نصائح للاوبتراويه

**abou-yahia** · 30-12-2011 06:40 PM

الاوبتراوييه يجمعوا هنا بسرعه
من غير دوشه

مقدمه منطقيه لابد منها

الاوبترا عربيه بجد اثبتت نفسها معايا مع مرور الايام يعتمد عليها بجد حموله وتشيلك وتحس انها فعلا معموله عشان مصر
ومجموع فيها ميزه من كذا عربيه اثبتت نفسها في مصر

لاكن ذي كل حاجه الحلو ميكملش
فيه كده بعض الحاجات محتاجه تدخل من الملاك لتحسينها ورفع ادائها ذي :

1- الفرامل

تعتبر المشكله الاساسيه للاوبترا بجد لاكن حلها سهل لاكن مكلف شويه

انصح في الاول باستخدام التيل الاصلي وليس غيره حيث اني جربت عده انواع الريمسا والجولد والكوري الجي ام
لاكن مفيش احسن من الاصلي اللي في التوكيل عمرا واداءا

تغيير الكاوتش بكاوتش ياباني (انا حاطط يوكوهاما ) وعمل فرق في حاجتين الفرمله اتحسنت كتير واصبحت دلوقتي شبه ناسي حكايه ضعف الفرمله وهذا بفضل الله , النعوميه بتاعت العفشه العربيه بقت حاجه تانيه خالص .
وانصح بشده بلمقاس ده 14-195-60 مريح جدا وبيحسن من ثبات السياره جدا

تغيير الجنوط الي رياضيه (وانا هنا ركبت الاصليه جبتها استيراد في الحرفيين ) اعتقد حسنت اداء العربيه علي السرعات والملفات علي وجه الخصوص واكيد ليها اثر ايجابي في تهويه الطنابير وتحسين اداء الفرامل .

2- معدل التسارع

العربيه طبيعتها كما عربيات كتير انها تقيله في الطلعه والتاثير الي بيعمله تشغيل التكييف عليها

علاجه من وجه هنظري كالتالي
ركبت بوجيهات ngk
بلاتنيوم وفلتر k&n استاندرد فرقوا كتير جدا وزودا من استجابه العربيه من الثبات علي وجه الخصوص .

الاضائه :

تركيب زنون في الفوجات وغيرت اللمبات الي اوسرام رالي نايت بريك من غير تزويد كتاوت

نصائح عامه :

المحافظه علي نظافه فلتر الهواء والبنزين وتنظيف البوابات كل ست شهور علي الاقل

تغيير زيت الفتيس كل 30 الف بلنسبه للاتوماتيك
في الاخر علي قد ما حتراعي العربيه حتراعيك
وربنا يباركلنا فيها وفيكم

