الموضوع: ناس مبتعرفش تبيع ؟؟؟

المشاركة الأصلية كتبت بواسطة me_medoo

هههههههههههههه الله يبارك فيكم يا شباب ... بس هو التجارة حلال وكل حاجه بس لمن اكون رايح اشوف عربية ويجي واحد يسبقني ويشتريها بس 71.5 علشان يجي يقولي ب 77 وافاصل معاه واوصلها ل 74 دي تبقى تجارة يعني فرق الفلوس ده انا مش أولى فيه انا وعيالي وتقولولي تجارة .... يابيه التجارة هي توفير سلعة وخدمه للمواطنين وبيبعها لمصلحة الناس أنو كتر خيرها راح وفرلي التاجر سلعه مش أخطف من هنا سلعة واحد كان هيشتريها علشان تاني يوم أبيعهالو بسعر أعلى وأكسب هههههههههههههههههه وأقول تجارة وله ايه رأيكم يا شباب التجار بيساهمو في رفع أسعار السيارات بدون مبرر

تمام بس هى دى التجاره يا باشا

وصاحب العربيه من الاول محدش ضربه على ايده عشان يبيع ب 71.5 الا لو هو مستعجل ومحتاج فلوس ومش عاوز وجع دماغ من اللى جايين يشترو لانه لما بيبيع لتاجر التاجر بيتغاضى عن حجات كتير ممكن متعجبش حد تانى يعنى مممكن العربيه تبقى عاوزه وش لمعه انت متعجبكش بس تعجب التاجر لانه كده كده حيكسب فيها فليه مياخودهاش ويلمعها وينضفها
وهكذا هى دى التجاره يا باشا
ومدام البيع بالرضا بين البايع والمشترى يبقى خلاص ربنا مبارك فيه

وهى المشكله هنا فعلا ان التجار مبيصدقو يلاقو عربيه نزل اعلانها ويجرو عليه بسرعه جداااا لان ده اكل عيشهم ومكسب فعقبال ما تروح انت تشوفها تكون اتباعت
والكلام ده حصل معايا كتييييير
والعربيات اللى سعرها عالى او فيها مشكله هى اللى تلاقيها موجوده ومتباعتش لان التاجر مش لاقى مكسب فيها

بس المشكله ان 99 % من التجار معندهمش امانه وهى دى المشكله الكبيره والواحد لازم يفتح عينه جدا وهو بيشترى منهم
وفى الاخر العربيات نصيب اسألنى انا
انا سافرت القاهره مرتين عشان اجيب عربيه وفى الاخر العربيه اللى عجبتنى واشتريتها كانت من هنا فى اسكندريه

ياشباب ، في لبس في الموضوع مش عارف عندي ولا عندكم هههههههه ، حبيب قلبي صاحب السياره هو البائع يعني بيبيع يعني تاجر والي عاوز عربية هو مشتري الناس بأه الي مورهاش شغله ولا عمله ولا لي في الطور ولا في الطحين داخلين في النص ليه ... وياترى المكسب الي هو كسبو دهو حلال ولا حرام ، هل ممكن أنا أككل عيالي ومراتي فلوس انا معتبتش فيها ... ومكسب على حساب خسارة غيري ... هل ده منطقي ... واحد هيبيع والتاني هيشتري يجي واحد بأه من بره الليلة ويخش في النص ليييييييييييييييييييه ؟ علشان تكسب ، طيب أنتا بتكسب أيه ، أنتا عامل بالضبط زي واحد حرامي دخل ايدو في جيبي وطلع باكو ولا تلاته باكو وحطهم في جيبوو بس طبعاً بصورة شرعية ، أي أن التجارة حلال وكل شيء، بس الطريقة ذات نفسها معتقدش انو يرضى عنها شرع أو دين ...

وانا بعتبرها تماماً زي الكثير من الحجات المحللة بس الناس بتستغلها ااستغلال غريب ويقف العلماء محتارين هل هيا حرام ولا حلال .
تماما زي الي عجبتو أمرأة فيتجوزها ليلة ولا ليلتين وبعدين يطلقها ... ويقولك ماهو الجواز حلالالالالالالالالالال .

