تقرير رائع
والاروع بصراحه موضوع منظف الانجيكشن ده
يا تري هو المفروض يستخدم كل قد ايه عشان ما ياثرش على حاجه في العربيه عشان انا عامل 26 الف لحد دلوقتي فهل ممكن استخدمه ولا استنى شويه عشان احس بفرق
تقرير رائع
والاروع بصراحه موضوع منظف الانجيكشن ده
يا تري هو المفروض يستخدم كل قد ايه عشان ما ياثرش على حاجه في العربيه عشان انا عامل 26 الف لحد دلوقتي فهل ممكن استخدمه ولا استنى شويه عشان احس بفرق
تقرير فعلا استثنائي
فعلا غير اعتيادي
الله ينور عليك و عقبال صيانه المليوووووووووووووووووووو ووون
مبروك يا دوك و عقبال صيانة ال 100000 ان شاء الله
تقرير اكثر من رائع ومنظم يا يوسف بصراحة
وده افضل تقرير صيانة اتعمل .. منظم جدااا ومفصل بطريقة سهلة
مستنين منك مزيد من التقرير
وبخصوص اى حاجة ناقصة فى الموضوع .. ابعتلى الناقص وحبعت للادارة تحط الناقص وتنسقه
والحمد لله ان الصيانة تمت على خير .. والعربية فل وتمام
وربنا يباركلك فيها
ومرة تانية بسجل اعجابى الشديد بسردك للاحداث وبالعرض المنسق للموضوع ..
واعتقد موضوع تغير الضفيرة بردوا يا يوسف ليه تاثير على حالة البوجيهات .. والله اعلم
اصل بستبعد موضوع المنظف
على العموم خاليك متابع ونجرب ونشوف ايه الاخبار .. ونشوف الدنيا فيها ايه
الف مبرك وعقبال صيانة المليون مع نيسان
والنعمة انتا برنس :verygood: وراجل محترم ومعرفتك زى العسل .. وتقريرك فيه فن وحرفة وبذل وقت ومجهود عالى .. سؤالى بقى انتا عملت كده ازاى ؟!!؟:cool (1):
الله ينور عليك
تقرير مفصل مميز يستحق التحية
و الله لحد دلوقت مكتبتش تقريري عن ال80000 و إن كان مستحيل يطلع بروعة التقرير بتاعك
مش مسألة فلوس والله يادكتور مسأله ان البوجيهات بتعمل اكتر من كده بكتير و الاداء هو هو عن تجربه كمان مش بتكلم من فراغ ده غير ان اول مره اعمل صيانه في مودرن الهايكستب و سألته علي امتي كان قالي بيتغيروا كل 40 الف وانا من ساعتها ماشي علي كده كل 40 - 45 الف بغيرهم لما ازهق منهم او احسن ان ادائ العربيه في السحت ابتدي يقل شويه كتجميع مثلا علي سرعات عاليه 120 - 180 مش مثلا بستني لحد مالبوجيه بيقطع مني و كده .... ده كل الموضوع
الدليل علي كلامي صورة اخر بوجيه اللي طلع في صيانة الستين شوف شكله الشمعه عامل ازاي و عايز تتأكد اكتر شوفه بالفيلر اللي عند الميكانيكي شوف مقاس اللي بين الشمعه و الجزء المعدني اسفل الشمعه و قارنهم ببوجيه جديد هتلاقي فرق طفيف
البوجيه في العموم بيقطع نتيجة تأكل الشمعه دي و بعدها عن طرف المعدني اسفل البويجه بمسافه لا تزيد عن الطبيعي من 6 مم الي 8 مم
شكرا بسام .. عن نفسى دى اول مرة استعمل فيها منظف انجكشن من اول الزيرو وناوى اكررها باذن الله كل 40 الف كم
ومكتوب على العبوة ان تأثيرها يكفى ل2000 كم و70 لتر بنزين
ربنا يخليك يا زيزو .. هو ده حاجة جنب تقاريرك وصورك بتاعت التعديلات tunning
