تقييم على ادى لاسبرانزا a516

**sahtot** · 26-05-2008 08:25 AM

ازييكم يا جماعة انا اخيرا وبعد وقت طويل اشترين الاسبرانزا بلونها الزهبى او زى ما مكتوب فى الرخصة بيج انا هعمل تقييم عنها بعد ما عملت بيها 630 كيلو فى اسبوع تقريبا وهرد على كل الى خوفونى منها واقولهم معلشى انتم *********لان اولا الصاخ كويس احسن من الانسر ومن معضم العربيات الجديدة الصالون فخم وواسع اوى اوى ودا كان يهمنى اوى فى العربية الى هجيبها لانى 188 سنتى والعيلة كلها كدا واحنا قعدنا فيها 5 افراد وانا مرجع الكرسى على الاخر مرتاحين ورا وقدام الشنطة واسعة جدا وبتشيل طبعا شكلها الخارجى تحفة فيها حامل اكواب ورا وقدام فيها فرامل اى بى اس تكييف تلاجة كاسيت كلاريون جامد جدا واربع سماعات تقفيل جيد جدا المرايات كهرباء سنتر لوك تحمن فى كل الابواب من باب السائق وفى فى كل باب زرار بينزل الازرز ويطلعة ورة وقدام فتح الشنطة بالريموت قفل العربية وفتحها بالريموت بردة نخش على الاداء والعزل اولا الثبات ودا الى داخل مخصوص علشانة انا جيت بالعربية دى 170 والله وكانت شايلة اربع افراد وكنت سايق بأيد واحدة ولا اكنى ماشى اصلا بس كنت قافل اللازاز اول لما فتحتة حسيت انى طاير والهوا كان يبيطيرنا بس اول لما تقفلة مش بتسمع ولا بتحس بأى حاجة خالص ودا كمان معناة ان العزل جاااامد جدا والثبات تحفة تحفة تحفة تقفيل الكبوت جمييل اوى وشكلة نضيف جدا التابلوة زى السكر وفية عداد ار بى ام والبنزين والساعة ديجيتال والسرعة كم والحرارة بتاعت العربية بتتحكم فى نور العربية وبتوجهة زى منتا عاوز ترفعة تنزلة براحتك وبردة اضاءة التابلوة خافتة قوية براحتك بردة السحب جميل جدا انا مكنتش متوقع منها كدا بس الحمد للة طلع زى الفل وجميل اوى اوى وكان فى موضوع قريتة قبل ما اجيبها ان واحد كان راكب اسبرانزا ولاقة بنات فيات باين او لادا سحب جمبة وسبقة وبيبصلة ويضحك دا غلط ومش صح ومش بيحصل موتور قوى وتسمع صوتة عند التسارع جبار فعلا عفشة مفيهاش غلطة واحلى حاجة انها عالية ومش بتحك فى المطبات مهما حملت ومش بتحس ولا بمطب ولا بأى حاجة ناعمة فى المطبات مش خشنة الباور بتاعها عادى زى باور النوبيرا كدا الفرامل بجد تحفة وبتدى تحكم وسيطرة على العربية جامد جدا بجد بيخنقنى منها انها كل حاجة بتزمر يعنى مش رابط الحزام تزمر وبعدين تسكت فى حب بابة مفتوح بتلاقى العربية طلعت على الشاشة وورتك الباب الى مفتوح وتزمر لحد لما يتقفل اول لما تخش وتفتح الباب تزمر العربية حجمها كبير يعنى اكبر من الانسر واكبر من الكرولا بس مش كتير تقريبا فيها قفل الطفل طبعا كلها نازلة مانيوال فيها تحت التكييف مربع كدا بتتكة علية بتلاقى فتحلك الطفاية وولاعة السجاير وورا كمان فى طفاية وولاعة سجاير وفى كمان مخرج لهواء التكيف ورا زى قدام بالظبط 1600 سى سى فيها عداد الرحلات علشان لو عاوز تحسب انت مشيت كام كيلو فى مشوار معين مثلا بتحسبلك انت مشيت كام كيلو ديجيتال مع الساعة بتفتح غطاء البنزين من زرار جمب الكرسى بتاع السائق بتبفتح الشنطة من المفتاح زى محنا قولنا ومن العربية من جوا كمان ممكن تقفل كل الابواب او تفتح كل الابواب من باب السائق زى منتا عاوز قعدة العربية مريحة ومش بتبق عاوز تنزل منها العربية بصراحة زى الفل ولسا مش عارف اطلع فيها عيب انا هروح الاسبوع الجاى ابو رواش اعمل صيانة ال1000 كيلو وهبق اقلكم عملوا اية معايا واى استفسار او سؤال انا مغطيتهوش عن العربية انا موجود يا جماعة....وبجد العربية دى انا كنت خايف اجيبها فى الاول بس اتأكدت ان الى يمشى ورا كلام الناس هتفوتوا فرص كتير اوى وتضيع علية العربية سعرها دا قليل اوى بجد عليها وانا فرحان بيها اوى طولت عليكم بس كنت عاوز اغطى كل جوانب العربية يلا اسيبكم انا بقا مع الموضوع وانزل اتمشى بيها شوية لانها وحشتنى سلام يا جماعة ....