اهو الراجل الي بيدعي انو تاجر دهو كل الي عملو نزل دفع فلوس في عربية هو مش محتاجها واشتراها ليلة او ليلتين وبعدين طلقها او بعها ... وخد فلوس زياده فوق فلوسوها ... وعايش حياتو كده ... بالطول وبالعرض ... يبأه انا وانتم بنصحى من نجمه ونروح نشقى ونتعب ونكد وناكول من عرق جبينا ... وهذا الانسان قاعد على النيت يشتري عربية ويخسف بتمنها الارض وتاني يوم ينزل اعلان على نفس الموقع ويعلي في تمنها سابع سما ... وتقلي أصو أداها وش بولش ههههههههههههه ده العلبة ب 3 جنيه وكيس قطن قول ب 2 جنيه . وقول ياسيدي أداها وش بوليش ب 100 جنية يقوم يكسب فيها 5000 جنيه ...

طيب ياسيدي انا واحد من الناس الحمدالله ربنا قدرني وأقدر أشتريها وأشتري أبوها ... بس غيري يمكن ممعهوش ، وغيري كتيرررر ،ويمكن معاه بس ساليفهم ... وتعرف يعني ايه سلف ، يعني أذا هو بياخود دخل ليه ولأسرتو 1500 جنيه في الشهر معناها هيعيش أسرتو في حدود 500 جنيه وال 1000 جنيه دي علشان يسد سلفياتو ... ده أذا مسبش بيتو ونزل يشتغل شغل أضافي ويطلع ميتين أهلو في الشغل وكل ده ليه علشان واحد قاعد فاضي عملي نفسو تاجر ... ده يروح يشتغل ويتعب والتاني يصيف في مرينا على قفاااه ...هههههههههههههه

طبعاً ما أحترامي لجميع التجار في تجار بجد وليهم سماسرة وينخرموو على العربيات وتلاقي عندهم معارض واتصالتهم وبياخدو العربية بينضفوها بجد وبيعرضوها كويس ... وهو ده بأه لب الموضوع بتاعي ناس مبتعرفش تبيع ، لأن المفروض الناس تعرض سلعتها كويس وتنضفها وتعمل أعلان صادق وصريح بكل مميزات العربية على الاقل مش التهريج الي بنشوفوا ويا حبذا لو حط صورة للعربية ، مش يحطلك صورة للعربية في أيام شبابها والحقيقة غير كده خالص كأن الزبون حيندحك عليه ويقول لا والله ده العربية دي كانت زمان زيرووو وحلوة هههههههههه فليه في ناس بتزهد في حجاتهم وبيبهدلوها وبيبوعوها لأعلى سعر وليه ناس عملين زي الوطاويط مصاصين عرق الغلابة بيتاجرو بقووووووووووت الناس ونقول تجارة هو الاستغلال بقى تجارة وشطارة كمان ... مع أحترامي لجميع التجار بس في ناس محسوبين عليكم غلط وبيعبوو في العدادات كمان يعني مش بس بيمصو في دمهم لا وكمان يغشووهم ...

المشاركة الأصلية كتبت بواسطة me_medoo

ياشباب ، في لبس في الموضوع مش عارف عندي ولا عندكم هههههههه ، حبيب قلبي صاحب السياره هو البائع يعني بيبيع يعني تاجر والي عاوز عربية هو مشتري الناس بأه الي مورهاش شغله ولا عمله ولا لي في الطور ولا في الطحين داخلين في النص ليه ... وياترى المكسب الي هو كسبو دهو حلال ولا حرام ، هل ممكن أنا أككل عيالي ومراتي فلوس انا معتبتش فيها ... ومكسب على حساب خسارة غيري ... هل ده منطقي ... واحد هيبيع والتاني هيشتري يجي واحد بأه من بره الليلة ويخش في النص ليييييييييييييييييييه ؟ علشان تكسب ، طيب أنتا بتكسب أيه ، أنتا عامل بالضبط زي واحد حرامي دخل ايدو في جيبي وطلع باكو ولا تلاته باكو وحطهم في جيبوو بس طبعاً بصورة شرعية ، أي أن التجارة حلال وكل شيء، بس الطريقة ذات نفسها معتقدش انو يرضى عنها شرع أو دين .... [/color][/size]

طب على كده محلات الموبايل حرام
لان كده بقى اللى عاوز موبايل يروح يجيبه من التوكيل او لو عاوز كارت شحن هاته من الشركه ب 10 جنيه بدل متجيبه من محل تحت البيت ب 10.5

ولو عاوز ازازه زيت اروح اجيبها من المصنع وانا اجيبها من المحلات ليه وصاحب المحل يكسب 2 جنيه منى
وهكذا

على فكره مفيش لبس ولا حاجه خالص انا فاهم قصدك

بس تجار العربيات موجودين فى كل حته فى العالم وفى دول اروبيه كمان بس بشكل مختلف يعنى زى المعارض عندنا كده بيدور على النت ويشتريها ويعرضها عنده ويحط مكسبه بعد التجديد والمصاريف اللى صرفها على العربيه لو محتاجه مصاريف

