الموضوع: يا جماعه بالله عليكم

المشاركة الأصلية كتبت بواسطة semsem kane

شوف ياباشا انت بتقول مازدا 3 وانا بقولك العربية جميلة وكل جاجة ( منظر وثبات واوبشن ) يعنى معاك عربية تحفة طيب بكام ياعم ب65 الى 70 الف جنية يعنى عربية موديل 2006-2007 وتمنها اقل من عربية سيفيك موديل 1992 ب10 الاف جنية بس اكيد فية حاجة غلط اية بقى الغلط

( محرك ضعيف مقارنة بالسيفيك - العربية ضيقة - قطع غيار غالية جدا - تكلفة صيانة غالية يعنى مش كفاية قطع الغيار لأ كمان المصنعية - سعر بيع بينزل بسرعة - عيوب تصنيع زى الطنابير اللى بتبوظ بسرعة - التيل الفرامل مابيقعدش وتمنة على مااعتقد 600 جنية ولو عايز شوية حاجات ادخل على قسم مازدا - العربية عفشتها نشافة - فرامل ضعيفة والعيب دة ماتعالجش غير فى الموديلات 2008-2009 )

تخيل بقى كل دة فى عربية مهما كانت جودتها هتكرها بسبب الحاجات اللى فيها ومعلش احنا كلنا شباب يعنى هل مثلا انت مرتبك هيكفى مصاريفك ولا مصاريف العربية لو باظت منها حاجة اقل واجب فيها 600 جنية فانت لو اهملتها مش هتبقى مازدا هتبقى فاسدة ودة بسبب قطع الغيار

هديك مثال صغير ( لو واحد جية وقالك هديك m5 2012 مجانا بس بشرط ماتبيعاش وتركبها انت لوحدك يعنى مأتأجرهاش هتقدر تصرف عليها اكيد لأ لان دية اقل صيانة فيها 10000 الاف جنية ويمكن اكتر

* التفكير السليم ( عربية محرك - ثبات - اعتمادية - قلة اعطال - سعر ماسك نفسة - قطع غيار غير مبالغ فى تمنها - موجودة جديد واستيراد ) كدة اقولك اشترى وانت مغمض

ومعلش كل دة بتحققة الهوندا بجدارة

على فكرة نفسى اشوف احساسك وانت راكب سيفيك si بوية نظيفة بجنوط جميلة وتخيل كل الناس بتبص عليك حتى اللى راكبين بى ام ومرسيدس ودة لية انك متميز ودة اللى بيخلى الهوندا منظرها ملفت عن اى عربية تانية

يعنى هاقولك على حاجة ماشاء الله لما تلاقى كدة اتنين راكبين الالنترا 2012 اللى شكلها الناس كلها بتقول خرافة والاتنين بلا استثناء بيبصوا على سيفيك 1993 بجنوط وبس ومش نظرة عابرة لأ بتفحص وتمحص لدرجة ان واحد منهم كان هيخبط فى اللى قدامة بسبب كتر البص وخلونى اقول الله اكبر فى عيونهم من كتر مازهقونى مع ان العربية عندى فيها خبطة فى الرفرف ومش عايز اعملة ومش هاعملة ( دية الهوندا ياباشا )

منورنى يا سمسم باشا
كلامك فى ظلم كبير جدا للماذدا على فكره العربيه دى مع ابن عمى و تقريبان انا راكبها دلوقتى
فيها جنط 16 و نعمه جدا و عمرها مكانت ناشفه
محركها ممتاز و تسارعه مرضى جدا
لافيها طنابير بيتبوظ ولاحاجه العربيه تقريبا عمله 160 الف كيلو
مش ديقه هى من ورا ديقه سسيكه عن عربيات كتير تانيه
تيل فرامل ب 140 جنيه مش ب 600
علبه فيوزات كامله جبتها استيراد ب 600 جنيه
فراملها ضعيفه دى حاجه بصراحه من درب الخيال هى مقارنه بالامانى ضعيفه لاكن بالنسبه للسفك ال 2007 هى اقوى و عن تجربه وخصوصا الاتنين درمز ورا
تانى حاجه هى فين الماذدا الحاله ال ب 65 يا صحبى دى الايرو بيكلمو فى 90 الف جنيه
بلس انها ممتعه فى السواقه جداااااااااا و الستيب بيتعها تحفه
2 اير باج abs تكنلوجى احدث
عيوبها بما يرضى الله استهلاكها للبنزين عالى و اخرها 180 و لو اتشقلبت لاكن كا رفاهيه و هى افضل من الهوندا و اصلن كمقارنه هى غير متوافقه بالمره انا اقارنها مع هوندا 2007 و لاكن مع 92 صعب
بالنسبه للهوندا و الله انا بابص عليها لما تكون رايقه و بتخطف عينى بس هل ده معناه انى ادفع فيها يا عم سمسم 52 الف جنيه فى عربيه موديل 92 امكانيتها انها ماتور 130 حصان عفشه نعمه شكلها حلو لاكن لا فيها اى عامل من عوامل الامان الى العالم كله دلوقتى مبيركبش عربيات غير بيها و كمان بعد 3 4 سنين هكون عربيه عربيه ماشيا بقالها 22 سنه طيب بالعقل كده فىن القيمه مقابل المال
عارف انا جدى كان عندو عربيه بيجو 504 جيبها من الزيرو سنه 74 و الله لسه لحدانهاردا فبريكه بره و جوا بس اهواحنا فى 2012 تعتبر انتيكه لا بيركبها و لا بيفكر يركبها لاكن محتفظ بيها
و الله دى وجهة نظرى تحتمل الصواب و الخطء
ربنا يحميلك عربيتك يا كبير و يحمى لكل الناس عربياتهم و يعترنى فى واحده لخويا علشان يطلع من دماغى ههههههههه
[QUOTE=محمد-علام;3874034671]

