ناس مبتعرفش تبيع ؟؟؟

**moh.aboelkheir** · 21-02-2012 11:17 PM

انا سبت المذاكره و قعدت اقراء الموضوع كله .. ماشاء الله بجد بيناقش كل حاجه و كلام الاعضاء هنا قمه في كل شيء و مناقشه و اختلاف في الرأي محترم جدا بجد .. و معلومات كتير اتعلمتها ... و حوار البيع و الشراء ده ... انا هوايا عندي التجاره .. فبجيب حجات و ابيعها .... لدرجه اني لو جبت سيلف او الكتريك بجربوا على نفسي الاول قبل مابيعوا علشان اضمن انه بكفائه و اني مش بضحك على المشتري .. لان بجد تغور الفلوس امام مشتري يدعي عليا بعد مايشتري و يتخم .. انا حتى باديهم نمرتي و بقولهم لو في اي حاجه كلموني ارجع فلوسكو و ده خلاني اخسر فلوس

**i_Am_Legend** · 28-02-2012 08:38 PM

الحمد لله....انا اشتريت عربيتي اللادا سمارا بالصدفة....من واحد شغال في حمدي لادا نفسوا....وقرفني لحد مارضي يديهاني ...بس بصراحة العربية تستاهل....والحمد لله...

**mohamedkordy** · 02-03-2012 02:46 AM

مى-ميدو. كلامك كلو حلو ماعدا تخبيطك فى الالملنى المانى مستعمل ولا خرطه حتا لايقارن باى يابانى يا مى ميدو

**me_medoo** · 12-03-2012 12:18 PM

المشاركة الأصلية كتبت بواسطة mohamedkordy

مى-ميدو. كلامك كلو حلو ماعدا تخبيطك فى الالملنى المانى مستعمل ولا خرطه حتا لايقارن باى يابانى يا مى ميدو

ههههههههههه حبيب قلبي ... أولاً بشكر الجميع على أعجابكم بالموضوع وربنا يخليكم ليا يارب ...

ياباشا الالماني حلو وكل حاجة بس عيبوو ان في بلدنا مبيفهموش فيه المكانيكية والصينايعية الي احنا متعودين انهم يتعلمو على عربيتنا ... ده غير أن الالماني فيه تكنولوجيا عالية تفوق عقل الصنايعي المصري الي بيحب يعك . ودي كانت وجهت نظري .... وتحياتي ليكم كلكم ياشباب .

**me_medoo** · 25-03-2012 05:40 AM

هو مينفعش الموضوع يتثبت علشان الي عاوز يشتري يستفيد من تجربتي ... ولمن يشوف بلاوي السوق ميحسش ان هو لوحدوو وان ده حال البلد .

**rompo10** · 26-03-2012 02:58 AM

انا كنت شاري عربيه من معرض رحت اتفرج قالي اول حاجه لو العربيع عجبتك هاجبلك صاحب العربيه وانا ماليش دعوه بالفرجه انت براحتك عشان ماتجيش بعد كده تقولي انت ضحكت عليا اتفرج براحتك وانا باخد 300 جنيه حتي جيت اساله علي حاجه قالي ماليش دعوه العربيه عندك وهاجبلك صاحب العربيه وبجد العربيه كانت تحفه وبعت للتاجر دا كذا واحد تبعي عشان يشتروا من عنده والسعر قالي اتكام مع صاحب العربيه انا ماليش دعوه

**moh19227** · 10-04-2012 06:15 AM

ههههههههههههههههههههههههه هه
موضوع في الجون يا ميدو

واتضح في النهاية أن واحد حاطط نمرة مرات واحد على اعلان عربية مغرية علشان الناس تدايقو بأتصالاتهم ...

ايه الفكر الابليسي ده

**me_medoo** · 10-04-2012 07:11 AM

المشاركة الأصلية كتبت بواسطة moh19227

ههههههههههههههههههههههههه هه
موضوع في الجون يا ميدو

ايه الفكر الابليسي ده

هههههههه حبيب قلبي احنا عندنا عباقرة في الازى هههههههه

**memofree** · 02-05-2012 10:00 PM

كتر الف خير على الموضوع الجميل ده . بس من الواضح انا المصرى فهلوى فى كل حاجه بس ده ما يمنعش ان فى ناس بتكون صادقه فى البيع و بيئول كل حاجه عن العربية بس احنا عندنا مشكله كبيره و اللهى فعلا محدش بيعمل بمقوله الرسول (عليه افضل الصلاة و السلام) ( من غشنا فاليس منا) و اللهى الحاجه اللى بتتأخد فهلوه دى ما بتدوم المشكله اننا مسلميين و اسلامنا حرم حاجه زى دى

الموضوع بأ كان فى اخ فاضل فى النيل موتور عرض عنوان موقع اجنبى جميل لبيع السيارات المستعمله . دخلته و اللهى و اللهى مئلكوش على منتهى الامانه اللى فى الغرب اللى هما موش مسلميين . الواحد عارض سياره اولا بيحط ما يئلش عن 40 صوره للعربيه بدون مبالغه مصور كل حاجه بيخليك لما تروح هتشترى متسئلوش على اى حاجه كله باين فى الصوره . و كمان من ضمن الصور اللى لفتت نظرى مصور العربية من تحت حاجه فى منتهى الاستفزاز ههههههههههه
و لائيت واحد عندوا كسر فى شفة الفانوس الخلفى لسياره bmw و اللهى مصور الحته دى بس بالفانوس و الفرش لو فيه قطع مصوره . الناس دى عندها اصلا قيمه للوقت عايز يوفر وقته فى البيع عشان اللى ييجى ما يئلبش فى حاجه الصور عندك فيها كل حاجه حاجه يعنى تحنق بصراحه

الموضوع: ناس مبتعرفش تبيع ؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

فيديو للناس ال بتقول البنات مبتعرفش تركن :)

كيف تبيع سيارتك

اسرة تبيع شقة بمدينة نصر

قبل ما تبيع عربيتك

كيف تبيع سيارتك?!

الكلمات الدلالية لهذا الموضوع

المفضلات

المفضلات

ضوابط المشاركة