1-مبروك الصيانه وعقبال 1000000 كلم
2-تقرير ممتاز واسلوب متميز
3-انطباعك العام عن المركز والصيانه مش واضح (مبسوط ولا)
4-انا ليه نظره في الناس وانت من الناس اللي الواحد بيدور عليها ويتعرف عليها
5-عربيتي اللي صعبانه عليك دي بكره تشوفها عامله الزاي
6-ايه رايك في التنظيم ده ههههههههههههههههههههههههه
ماشاء الله يايوسف تقرير رائع رائع رائع
ايه الحلاوه دي ده كده في عضو جديد بيسابق احمد مصطفي علي طريقه التنسيق و عرض الموضوع بشكل جيد ماشاء الله .... احيييك و بشده
غريبه حته البوجيهات اللي كل 20 الف دي علي فكره دانا بجيب البوجيهات دي جدعنه مني والله للعربيه مش علشان بتبوظ ولا بيحصلها حاجه ..... عموما معلومه جديده عليا الصراحه
منكم نستفيد ياكبير :00020191:
اسجل اعجابي الشديد بالحته بتاعة البوجيهات و التصوير بعد استخدام منظف الانجكشن
مبروك عالصيانة .. وما شاء الله تقرير منظم ومتميز جدا من إنسان محترم.
1- بالنسبة لفلتر الهوا : أنا شايف انه كان "أحسن" في الفترة من 40 إلى 60
ويمكن ده يرجع إلى : إن حضرتك غيرت محل عملك أو سكنك وبالتالي بتمشي في طريق مختلف
لإنك لما تمشي على طرق أنضف (أقل ترابا) أكيد حالة الفلتر هتكون أحسن - ده حتى نسبة عادم العربيات اللي حواليك بتأثر عالفلتر.
2- أما بالنسبة للبوجيهات : أعتقد إن منظف الإنجكشن مش هو السبب في ان اخر بوجيهات كانت أحسنهم جودة.(برضو من 40 إلى 60) .. وده مش تقليل من فايدته.
وده عشان إنه إتحط في أخر 500 كم فقط ، يعني البوجيهات إشتغلت بدونه 19,500 كم.
يمكن السبب في ده بيرجع إلى تغيير الضفيرة (اللي تم تغييرها على 40,000 كم)
وبالتالى كهربا (سليمة وكافية)من الضفيرة بتروح للبوجيهات فتحصل شرارة كافية (تأين للهوا بين طرفي البوجيه) الهوا اللي شكله كان نضيف في الفترة دي .. فبالتالي يحصل إحتراق تام للخليط afr مع عدم تراكم رواسب كربونية.
- ويمكن أسوأ بوجيهات كانت أول 20 ألف : عشان الموتور كان لسه في التليين.
.والله أعلم.
وبصراحة موضوع (مقارنة صور البوجيهات والفلتر) جامد جدا.. بارك الله فيك.
:tumb::tumb::tumb:
الله يبارك فيك يا ريس وعقبال كل صيانة جماعة كده باذن اللهاقتباس:
المشاركة الأصلية كتبت بواسطة zeznia
وانا كمان عندى نظرتك دى وبجد سبحان من جمعنا كلنا اعضاء قسم نيسان تحس اننا شبه بعض كده !!!
ومستنى اشوفها اكتر منك لأن شكلها بصراحة قطع قلبى ربنا يكون فى عونها منك :oho:وبالنسبة للتنظيم 100-100 :verygood:
اما رأيى فى اتوايجيبت منقوص وغير مكتمل تماما زى عدم اكتمال الانشاءات والتجهيزات وغالبا ما باحبش احكم ع الحاجة فى اولها يعنى ممكن الصيانة التانية او الثالثة بس فى نفس الوقت لما تقرأ النقط اللى سردتها تلاقى انى باقول الحق دون زيادة او نقصان ووجهة نظرى كعميل ليا حق وبس
تسلم يا وليد باشا وانتظر منى كده استفسار عن عفشجى محترم عشان باذن الله ناوى اغير جلب المقصات دى فى اقرب وقت بس اشم نفسى شوية والشهر ده واقف عليا بخسارةاقتباس:
المشاركة الأصلية كتبت بواسطة walidadel
اما موضوع البوجيهات .. الكتاب بيقول انها بتتغير كل 20 الف كم وثمنهم 68ج كأنى حرقت صفيحتين بنزين يعنى ولا حاجة ومش هاتوفر حاجة وعن نفسى فى المستعمل كنت باشوف الميكانيكية بيحرقوهم وينضفوهم ببنزين من الكربون ويركبوهم تانى !!!