المشاركة الأصلية كتبت بواسطة minicooper20

يعنى يا رجاله ادفع 55 الف جنيه فى عربيه موديل 92 مع كامل احترامى للهوندا
طيب منا احط 15 و اجيبلو ماذدا 3 و اهى هتكون 2006 و احدث بيبتاع 14 سنه


يا باشا إنت ممكن تجيب فعلا مازدا 3 .....بس تعالى بقى في قطع الغيار ....واللهِ العظيم حتعيط ....أي قطعة غير فيها جديدة باربع أرقام ....و الإستراد بتاعها بأعلى 3 أرقام (700/800/900)....ونزل السوق واسأل وإنت تعرف ....ومعلش يعني الإتنين ياباني ....بس طلع الإتنين جانب بعض في جريه ...وإنت تعرف الفرق المهول اللي مابينهم

المشاركة الأصلية كتبت بواسطة khaledfox

لو جاب هوندا مش حيفكر يبعها ابدا
اسالنا احنا
هههههههههههههه
على شان كده سعرها بدا يزيد تانى

تسلملى يا كبير

المشاركة الأصلية كتبت بواسطة محمد-علام

هاهاهاهاهاهاهاهاها.....عظيم تلاتة أنا مابضحك عليك ...بس أنا بأضحك من الفرحة اللي مش سايعاني لما سمعت كلامك .....يا سامح الله أكبر الله أكبر الله أكبر على عربياتنا ويحرسها من كل عين .....أنا تلاتة خايشو علشان كانوا بيبصوا على عربيتي ...بس الحمد لله كانت تخيشة بسيطة .....هاهاهاها...بس برده اسمها تخيشة ...هاهاهاها ....اللهم لك الحمد والشكر على نعمتك ....فعلا أحسننا الإختيار ....وجزاك الله خير لإن الفضل ليك بعد ربنا إني أشتري الوحش ده .....الله أكبر في كل عين حسد وحاسد وربنا يكفينا شر قر الناس .....بس يا سمسم إنت إنسان وهمي وبتعرف تتكلم صح ....خصوصا لما تبقى بتعشق الحاجة اللي بتتكلم عنها ....ربنا يباركلك في صحتك وعافيتك وعربيتك يا صاحبي