والله اللى عاوز ميكسبش تاجر ميشتريش منه ويدور على عربيه بأسم صاحبها الااصلى وبدون اى توكيلات

وحضرتك اهو ملقتش طلبك والعربيه اللى عجبتك غير مع تاجر بعد ملفيت شهور ودفعت فيها اكتر من ال 2000 جنيه مواصلات وتاكسيات

وانا معاك ان الموضوع رزل وليه انا تعبان فى 2000 جنيه ياخودهم واحد يحطهم فى جيبه
بس هو ده حال الدنيا ولو مش عاوز تخليه ياخودهم زى مقولتلك دور على المالك الاصلى
انا كنت بعمل كده وانا بدور بتأكد ان الرخصه بأسم المالك ولو فيها توكيل يبقى على الاقل توكيل واحد وفات عليه مده طويله سنه او 10 شهور مثلا
ده كده ميبقاش تاجر

وحال البلد هو اللى زود التجار دول لان كل واحد معاه مبلغ وبيفهم فى العربيات بيعمل كده ويقولك اهو دخل اضافى لان الدنيا بقت مولعه
وعلى فكره الموضوع مش سهل الموضوع سعات كتيييييييير بيبقى فيه خساره وخساره كبيره كمان للتاجر مش بيكسب على طوووول لا بيخسر برضه بس هو نظام عربيه بتشيل عربيه يعنى خسر فى دى ممكن يكسب فى دى

وانا سعيد بالمناقشه مع حضرتك

الله يبارك فيك ...

وانا واللهي اسعد ... بس حضرتك بتقول انو حتى التاجر خسر وقتو ... طيب بالله عليك ، وقت ايه الي بتقول عليه ماهو قاعد لا شغله ولا عمله وقاعد ورى الكمبيوتر بيقشر يوستفندي على عنقود عنب على انو يتعب ويقشر موزايه كده وياكولها ، وأن كمان المدام تلحقتو بكباية الشاي ولا طبق رز بلبن ، وتقولو بتعمل ايه يا حبيبي ، يقلها أبعدي عني يوليه انا بشتغل ههههههههههههههههه . وتقول بتشتغل طيب تحب اعملك حاجه يقولها لأ بس اعملي لي فنجان قهوة .

فعلا ونعم الشغل والعمل ...

مثال الموبايل او قزازة الزيت انا معاك ... لكن تصور رايح تشتري انتا مثلاً قزازة زيت من عند البقال الي تحت بيتكم ... ولقيت أخر قزازة سليمة وكويسة وقام واحد قبل ما تمد أيدك عليها قام خطفها وأشتراها ومسكها في أيدو وقال لو عاوزها انا هبيعهالك الضعف ... أصل أنا تاجر ههههههههههه ياحبيبي يا حبيبي ... أومال البقال قاعد بيعمل ايه مااهو فاتح محل وكهربا وعماله وضاريب وبيفيد البلد وبيوفرلك خدماتك الاستهلاكية ... وكفايه انو عامل حس للمكان بس تجار السوق ... قاعدين بيعملو ايه بيعملو حس للسوق ...ههههههههههههه

مافي مره رحت السوق الا واسمع اتنين قاعدين بيسبوو ويلعنوو ويقولوا ينعل ابو كده السوق بقى كلو تجاررررررر . والمقصود بيه سماسرة ، بيساهمو في تخريب المجتمع ورفع أسعار السلع الاساسية ، ويقولك الله هو الدنيا مولعه ليه ، مولعه بسببك يا حبيبي ... بسبب الشباب الامامير الي قاعدين ما بيشتغلووش غير انهم يقلبو في دي وفي دي ... بس انا هقول لحضرتك مثلاً أن في فالسوق تجار بجد وبحق وحقيقي وعندهم معارض وجين يعرضو بضاعتهم للناس وده مش غلط ولا حرام ... وبالبعكس كان في بيجو 307 كنت هشتريها وقالي التاجر ان العربية باسم صحبها بس هو سيبهالنا علشان نبيعهالو والعربية مفهاش توكيلات ... وهوووو ده الكلام الصح وياخدوو هما بس عرقهم بما يرضي الله ، بس مش الكفرررررر الي بيعملوه يمكن انا ربنا بيحبني وعرقت التاجر ب 2500 جنيه ولا لأني وجهتو انو كدااااااااااب ...

