إستفسار عن e90 موديل 2008

**Ahmed Selim** · 29-12-2011 12:13 PM

السلام عليكم يا شباب

قدامى عربية 320 موديل 2008 ماشية 72 ألف كيلو.

العربية مفيهاش idrive و لا فتحة سقف..........بس كراسى جلد و مثبت و أيرباجز

العربية فى الإمارات مش فى مصر.......أعتقد فى مصر ال 320 بيبقى فيها idrive صح و لا أنا غلطان ؟

دلوقتى العربية طلعت جربتها و كانت كويسة و كل حاجة زى الفل......بس لاحظت ان التكييف أخد حوالى 5 دقايق علشان يظبط الجو..........مع أن الجو اليومين دول هنا مش حر إطلاقاً.....و فى نص التجربة بتاعة العربية سقعت من التكييف و وطيته.........يعنى المفروض أنه شغال كويس.....فهل الوقت اللى أخده فى الأول ده طبيعى ؟؟؟

لأنه لو طبيعى يبقى فى الصيف هتحتاج ربع ساعة على الأقل علشان تظبط.

هل فيه أى ملاحظات على العربية دى ؟؟؟؟

مشاكل معروفة مثلاً......حاجات معينة فى الصيانة ( زى سكودا........زيت الفتيس بيتغير بزيت معين تمن اللتر فيه 200 أو 250 جم مش زيت فتيس عادى......و لو أتغير بزيت فتيس عادى بيأثر على عمر الفتيس جامد)

أخر سؤال.........العربية غالباً مش معاها كتالوجات خالص.........هل فيه مكان أنزل منه ال driver's manual و ال service manual لو جبتها علشان أعرف اللمبات المختلفة و أتابع الصيانة ؟

**medo20000** · 29-12-2011 01:14 PM

ياباشا أنت طبعاً عارف أن تكييف الألمانى وإن كان فى أحسن احوالة لن يسد أمام درجات الحرارة المرتفعة فى الخليج ... لايقارن بأى حال باليابانى ... فأنا شايف ان ربع ساعة وقت معقول نسبياً ولكن ممكن تفحص نسبة مستوى الفريون .

**Abo_Lina** · 29-12-2011 01:28 PM

و ممكن فلتر الكابينة عاوز يتغير
بالنسبة للعربية أعتقد الكل من ملاكها هنا مبسوطين منها و ننتظر رأيهم

**Ahmed Selim** · 29-12-2011 04:31 PM

المشاركة الأصلية كتبت بواسطة medo20000

مش كل ال 320 بينزل ب I drive فى مصر ...أظن من آخر 2007

أنا فعلاً سألت و عرفت أن فى مصر مش كله نازل بال idrive

المشاركة الأصلية كتبت بواسطة medo20000

ياباشا أنت طبعاً عارف أن تكييف الألمانى وإن كان فى أحسن احوالة لن يسد أمام درجات الحرارة المرتفعة فى الخليج ... لايقارن بأى حال باليابانى ... فأنا شايف ان ربع ساعة وقت معقول نسبياً ولكن ممكن تفحص نسبة مستوى الفريون .

بس خلال الربع ساعة دى بيكون الواحد ساح يا باشا

عموماً هو مش كل الألمانى..........يعنى أعرف واحد معاه مرسيدس c200 موديل 2009 على ما أعتقد و تكييفها كويس جداً

و أنا ركبت0 باسات 2009 و تكييفها كان بيبرد بغباء.........مع العلم أن الجو ساعتها كان مش حر......بس التكييف بردنى و وطيته على طول.

المشاركة الأصلية كتبت بواسطة Tyler_Durden

و ممكن فلتر الكابينة عاوز يتغير
بالنسبة للعربية أعتقد الكل من ملاكها هنا مبسوطين منها و ننتظر رأيهم

هو أنا شاكك فى الفلتر و فى الفريون........ربنا يسهل و حد يجزم بالسبب.