ربنا يحميلك عربيتك

طيب تمام هاقولك على حاجة ولا كأنى قولتلك حاجة ادخل قسم مازدا وانت تشوف اللى انا بقولة صح ولا غلط
انا دخلت كتير قسم الماذدا و انا بقالك انا راكبها اكيد كل عربيه فيها مشاكل لاكن انا بوضحلك بعد نقط الضعف فاهمنى يا حبى
* وبعدين انا ماقولتش حاجة وحشة عن العربية بالعكس العربية كويسة جدا وانا عن نفسى بحبها بس انا قولت حاجات صاحبى كان بيشتكى منها وكل قسم المازدا بيشتكى منها وانا لما بركبها دة اللى حسيتة ان فعلا عفشتها ناشفة
عفشتها ناشفه بالنسبه لايه دى النقطه ياعنى لما تيجى تحطها جنب السيراتو تقول دى طريه جداااااااا تحطها جنب تويوتا تقول دى حجر هى مساله نسبيه
* سعرها 65 الف موديل 2006 الى 70000 الف جنية على فكرة كانت قدام واحد معنا هنا فى المنتدى قبل مايجيب الهوندا فابركية برة وجوة
والله انا مشوفت ب 65 خالص انا كنت بشوف الايرو بيكلمو فى 90 و الخليجى ب 75 و ب 80 و اهى بيتكون حالات فى الاول و فى الاخر
* كماليات السيفيك لاتعد ولا تحصى ولو عايزها ب ( abs - 2airbag - cruise control - multi function - electric seats - seat heater- ) هاكتفى بدول بس ولو عايز ممكن اقولك على حاجااااااااااااااات كتير بس انت تدور وتلاقى
انا شوفت بيتاع 12 عربيه سفيك مشوفتش غير ازازكهربا بور و سنتر و و ماتور و تكيف وشكل جميل و عفشه ناعمه
لا شوفت مثبت سرعه و لا ايرباج و لا abs و لا تحكم فى الطاره و لا حتى كراسى جلد اوريجنال كولو معمول انا بتكلم على موديل من 92 الى 95
عجبتنى اوى جملتك وانت بتقول ( عوامل الامان الى العالم كله دلوقتى مبيركبش عربيات غير بيها ) طيب تسمى اية اللى بيركب هيونداى وكيا وعربيات تمنها فوق ال100 الف جنية ومافهياش حتى 1 ايرباج واوبشنها اوادائها اقل من الهوندا سنة 93
هيونداى و كيا بيلبو طلبات ناس كتير عايزها شكل حلو اوبشن اتوماتك قطع غيار رخيصه عوامل امان صوريه كده ياعنى يقولك 2 ايرباج بس ساعت القدر مش هتفتح كده ياعنى
ربنا يهنى اصحاب الكورى بعربياتهم
ياباشا سيبها على ربنا لو ليك نصيب وركبت الهوندا هتعرف انك ولا محتاج ايرباج لان ربنا اللى بيستر , ولا محتاج ال abs لان توزيع الفرامل مثالى فى العربية وكأنك معاك abs- ebd - dsc كمان شوف اسأل الهونداوية كلهم محدش هيقول كلمة على العربية وحشة حتى اللى بيركبها بيعشقها
انا سيبها على ربنا بس ربنا قال نعمل بالاسباب و لو فرامل الهوندا جمدا اوى كده طيب ليه نزلوها فى 2007 ب abs و vsa دى سنه الحياه يا سمسم كلحاجه بيطور على فكره انا كان نفسى امتلك الموديل ده جدا
* كان فية موضوع واحد كان معاة سيراتو وركب سيفيك 92 تانى يوم نزل باع السيراتو وبيدور على sir
دى اراء يا سمسم بس اصل ماتور ال sir 170 حصان اكيد هيستمتع بس العربيات موجوده فين الطرق؟

* واحد صاحبنا ركب نيو اكسنت من الزيرو ركب ال ex باع الاكسنت بعديها باسبوع وجاب سيفيك 91 على فكرة معانا هنا واسمة ( حمدى مصرية )
عادى يا باشا حبنا فى العربيه الناس فيما يعشقون مذاهب
ياباشا لو هنتكلم فى المنطق الصحيح معاك ان سعر 60 الف جنية كتير على عربية من موديل 1993 بس لو جيت للمنطق الاصح عيب انى اركب كورى فوق ال100 الف جنية او انى اركب يابانى مقرب لل200 الف جنية طالما السوق كلة ماشى غلط يبقى نرضى بالامر الواقع
لا مش السوق الماشى غلط دمغنا احنا الماشى غلط انا روحت شوفت عربيه si فى مدينه نصر عربيه فرانى لقيت صاحبها عايز 59 الف جنيه و العربيه عايزه تترش و بيقولى دى هوندا يا بيه قولتلوربنا يباركلك فيها
وبعدين ال128 دلوقتى ب15 الف جنية وال132 ب 20الى 23 الف جنية , عايز تركب هوندا بكام 30 الف استحالة طبعا
مقولتش 30 الف بس مش 60 الف يا صحبى
انا مش بهاجم العربيه انا بفضفض معاك مش اكتر فى حال السوق و استفزاز الناس
شوف مسألة السعر دية سيبها للسوق هو بيعمل اللى هو عايزة واحنا بندفع او بنتفرج او بنخسر