الأخ العضو: يمكنك ان تقول رأيك كما تشاء لكن دون توجيه اهانات لأعضاء المنتدى ممن يخالفونك فى الرأى
تنبيه مشدد من الإدارة بعدم تكرار توجيه تعبيرات مهينة للآخرين

الإدارة 4

**eng_mkhalaf** · 26-05-2008 08:30 AM

مشكور وربنا يديك خيرها ويكفيك شرها

**Islam_galal** · 26-05-2008 08:58 AM

ربنا يباركلك فيه و يكفيك شرها
بس انت تقريبا بتشرح مميزات الكتالوج اللي كل الناس عارفينها
منتظرين تقييمك بعد شوية - 630كم إيه يا راجل دي برضه عربية زيرو

ممكن في تقييمك توضح خبرات حضرتك في قيادة سيارات أخري أو سياراتك السابقه لأن ده بيعطي تقييم أمين للعربية و لأان كل واحد منا بيحكم علي الأمور بناءا علي خبرته السابقه

نصيحة بلاش تزيد عن 100كم/س في أول 1000 كم (فترة التليين)

**Qamar** · 26-05-2008 09:12 AM

بسم الله ما شاء الله. ربنا يحميها و يحفظها لك.
ممكن بقى تكمل جميلك و تقول ليه الواحد يشتريها و ما يشتريش لانوس او فيرنا؟ (مش كماليات لكن أداء- تحمل - صيانة - قطع غيار.........)
ألف شكر و ألف مبروك

**Karim_Monir** · 26-05-2008 10:01 AM

انا حسيت انه نقل الكتالوج او كتب من اخبار السيارت
يار يت تفضل على رايك لغاية 6000 كم
ويار يت تقولنا انت كنت راكب ايه قبلها

**amr_elrashidy** · 26-05-2008 03:10 PM

ربنا يباركلك فيها...و اتمنى تدينا تقييمك بعد الصيانة و كل 5000الاف كم

**sahtot** · 27-05-2008 05:50 AM

يا جماعة ان لامم كل حاجة فى العربية الكتالوج مش شارح الثبات ولا الاداء ولا اى حاجة فى اى حاجة انا اتكلمت عن كماليات وبعديها اداء الى عارف يعرف اكتر والى مش عارف يعرف كل حاجة انا عاملة للى مش عارف ومش عندة العربية وانا سقت عربيات كتير اوى اوى زى البى ام دابليو 318اى وسقت كرولا العربية دى زيها بالظبط انا بتكلم عن الكرولا الشكل القديم ال1600 سى سى وسوقت الانوس ونوبيرا فيرنا لانسر بكل انواعها وتريوس وعلى فكرة انا بقالى 10 سنين بسوق عربيات والحمد العربية مش لاقثى فيها عيب وشايفها اختيار موفق جدا وانا ممكن اكون مشرحتش حاجات كتير بس قولت الى عاوز حاجة يسأل وانا هجاوبة..... qamar بص يا باشا الواحد يشتريها وميشتريش لانوس او فيرنا للاتى اوى العربية دى اوسع منهم هما الاتنين كمان سحبها اجمد منهم مليون مرة اشيك صاجها محمل عنهم اتقل فيها امكانيات مش فيهم زى ال abs عالية عن الارض اكتر منهم بجد عزلها مش زييهم خالص ممتاز وتقفيلها جميل قطع الغيار لسا مجربتهاش الصيانة هروح لسا هعمل صيانة الالف كيلو كمان كام يوم وهقولك بس بيتهيألى بعد الى قولتة دا يبق تكسب على فكرة انا سحبت جمب لانوس والحمد للة والله اختفت من الطريق ورايا مشوفتهاش اساسا الى كانوا راكبين معايا مكانوش مصدقين نفسهم وانا مش بقولك كلام وخلاص انا واحد معاة العربية وجربتها وجريت بيها بس طبعا مرتين بس الى شديت فيها لحد 160 ومش راضى ازود لحد لما اعمل صيانة ال1000 كيلو ان شاء الله اة وكمان نسيت اقولك الانوس والفيرنا ثباتهم وحش مش حلو وانا مجربهم الاسبرانزا سباتها عالى اوى اقفل الازاز واجرى على 160 مش هتحس انك ماشى اصلا .......اى خدمة سلام