الله يبارك فيك يا ابو حميد واوعى تزعل من كلامى طبعا ده هزار
الله يبارك فيك يا ريس ومشاركتك وتعليقك ده وسام على صدرى وشهادة اعتز بيها لأنه انت الوحيد يا ابو حميد اللى عارف الوقت والجهد والتفكير المبذول عشان موضوع زى ده يطلع للنور بعد يوم واحد من الصيانة
والموضوع كده بقى تمام ومزبوط .. شكرا يا جميل
بالنسبة لموضوع ضفيرة ولا منظف الانجكشن .. انا مش متوقع تأثير الضفيرة هايكون بالشكل ده والدليل بوجيه ال20 الف كم قبل مشاكل الضفيرة بوقت 6 شهور بحالهم لأنى مغيرها مع صيانة ال40 واى بوجيه فى الدنيا فى اخره وقت له بيكون اسود هبابة حتى لو الموتور زيرو أوعامل عمرة انما المنظر ده بصراحة مالوش الا تفسير واحد هو المنظف
وعالعموم احنا مع بعض ومتابعين ونشوف رأى خبراء الصيانات والعربيات فى توكيلات نيسان كلها
ربنا يخليك يا سموح وانت كمان والله
وبالنسبة لسؤالك .. والله العظيم بدون مبالغة انا مش عارف طلع كده ازاى وانا باكتبه ما كنتش اتخيل منظره ده بجد
تسلم يا حُس .. ورغم اى شىء برضه مستنيين تقريرك لل80 الف على احر من الجمر
حراااااااااااااااام عليك يا مفترى انت طلعت منهم !!! :banzai:
اللى بيمشوا بالعربية لحد اما تقطع بوجيه وتتلت
وكمان لحد اما السير يصفر او ينسر ويتقطع
وكمان لحد اما الكاوتش يتنحل والسلك يبان والنقشة تختفى
وموضوع الفيلر ده هايطلع طبعا بدون تغيير ومقاس بوجيهات الصنى 5 مللى
ومن رأيى ان الكربون المترسب على البوجيه وناجم عن الحرق بيؤثر سلبا على كفاءته بعد كده
واخيرا انا مش مقتنع بكلام مودرن المتناقض جدااااااا وبصراحة ردودهم على اى تساؤل باختلاف الواقعة مش مقنعة بالنسبة لى
بعد صيانة ال40 وتغيير السيور روحت حملة فحص مجانى فى فرع شبين وقالى غيرتهم ليه ده احنا بنغيرهم عند 60 ولا 80
وبعدها بشهرين صاحبى فى الشركة راحلهم فى ال40 غيروهاله وقالوله ده احسن عشان سيور الصنى بتبوظ بسرعة !!!!!!!!!!!!!!!!!!
مع احترامى كلام مودرن بالنسبة لى متناقض :nemoflow:
ما شاء الله يا يوسف تقرير ولا أروع من كدا والف مبروك على الصيانة وعقبال صيانة المليون وانت واسرتك بصحة وعافية يا رب وربنا يبارك لك في سيارتك ويرزقك خيرها ويكفيك شرها
كان عندي تعليق على نقطتين:
1- حضرتك بتقول مفيش تصريح خروج وانهم اكتفوا بالفاتورة والختم - بس انا بصراحة اخذت تصريح خروج والامن على البوابة اخذه مني وانا خارج !!
2- حضرتك بتقول ان العربية متغسلتش من جوة وبره بس غسلوا الماتور بالفوم - بس عندي اتغسلت من جوة وبره بس مغسلوش الماتور احتمال لأني كنت غاسله قريب
عموما الف الف مبروك على الصيانة وعلى التقرير الاكثر من رائع
بص يامعلم
انا بعد ماقريت الموضوع بتاعك نزلت بصيت عالبوجهات اللي طلعت في الصيانه
والمفاجاه اني لقتها بالظبط زي اللي في الصوره عندك
حاجه غريبه
ملحوظه :انا كنت حاطيت منظف الانجكشن موبيل علي حوالي 50000 كلم