الموضوع: ضفيرة الكهرباء في النيسان

المشاركة الأصلية كتبت بواسطة ahmed.tv

اضافة ان الضفيرة اغلب مشاكلها كانت فى تعليق الاربى ام .. ولما سالنا مهندسين كتير على موضوع انها ليها علاقة فى استهلاك البنزين .. وانها بتزوده .. قالوا لا

وفعلا فى اعضاء غيروا الضفيرة واستهلاك البنزين قبل ما يغيروها وبعد ما غيروها كان واحد
واللى اتظبط عندهم موضوع تعليق الار بى ام

بس الضفاير الاخيرة مفيش فيها مشكلة فى 2012 وعدلوا فيها من كتر ما حصل مرتجع منها

وبخصوص باقى الاستفسارات الاعضاء قاموا بالواجب .. ولوحضرتك اخدت فكرة ولفة فى القسم فى الموضوع المثبتة فى الاعلى .. حتلاقى موضوعات واستفسارات كتيرة جدا حتفيدك عن العربية وتقدر تحكم عليها

وحتى فيها موضوع السنسور الاوكسجين الجديد بتقرير عنها مثبت فى الفهرس

تحياتى ليك بالتوفيق والاستفادة واهلا بيك معانا معانا عضو دائم

كلام مظبوط 100 100 أنا فعلا غيرت الضفيرة واستهلاك البنزين زي ما هو

الحمد لله انا مغيرتش الضفيرة وان شاء الله مش هاغيرها
بس عايز اقول حاجه على موضوع استهلاك البنزين ده , دى بتبقى أعتقد والله اعلم على حسب تقل الرجل على دواسة البنزين, وليا تجربة احب أحكيها, مره كنت مسافر انا وواحد صاحبى اسكندرية صد رد وفولت اقبل ما نمسك الطريق كنت ماشى 120-140 ماعدا الحتت اللى فيها رادارات كنت 100
المهم وصلنا ولفينا بتاع 20كم جوا اسكندرية ومؤشر التانك تحت النص بشرطتين ,بس واحنا راجعين خليت صاحبى يسوق عشان كنت مسقط وقولتله ابقى فول فى السكة و نمت وشخرت تقريبا لحد البيت.
صحيت وببص لقيت لمبة البنزين منوره, انا استغربت وقولتله انت ماحطتش بنزين فى السكه قالى لأ
انا مكونتش مصدق بس هوا قعد يحلف بالله انو محطش بس كان ماشى 90-100, سألتو اللمبة نورت من فين قالى عند كارتة القاهرة وانا ساكن فى المعادى يعنى السفرية كلها بتاع 520كم ولما جيت افول تانى يوم حطيت بتاع 42 لتر مش عارف إزاى!!!

ما شاء الله , الله أكبر. ربنا يباركلك فيها .
تقرير جامد وواضح فيه مجهودك , جزاك الله خيرا
اتشرفت بمعرفتك يا اخ يوسف

المشاركة الأصلية كتبت بواسطة sehsss

أكيد عربيتك مانيوال، صح

لأ اوتوماتك