وكل عام وانت بخير وسنة سعيدة عليك

ودايما مع بعض يا صديقى واخى العزيز

اخوك احمد

**Dr'AhmZZong** · 01-01-2012 07:38 PM

المشاركة الأصلية كتبت بواسطة ahmed.tv

موضوع العزل وبخصوص الصوت .. يبقا لازم المجموعة تكتمل .. وهى انه يعزلوا الجزء اللى فى صدر العربية اللى مش معزول .. وكمان الارض فى الصالون مش كلها فيها ليباد حرارى للصوت والحرارة
وكمان الباب يبقا فيه ليباد بردوا .. كل دول لو اتظبطوا والمجموعة كملت .. مع كاوتش عزل للابواب محترم حتلاقوا العزل ظبط صح بنسبة 50%

موضوع العوازل بتاع الأرضية والبيبان ده هيبقى تحفة بجد ..
نفسي يتعمل في اسرع وقت .. لإن العربية هتبقى حاجة تانية خالص

-

-

الموضوع: تقريرين : عن صيانة 30 الف فى توكيل اوتو ايجـيبت .. وعن انطباعى عن تركيب عازل الكابوت

LinkBack

أدوات الموضوع

عرض

-

-

-

المواضيع المتشابهه

تقرير جامع لتركيب عازل الكابوت فى اتو ايجيبت ابو رواش

عازل كبود صني في اوتو ايجبت اول مرة (تجربة جيدة)

افتتاح توكيل صيانة جديد لارتوك اوتو في المعادي على الدائري

الكلمات الدلالية لهذا الموضوع

المفضلات

المفضلات

ضوابط المشاركة