واعجابك بصور المقارنات انا نفسى اندهشت اكتر منك وقولت لازم اضمهم لموضوعى عشان نقدر نحكم صح لأن عوامل التشغيل واحدة وثابتة وعندنا 3 صيانات متغيرة فالحكم هايكون ادق
اقتباس:
المشاركة الأصلية كتبت بواسطة ahmedhawas
اقتباس:
المشاركة الأصلية كتبت بواسطة ahmedhawas
الله يبارك فيك كلك ذوق
بالنسبة لفلتر الهواء كل اللى حصل ان الrpm كان واطى فى آخر 5000 كم وشكيت انه يكون منه وبالتالى نضفته 3 مرات مع غسيل العربية واخر مرة كانت من حوالى اسبوعين قبل مقابلتنا فى نص الشهر عشان كده يبان انضف من التانيين اللى كنت باسيبهم ومعتقد ان المغسلة بتنضفهم واتضحلى انه لأ يعنى كانوا بيتنضفوا فقط فى صيانة ال10 الاف كم والتانية يتغيروا وعامة ظروف تشغيل العربية وعوامل البيئة المحيطة واسلوبى ثابت فى كل الاوقات
اما موضوع البوجيهات فاسمحلى اختلف مع حضرتك لأن مفيش اى متغير بين ال3 صيانات غير اضافتى للمنظف واقتراب مستوى اول صيانتين من بعض ال20و40 واستبعد موضوع الضفيرة لأن تأثيرها مش مباشر على كربنة البوجيه اللى بيكون السبب فيه حرق البنزين فوق البستم ومن ثم لما حطيت المنظف نظف الصبابات وبالتالى الجزء المعرض للاحتراق مع الوقود المعبأ بالمنظف وهو ما يتضح بالصورة ونضف الكربون وعشان كده تحديدا انا اصريت على وضع المنظف قبل الصيانة وتغيير الزيت .. والله اعلم لو حد عنده تفسير علمى بادلة وبراهين ياريت يفيدنا
تقرير روعه والف شكر على الصور و الف مبروك عقبال صيانه 600000
الف مبروك يادكتور و ربنا يباركلك فيها وعقبال ال 100 الف
كلمة قولتهالك هناك وأكررها تاني .. "يا بخت اللي هايشتري العربية دي منك"
وسؤال سألتهولك هناك وأكرره تاني .. "إنت متأكد إنك صيدلي .. بس؟؟؟"
اقتباس:
المشاركة الأصلية كتبت بواسطة amr2004ibm
الله يبارك فيكم يا عمرو وأحمد وعقبالكم باذن اللهاقتباس:
المشاركة الأصلية كتبت بواسطة Powert
:36_2_33: ماشى يا ايهاب امسك الخشب بس واقرا المعوذتين عشان ربك يسترهااقتباس:
المشاركة الأصلية كتبت بواسطة ehabvet
بالنسبة للبيع ما افتكرش انى هاقرر ابيعها بسهولة باذن الله لأنه مع الوقت بيبقى فيه عشرة بينى وبينها ولو فرضا جدلا بيعت هايكون لحد معرفة وقريب منى مش غريب وتجار وسوق وخلافه
اما موضوع الصيدلى ده اللى مكتوب فى البطاقة لأنى واخد بكالوريوس صيدلة ولكن الاساس انا شغوف ومحب للعربيات من قديم الازل ومثال صغير على كده انى محتفظ بأعداد ملحق السيارات الاهرام من اول عدد فى 1997 وحتى يومنا هذا وتحديدا عدد الجمعة اللى فاتت واكتر من 720 عدد على مدار 14 سنة وعدد لا بأس من ملحق اخبار اليوم وكنت باقرا كل سطر فيه وعندك اعداد كتير لمجلات سبور اوتو وعالم السيارات واتوموبيل وتوب جير وتوب كار وغيرها ده غير برامج التليفزيون على كل القنوات عربى واجنبى وسباقات الفورميلا-1 و الراليات wrc حتى عام 2006 تحديدا قبل دخولى الجيش
وزيد من الشعر بيت .. كنت باشتغل صحفى من منازلهم فى ملحق بورصة السيارات لجريدة صوت الامة فى الفترة من 2003-2005 ومختص بتغطية احداث جولات الفورميلا 1 والراليات واول مرتب اخدته كان 150ج من الصحافة قبل ما اشتغل صيدلى
وعلاوة على ده كله احساسى بالعربيات عالى سواء كنت سايق او راكب وليا نظرة الحمد لله :nemoflow:
بصراحه تقريرعالي عالي عالي وكل حاجه بالمستندات قصدي الصور وقبل وبعد شغل محترفين يعني مش اي كلام بصراحه عجباني متابعتك للعبيه وحالة قطع الغيا وخصوصا تقريرك عن اللي بيحصل في الصيانات جامد اوووووووووووي
شكرا يا محمد .. كله مكتوب ههههههههههاقتباس:
المشاركة الأصلية كتبت بواسطة togo