الموضوع: ساعدوني في استهلاك البنزين

معلش انا هطلب منك طلب صغير ممكن يحللك المشكله دى كلها وده حصل ليا قبل كده وكنت نفس حيرتك
ممكن لما تكون راكن العربيه مده طويله ابقى انزل وبص تحتيها من ورا عشان يمكن يكون التانك مخروم وبينقط
ربنا يوفقك

قولى يا حضرت هل السيارة عند بداية اداراتها وهى باردة يكون المحرك غير منتظم وهل توجد تنتيش (تقطيع ) فى السيارة أثناء السير وتحس أن السيارة ثقيلة فى السحب أذا كانت كذلك فهذا بسبب حساس الشكمان قم بتغييره على الفور

ضعف ضغط الهواء فى الكاوتش لايسبب زيادة أستهلاك البنزين بهذه الحالة اللتى ذكرها السائل والكشف على الحساسات يكون بجهاز كشف الأعطال فى اى مركز خدمة او ورشة كبيرة بها جهاز كشف

انا انهردة يا رجالة روحت مركز في الحرفين بتاع كشف اعطال وكمبيوتر و كدة المهم قالي في كود عندك بتاع حساس الكامة و حساس الشكمان بس انا مسحتهم وجرب كدة و قولي هتعمل معاك اية المهم ممكن يكون الكود او الضبطة بالكمبيوتر كدة هي السبب انا فولت انهردة و هحسب بقي و اشوف بس ممكن يكون فعلا الكود اللي اتمسح ده هو ده السبب مع العلم ان بعد معمل كدة قولتلو اكشف تاني ممكن يكون متمسحش و رجع تاني المهم كشف و قالي مفيش اي حاجة غلط كدة كلو تمام عاوز اخد رايكم برضو ممكن يكون ده هو السبب و لا اية معلش انا تعببتكم معايا بس انا تعبت منها اوي

ياعم أنا قولت لك انه عيب حساس شكمان غيره وريحنا بقى

مسح الكود لايعنى ان السيارة اتظبطت وعلى فكرة الميكانيكى اللى انت رحت ليه ده تعبان ولو هو شاطر كن قلك العيب فين بالضبط

انا يا جماعة نفسي ارتاح من المشكلة اكتر منك بس للاسف مطلعش حساس شكمان بس انا هروح مركز الصفا اللي معمول له اعلان هنا يمكن يعرفة العيب منين

يا استاز كروز في رد لحضرتك احسن من كدة و في اسلوب كويس عن ده و بعدين يا استاز انا مش طلبت من حضرتك انت بالزات ترد عليا عشان تقولي ريحنا بقي لو حضرتك تعبان اوي كدة مني مترضش علي مواضيعي تاني لان انا بطلب هنا من ناس بجد بتتمني ان هي تفيد وتقول اللي تعرفو مش بغصب حد انو يقولي حاجة وشكرا