الموضوع: تقريرين : عن صيانة 30 الف فى توكيل اوتو ايجـيبت .. وعن انطباعى عن تركيب عازل الكابوت

المشاركة الأصلية كتبت بواسطة ahmed.tv

الف مبروك يا بيشوى على الصيانة يا حبى

وبعدين يا بيشوى الا انت .. لو كنت فى اخر الدنيا لازم اجيلك
انتوا كلكم اخواتى يا جماعة .. والواحد سعيد جدا بمقابلتكم .. وانه بيشوفكم
الحمد لله ان ربنا عوضنى بيكم .. وكمان طبعا بيشوى ده اعز اخ وصديق ليه فى حياتى بامانة
وكنت بتمنى ان فعلا انه يكون ساكن فىا لقاهرة .. مكنتش سبتك والله خالص يا بيشوى

فازاى بقا تبقى هنا ومش اشوفك !

ربنا يديم المحبة والود بينا على طول

موضوع العزل وبخصوص الصوت .. يبقا لازم المجموعة تكتمل .. وهى انه يعزلوا الجزء اللى فى صدر العربية اللى مش معزول .. وكمان الارض فى الصالون مش كلها فيها ليباد حرارى للصوت والحرارة
وكمان الباب يبقا فيه ليباد بردوا .. كل دول لو اتظبطوا والمجموعة كملت .. مع كاوتش عزل للابواب محترم حتلاقوا العزل ظبط صح بنسبة 50%

بس بحييك يا بيشوى على امانتك المعهودة فيك

فعلا كان يوم جميل .. والحمد لله ان العربية اتظبطت .. وانا كمان انطباعى زيك .. فى عربيتى لما اتربطت العفشة اداء العربية واتزانها اختلف تمامااااا

وكمان الاهم فى المركز .. انه بعد ما بيخصل الصيانة بيخليك تشوف وتراجع مع مهندس الاستقبال .. العربية وتطمن ان كل حاجة اتعملت قبل ما تروح تدفع فى الخزنة .. ودى حاجة مش موجودة فى اى مركز بصراحة

وكمان الاجهزة اللى عندهم اجهزة محترمة وغالية وحتى جهاز الترصيص هنتر امريكى ..

ده غير بعد ما بتعمل الصيانة بيعطيك تقرير عن حالة العربية .. وبيقولك انهم فحصوا ايه فيها .. وده بردوا مش موجود فى اى مكان تانى

بصراحة تحية وتقدير لكل العاملين فى المركز وعلى روعة الضمير اللى شغالين بيه ..

وشكر خاص للاستاذ والاخ الحبيب مستر راجى العضو المنتدب لشركة اتو ايجيبت .. بصراحة وبشهادة الاعضاء والناس شافوا بعينهم .. الاهتمام الغير عادى بكل العملاء والناس وكمان من الناس النشطة جدا اللى بيحب شركته وانسان نشط جدا ومثقف جدا فى عالم السيارات

تحية وتقدير ليه وخاص

وايضا تحية وتقدير لمدير الصيانة فى المركز المهندس الخلوق احمد الرزاز .. الانسان ده محترم جدااااا
اى عضو محتاج يسال سوال فنى عن اى استفسار ميكانيكى .. بلاقيه بيقعد معاه وبيوضحله كل نقطة وبشرح ولا اكنه بيدربه وبيعطيله كورس تعليمى بالتفاصيل ههههه .. بصراحة مشوفتش مهندس عنده حب لعمله بالطريقة دى وسعة صدره لكل العملاء

تحية وتقدير للمهندس احمد الرزاز

وايضا تحية وتقدير للاستاذة امنية مديرة خدمة العملاء على ذوقها معايا ومع الاعضاء فى تسهيل اى عقبات فى الحجز وفى اى استفسارات او مشاكل ان وجد
فالنا منا كل التقدير والشكر

وايضا شكر خاص وحار لكل مهندسين الاستقبال فى المركز

المهندس محمد رفاعى والمهندس احمد عبد العزيز والمهندس باسم والمهندسة امينة

مهندسين فى غاية الثقافة الميكانيكة .. وناس مش بيفارق وجها الابتسامة ابدا .. وعنده صبر وحب كبير مع العميل جدااااااا .. بصراحة بتمنى ليهم التوفيق .. وياريت كل المهندسين يكونوا زيهم كدا خارجين ميكانيكا وفاهمين وعندهم صبر كدا .. كانت حاجات كتير بقت كويسة

بصراحة بوجهلم شكر خاص وحار وعميق من القلب

وبتمنى التوفيق لمركز اتو ايجيبت التوفيق دايما .. وان شاء الله من الافضل الى الافضل

تحياتى ليك يا بيشوى على تقريرك المفيد والجميل ده

وعزرا على التاخير فى الرد نظرا لعدم دخولى الفترة الاخيرة لظروف خاصة

وكل عام وانت بخير وسنة سعيدة عليك

ودايما مع بعض يا صديقى واخى العزيز

اخوك احمد

انت يا احمد بجد و نعم الاخ بجد و زي ما قولت الواحد مهما عمل مش هيوفيك حقك ابدا .. علي فكرة انت كملت التقرير بتاعي كمان .. انا كنت ناسي حاجات كتير لكن طبعا عمرنا ما هنبقي زي الريس ههههههههه

المشاركة الأصلية كتبت بواسطة aiman0173

الف مبروك يا بيشوي على الصيانة والاهم انك اطمنت على موضوع ريحة البنزين لأنه فعلا مهم جدا والحمد لله انها جت على الجوان
بس سؤال انت لما طلبت تعمل صيانة ال 30 الف ختموا برده الكتيب مع ان السبع كان ختمه قبل كدا وهل قالو لك انك عامل الصيانة قبل كدا ولا مش فارق معاهم

الله يبارك فيك يا باشا متشكر جدا علي مرورك الكريم
لأ مش فارق معاهم طبعا .. انت ممكن تعمل صيانة الـ 30000 او اي صيانة في كل مكان في مصر عدة مرات .. انت بتدخل فلوس للتوكيل .. هيرفضك ليه و بعدين انت ممكن تروح التوكيل من غير كتيب الضمان بس ده "رأيي الشخصي فقط" .. عشان كتيب الضمان ده فعلا يتفعل او يستخدم صح يبقي لازم يكون في سيستم واحد بين مراكز الخدمة عشان يكون تاريخ العربية موحد في كل المراكز لكن الوضع ده مش ساري خالص بين المراكز في مصر لكن ساري داخل فروع المركز الواحد يعني مثلا مودرن ابورواش متوصل بجميع فروعه في مصر فالعملية متفعلة بين المركز الواحد

المشاركة الأصلية كتبت بواسطة _hema

تقرير جامد ماشاء الله
الف مبروك يا باشا و عقبال صيانة ال 100.000 ان شاء الله
مفيش جديد بخصوص العازل فى اوتو اجيبت؟ :)

بص ياباشا المركز كان فيه و بكل امانه زي ما قولتلك علي الخاص كان فيه فقط 5 عازل كابوت و ابتدأ يتصل بالترتيب حسب الكشف اللي في التوكيل و اللي رد علي التوكيل و حجز معاه فعلا راح و ركب العازل
فالتوكيل دلوقتي عمل طلبية للمصنع و قالوا انه هيكون موجود في التوكيل في خلال من شهر الي شهرين و هيتصلوا فورا ببقية الاعضاء لتركيب العازل
و اي خدمة