و فيه سؤال تانى.........حد عارف الكاتينة بتاعتها بتتغير على كام ألف ؟

60 ولا 80 و لا أيه بالظبط.

**Ahmed Selim** · 29-12-2011 04:56 PM

معلش سؤال كمان.........فى الموضوع ده

هل الe90 320 2008 170 حصان ولا لأ؟

اللى فهمته أن نزل منها 3 مواتير N46 و N43 و N45
و هى على الترتيب 150 حصان و 170 حصان و 177 حصان

هنستبعد ال N45 لأن حسب ما قريت فى الموضوع أنه نزل على موديل 320SI و العربية اللى قدامى 320I بس

يبقى فيه ال N46 و N43

و ال N46 مكتوب فى الموضوع أن فيه منه 150 حصان و 156 حصان

دلوقتى أعرف إزاى العربية دى قدرتها كام حصان أو عليها أى موتور من دول ؟؟؟؟

**Ahmed Selim** · 29-12-2011 05:31 PM

المشاركة الأصلية كتبت بواسطة wshawky

اليابانى فى الخليج هو اللى شغال و تلاقيه تكييف جامد و كمان قطع الغيار منتشره و سعرها معقول و فى مليون واحد بيصلحه و كمان ماسك سعره عند البيع و دى ثقافه شعوب زى ما احنا عارفين علشان كده بانصحك بيه عندك لو عايز تريح دماغك انما لو كنت بتتكلم عن مصر كانت تبقى ال بى ام دى هى الاختيار بدون تفكير و ده رايي الشخصى طبعا و بالتوفيق

شكراً يا باشا على مشاركتك برأيك

هو بصراحة أنا كل يوم بسوق من 200 إلى 250 كيلو....و ساعات أكتر.....علشان كده كنت بدور على حاجة فيها ميزتين أساسيين......كروز كنترول و تكون ثابتة على الأرض.

أنا كنت رايح أشوف أكورد 2008 أصلاً بس للأسف مش مقتنع بيها قوى.....خصوصاً ان فتيسها مش ستيب ترونيك........يعنى عربية 2008 و فى الفئة دى و مش ستيب ترونيك !!!

المهم أن الأكورد دى تحديداً معجبتنيش قوى علشان ماشية 95 ألف و كمان راشة باب.

و لقيت عند الراجل ال 320 دى و هى كانت خارج حساباتى شوية بس سوقتها و عينك ما تشوف إلا النور.

مع أنها بالمقارنة بالأكورد.....الأكورد ممكن تطلع.....بس الركوبة غييييييييير.

و بينى و بينك أنا بقالى سنتين سايق يابانى لما زهقت منه

و على فكرة أنا شوفت عند نفس الراجل واحدة تانية 320 بس ماشية أكتر و تكييفها أشتغل على طول مكنش فيه مشكلة و كان حلو.....بس الفرق بين الأتنين ال 320 حوالى 2000 درهم مع أن الفرق فى العداد حوالى 20 ألف كيلو.

**Ahmed Selim** · 29-12-2011 07:42 PM

للأسف مش عاوز حاجة عالية........ده غير ان البرادو بالسعر هتبقي موديل قديم شوية

تويوتا عموماً هنا بتمسك سعر جامد......بعدها علي طول هوندا

-

الموضوع: إستفسار عن e90 موديل 2008

LinkBack

أدوات الموضوع

عرض

إستفسار عن e90 موديل 2008 - انشر الموضوع فى :

-

-

-

-

-

-

المواضيع المتشابهه

إستفسار بخصوص الملكة موديل 1995 1500 سي سي

إستفسار من مالكي الباسات 2008 الهاي لاين.........

إستفسار عن cordoba 2008 قبل الشراء

إستفسار بخصوص تابلوه الايبيزا موديل 94

مرسيــدس C200 موديل 2008 أم BMW 320 موديل 2008 ؟

الكلمات الدلالية لهذا الموضوع

المفضلات

المفضلات

ضوابط المشاركة