ياترى بعد مجمارك الاوربى تنزل زيرو و تنزلك عربيه فيها 6 7 ايرباج و abs we ebd و دعمات و فرامل دسسكات ورا و قدام و يقولك ب 100 الف مثلا حتى لو الماتور 100 حصان بس
سعتها الهوندا دى هتبقا بكام و اغلب العربيات المغالى فى سعرها
طلب اخوى بقا لوقدامك عربيه حاله يا ريت تبلغنى بالله عليك لانى تعبت من التدوير
سعيد بالمناقشه معاك يا كبير [/QUOTE]

* العفشة عمرى ماقارنتها بعربية بقارنها بالاحساس

* الاوبشن دة كلة فى موديل 92-95 مش اى موديل تانى ولو عايز عربيات كدة فييييييييييييية كتير بس دور لان دة الاوبشن الامريكى

* مسألة التطور والتكنولوجيا هية اصلا موجودة فيها من زمان
فرق انهم كانوا بيعتبرونا دول الجيل الثالث والوكيل هو اللى كان بيشيلها لتخفيض الثمن لان الهوندا كانت ساعتها ب150 الف جنية ( مأئة وخمسون الف جنيها )

* معلش ياباشا هو اية علاقة قوة الفرامل بنظام ال abs دة حاجة ودة حاجة واصلا لو السائق مهارى هيشغل الفرامل احسن من انة يكون عندة abs , لان ال abs بيطول مسافة الفرملة لو على طريق اسفلت , وبيبقى كويس فى الطرق الرملية والمبلله وبيكون مسافتة اقصر فى حالة الاستخدام الخاطىء من السائق الموجود فى السيارة الغير مزودة بال abs , اهم حاجة لو عربيتك مافيهاش abs يبقى اوعى تضغط برجلك على الاخر وانت هتلاقى نفسك متحكم تماما فى السيارة وكأنك معاك abs اكيد حضرتك عارف النقط دية كلها

* بالنسبة لنظام ال vsa حضرتك عشان تبقى عارف ان الجيل الخامس اثبت من الجيل الثامن فى كل الظروف ومحركها اقوى كمان انا بتكلم عن ال si مش ال SiR

شوف ياباشا انا هاقولك حاجة الراجل اللى قالك دية هوندا يابية هو مغلطش هو عارف يعنى اية هوندا وبيوصلك الصورة بس بجد العربية دية الوحيدة اللى انا اركبها وتستاهل كل جنية فيها بدون تردد

* على فكرة الهوندا عربية زى اى عربية فى الدنيا بس الفرق مبينها وبين السيارات الاخرى انها فيها مميزات كتير تخليك ماتحبش تركب غيرها واولهم

1- انخفاض السيارة ( ايحاء بمدى سرعة وقوة السيارة وثباتها )

2- تصميم رياضى واضح وملفت جدا للنظر

3- ثبات عالى جدا حتى فى اصعب الظروف

4- محرك قوى جدا واقوى محرك حتى الان بدون تيربو 130 حصان

5- سيارة عريضة تعطيك احساس بامتلاك الطريق + طول قاعدة العجلات

6- اعتمادية عالية وقليلة الاعطال ( ولو حدث عطل اعرف فورا انة تقصير من المالك - او خطأ فنى )

7- مع كل هذة القوة استهلاك بنزين ممتاز ( 200 حد ادنى - 210 حد اقصى ) داخل المدينة

8- نعومة وعدم الاحساس بالطريق

لو حد من الهونداوية ركب العربية دية ومحسش بحاجة من دول قول عليا كداااااااااب

انت عارف واحد صاحبى بيركب عربيات وكدة بس مالوش فى الهوندا او مايعرفش غير اسمها بس شاف العربية لاول مرة بيقولى هية موديل كام 2005 ولا 2006

ودة لان فعلا تصميمها احسن من عربيات كتير حاليا

دية الهوندا انا عايز اقولك حاجة اركبها انت بس تكون نظيفة و Si وقول انت لاحظت اية بس اركبها مرة واتنين وثلاثة

* سعدت جدا بالمناقشة معاك ياباشا

على فكرة ممكن بردة تدور على السوبارو امبريزا فى حدود 55 الف الى 60 الف جنية[/QUOTE]
ربنا يخليك يا سمسم على التوضيح
بس الهوندا كانت ب 150 الف جنيه سنه 1992 ال كان فيها الدولار ب تلاته جنيه !!!!!!!!!!!
ياعنى الهوندا كانت ب 50 الف دولار
امال ال بى ام كانت بيكام بقا ولا المرسيدس
دنا فاكر ان الكرستاله سنه 99 عامى كان جيبها ب 56 الف جنيه
رقم يخوض بصراحه ربنا يسهل و نلاقيلو واحده بقا
شكرا يا باشا