وشكرا

**zezozezozezo** · 30-12-2011 08:05 PM

موضوع جميل وهى فى المجمل عربية جميلة

**hpxp** · 30-12-2011 08:22 PM

اضافه للمشاكل لعدم فتح موضوع جديد
1- مشكله التبطيل:-
الحل
تنظيف البوبات هتلاقي الrpm عالي جدا بعدها احرق عليها واخبط مشوار حلو الدنيا هتظبط
مع تنظيف وحده الخنق هتبقي سحب رهييييييييييب + منظف دورة بنزين
2- السحب الضعيف:-
الحل
حط منظف رشاشات مع تغير فلتر البنزين مع فلتر الهواء (اونفخه بالهواء) مع البوجيهات بس طبعا بعد اما تحط المنظف + تغير زيت الفتيس الاوتو علي 30 والمانول علي 60 فرق جبار
3-الاضائه الضعيفه
غيرت لمبات الواطي ب100 وات بكتاوت والفرق معقول
4- الكلاكس الضعيف
الي صوت المعزة اعلي منه فطبعا غيرت الكلاكس لكلاكس فردتين مع وصله صغيرة من البطاريه لكتاوت م الكلاكس والفرق يستاهل
5- الفرامل
تيل نضيف زي ما استاذ محمد عرفه قال +كاوتش يباني انا حاطط بردجيستون قدام وفرق السما من الارض
حل اخر
ركب abs وعلي كلام المكانيكي هما 1000-2000
6- موضوع الاربي ام الي بيلعب
لما تنظف البوبات هيهدي بس مش هيروح وورايته لمكانيكي قالي كرسي المتور وحش !!
7-الدريكسيون بيتقل حبتين
لو انت معدي ال50 الف يبقي زيت بور وش
8- مشاكل تركيب بقي حصلت معايا
1-لوقيت فانوس القدماني فاصل ارجع شوف الي ورا لقيته فاصل يبقي فيوز
2-لو نور الصالون بالكامل فصل يبقي فيوز برضك
3-لو لاي سبب البطاريه فصلت هتلاقي الكاست بيقولك الكود عملت 123 اشتغل وبقي بيجيب نجوم fm كمان
4-ممكن تلاقي مقبض الكرسي طلع في ايدك عادي سهله جدا بس محتاجه طوله بال انزل كده تحط وحاول تربطه وهيجي معاك
للي عايز يفك حاجه بقي
1- الفوانيس
هتلاقي مسمارين باينين فيي وشك وواحد ورا الفانوس من عند الاشاره فكهم هتلاقي الفانوس طلع معاك حلاوة بس اوعي يقع منك
2- فتر الهوا
هتلاقيه علبه مربعه علي الشمال وفيها 4 مسامير فكهم مش بيطلعوا هما من العلبه طلع الفلتنر وعييش
3- فلتر التكيف انا بتكلم علي عربيتي اوبترا 2009
هتنزل نزله طين كده ولازم لازم يبقي معاك كشاف
هترجع الكرسي علي الاخر وتريح الظهر كمان
هنزل براسك تجت الطبلوة هتلاقي مستطيل طوبل كدا وفيه اربع مسامير فكهم وشيل المستيل هتلاقي الفلتر شده خلي بالك انك لاااااااااااااااااازم تلف الفلتر لفه صغيرة كدددده او امشي مع سجاده الصالون وهتفهم قصدي ملحوظه اوعي تشغل التكيف وانت تحط هتلاقي فران وقطط وكلاب وتراب وورق شجر طاروا في وشك:-)
_____________________________
العدادات واااااااااااه من العدادات ومنصحش حد يعملها وياريت هيما لانسر يصححلي لو انا غلط
هتلاقي مسمارين فكهم وهطلع فبر العداد كله ناحيه الباب (باب السواق) ماشي
هتلاقي صوت طقطقه متخفش عادي هتلاقي العداد نفسه علي ما انا متزكر مربوط ب3 مسامير فكهم وهتفك ال3 فيش بتوعه ومبروك العداد بقي في ايدك بس طلع العداد مرشق سفايات والكهربائي قلي متلعبش فيه هيعمل قفله منك لان السفيات الي في السوق من غير القعده دي وهتلحهم ويعمل قفلات قلتله رجعه ومرضيش ياخد فلوس ماشي
.................................................. ......................................
للي عاوز بقي يحط اشارات جانبيه
انا جبتهم بيتلزقو
وجيت حوالي 2.5 متر سلك وديته من فبرة الرفرف وعريت سللك الاشارة ووصلته عليها ومبروك عليك الاشارة
او تغير لمض الصالون
دي هتجبلها كارت ليدات دي اللمض الي في النص وتحطه وادعيلي
او الي قدام هتجبلها لبمه ليدات زي بتاعه الواطي بتاع العربيه اسنها صورايخ باين

**Hosam_Optrawy** · 31-12-2011 01:55 AM

تسلم يابويحيى على النصايح الحلوه وكفاره يا حاج :)

انا ناوى ان شاء الله على كذا حاجه بس يارب ماكسلش

اجرب زيت غير موبيل لانى ماجربتش غيره بس لسه بدرى على ال 45000 الف كدا

اغير زيت الفتيس عشان مغيرتوش على ال 30 الف والعربيه دلوقتى داخله على 37 الف , بس مش عارف استنى لل 40 واغيره فى التوكيل ولا اعمل ايه

اجيب جنوط سبور بس 15 مش عارف هاجيب استيراد ولا اجيب جديد واريح دماغى , مع كاوتش هانكوك او كومهو موديل نضيف و تراكشن AA مش هاجيب يابانى عشان غالى :) , وكمان انا باشجع الصناعه الكوريه

معتقدش هاجرب البوجيهات البلاتينيوم او الفلتر ال k&n لانى راضى عن السحب الحمد لله

والتيل الحمد لله باجيب الاصلى وفلتر الهوا والبنزين والبوجيهات غيرتهم فى ال 30 الف ونضفت البوابه

وشكرا مره تانيه

**B911** · 05-01-2012 02:35 PM

بجد موضوع اكثر من رائع و مفيد جدا لاي حد عايز يعتني بعربيتة و انا ليا كام سؤال بعد اذنكم
1- بالنسبة للجنوط الاستيراد الاصلي .. بتعمل كام وهل ممكن يبقي فيها عيوب و لا لا ؟؟
2-البوجيهات ngkالبلاتنيوم دي بكام و هل موجودة في التوكيل و لا لا؟
3- الفلتر k&n استاندر هل موجود في التوكيل و سعرة كام؟
4-محتاج اركب فوج لايت و ياريت يبقي زينون بردة فا دا يعمل كام و منين و طبعا من غير الدراع فاهل ينفع اعملة مفتاح لوحدة؟؟؟
5- هل في فرق بين منظف دورة البنزين و منظف الرشاشات ؟ و تنصحوني باي نوع ؟
6- بالنسبة للباور تقيل سنة و انا عربيتي اوبترا 2008 و ماشية 47000كم فاهل لازم اغير زيت الباور ولا تنصحوني باية؟
7- بالنسبة للكاوتش العربية عاملة 47000 كم و النقشة حالتها حلوة بس دة الكاوتش الاصلي من 2008 فهل دة عادي و لا تنصحوني بالتغيير؟

انا عارف انها اسئلة كتيرة و متعبية بس انا متعشم الاقي اجابات ليها و الف مليون شكر ليكم و للمنتدي
عام سعيد للجميع و لبلدنا ام الدنيا

**hpxp** · 05-01-2012 08:39 PM

المشاركة الأصلية كتبت بواسطة B911

بجد موضوع اكثر من رائع و مفيد جدا لاي حد عايز يعتني بعربيتة و انا ليا كام سؤال بعد اذنكم
1- بالنسبة للجنوط الاستيراد الاصلي .. بتعمل كام وهل ممكن يبقي فيها عيوب و لا لا ؟؟
علي حسب حالتهم وبيجوا عامه من الحرفين
2-البوجيهات ngkالبلاتنيوم دي بكام و هل موجودة في التوكيل و لا لا؟
مش متاكد بس بوجيهات منصور gm لكن دي ممكن تجبها من برة التوكيل عادي جدا
3- الفلتر k&n استاندر هل موجود في التوكيل و سعرة كام؟
كل حاجه منصور gm الستوك العاديه
4-محتاج اركب فوج لايت و ياريت يبقي زينون بردة فا دا يعمل كام و منين و طبعا من غير الدراع فاهل ينفع اعملة مفتاح لوحدة؟؟؟
ينفع طبعا بس هتجتاج كهربائي شاطر والاسعار النضيف في رينج ال 300 وانت طالع والزينون في ال300 لحد كام الف كده انا لسه سال علي واحد بس صيني كان ب350
5- هل في فرق بين منظف دورة البنزين و منظف الرشاشات ؟ و تنصحوني باي نوع ؟
الstp وده سعره تقريبا 85 وغالبا منظف دورة البنزين بيبقي شامل الرشاشات
6- بالنسبة للباور تقيل سنة و انا عربيتي اوبترا 2008 و ماشية 47000كم فاهل لازم اغير زيت الباور ولا تنصحوني باية؟
لو بتعمل كل صيانتك في التوكيل هيغيورهوللك علي صيانه ال 60 كيلو لو عايز تغيرة يبقي زيت فتيس اتوماتيك لكن الي منصور بيحطه اسمه دوناكس
7- بالنسبة للكاوتش العربية عاملة 47000 كم و النقشة حالتها حلوة بس دة الكاوتش الاصلي من 2008 فهل دة عادي و لا تنصحوني بالتغيير؟
انصحك بالتغير لبريدجيستون لان الكمهوا تيت كبير اوي وياما شيبني ووقف قلبي بيزحف بطريقه ترعب العبرة مش بالنقشه برضه بالعمق بتاعها انا شلت الكمهوا علي 50-53 الف باين كانت النقشه بحاله حلوة بس كان كل يوم شبه خبورين
انصصحك بيبردجستون تورنوا gr_90 لو الجنط الفابريكه14 هيبقي المقاس 14-185-65 وممكن تعرض الكاوتش تخليه195 وهيفرق فرق شاسع في الفرامل
انا عارف انها اسئلة كتيرة و متعبية بس انا متعشم الاقي اجابات ليها و الف مليون شكر ليكم و للمنتدي
عام سعيد للجميع و لبلدنا ام الدنيا

يافندم اسائل برحتك احنا هنا اخوات وبنساعد بعض ومرحبا بيك في اسرة الشيفروليه

:-)

**RAOUFRASHAD** · 10-01-2012 04:00 PM

عايز اعرف ازاى يتغير زيت الباور وخصوصاً أنى عامل 74000 واشترى نوع اسمه ايه وبكام وياخد اد ايه

**abou-yahia** · 10-01-2012 04:29 PM

المشاركة الأصلية كتبت بواسطة raoufrashad

عايز اعرف ازاى يتغير زيت الباور وخصوصاً أنى عامل 74000 واشترى نوع اسمه ايه وبكام وياخد اد ايه

براحه حقولك

حتروح البنزينه وتخلي العامل يسحب الزيت القديم باستخدام الكومبريسور ذي زيت العربيه بلضبط.

وافضل انك بعد كده تفك العلبه وتنظفها كويس بلهواء .

وعادي بعد كده .

حط زيت atf اللي هوه بتاع الاتوماتيك .

وانا انصحك انك تستخدم فالفولين لانه الزيت الوحيد التخليقي اللي في مصر علي حد علمي سعر اللتر 70 جنيه .

بس خلاص

-

الموضوع: نصائح للاوبتراويه

LinkBack

أدوات الموضوع

عرض

نصائح للاوبتراويه - انشر الموضوع فى :

-

-

-

-

المواضيع المتشابهه

اريد نصائح

نصائح

10 نصائح للنجاه من الأزمة الأقتصادية - نصائح وإرشادات فعالة وسهلة التطبيق

الكلمات الدلالية لهذا الموضوع

المفضلات

المفضلات

ضوابط المشاركة