وجبتلوو قصة حياتو كلها وكل العربيات الي بعها ... فالراجل اتخض بجد ووشو جاب الوان ... بس غيروو عاوزين يكسبو في البيعه الوحده 5000 جنيه ، أنتا فاهم يعني ايه 5000 جنيه يعني ممكن في الشهر يبيعلو عربيتين ب 15000 جنيه ... ويقولك رزق العيال ههههههههههههههههههههههههه هههههه طيب ما تدينا العيال دول نربيهم يمكن ربنا يرزقنا احنا كمان .

ده تجار الموبايل الي بيوقفو في شارع عبدالعزيز ويقعودو يطنططووو من صابحية ربنااا لحد الساعه وحده بالليل مبيكسبوش الكلام ده ، ده ولا مدير شركة بيكسب الكلام ده كلووو ...

وانتا بتكسبو منين من عرق الناس الكادحة الغلبانه الي بيجرو على بيوتهم وعيالهم ويشقو ويتعبو ... ولولا وضع البلد السيء الي احنا عارفينو كان زمنا عايشين ملوووووووووووووك احنا المصرين وكان حتى الي معاه 60.000 جنيه راكب عربية الينترا ولا كارينز ولا حتى لانسر شارك الجديدة بس الجمارك وقرف الجمارك .

وفوق مالناس طفحة الكوته ... كمان جي واحد بيقشر يوستفندي وبيضرب طبق الزبادي من ورى الكمبيوتر جي يكسب منوو هههههههههههههههههه ولا ايه رأيك يا باشا

لا انا مش قصدى بيخسر وقت

انا قصدى بيخسر فلوس يا باشا
مهو مش كل العربيات الللى بيشتريها سليمه مهو ممكن يشترى عربيه يطلع فيها مشكله فى حساس ولا فى فتيس مش بتظهر الا بعد كام يوم او تظهر معاه هو حظه بقى
وانت عارف فيه عربيات كورى الفتيس بتاعها ب 10 الاف واكتر على سبيل المثال
وفيه حساسات بتعدى ال 1000 جنيه
كل دى بتبقى خساره عليه ده غير ممكن عربيه تتخبط وهى واقفه فى الشارع ينزل من البيت يلاقيها مخبوطه
طب مهو كل دى خساره وده رأس ماله
ده غير ماشاء الله فيه عربيات قرفتها زفت وممكن تقعد معاه بالشهرين وال 3 شهور
مش زى محضرتك فاكر انه ممكن يبيع 3 عربيات فى الشهر والكلام ده مكنش حد غلب
كان كل البلد اشتغلت تجار عربيات بقا هههههههههههه

وموضوع انه يخطف ازازه الزيت ده موضوع نصيب مهو صاحب المحل هو اللى بعهاله وانت مش عاوز تشتريها منه سيبهاله يشربها مهو لو انا مشترتهاش منه وغيرى عمل كده وغيرى عمل كده هو حيشربها وحيطر يبيعها بأقل من سعرها عشان تتباع

انا مش بدافع عنهم انا بحاول اوضحلك الصوره لانى احتكيت بالتجار وعارف الليله ماشيه ازاى معاهم
وشوفت ناس عندها ضمير وناس زباله
يكفى ان مره واحد صديق لى كان حيلبسنى عربيه راشه دواخل وفيها شرخ فى الشاسيه وكان بيقوللى انها فابريكه جوه ولما كشفت عليها وشوفت العربيه عامله ازاى فضل ينزل فى السعر عشان اخودها بعد مكان بيتنطط عليا ومش عاوز ينزل فى السعر عشان كان فاكر انه عشان صديقى مش حكشف على العربيه

والله العربيات دى وجع دماغ ووجع قلب والبيع والشرا بتاعها كله مشاكل زى مقولتلك انا عشان اعرف ناس شغاله فى المجال ده وبشوف اللى بيحصل معاهم
يمكن عشان فيه منهم معندوش ضمير فربنا بيخلص زنب الناس مهو كما تدين تدان

ياسيدي انا معاك ، ان في ناس بتتعب وبتخسر ... بس مش هنشبهم بناس بتضارب في البورصة ، ونقول ماهما كمان بيضاربو في سوق السيارات ، لأن بتوع البورصة أقتصاد الوطن كلو معتمد عليهم وفي ضوابط وقانون بيحكمهم ... بس في السوق سبهلله بكل معنى الكلمة .

وغير كده التجار بينخربوو في اقتصاد الوطن ويغلو الشيء من لا شيء ، ويقولك ياباشا السوق كبيرر والارزاق على الله .
لذلك أنتا تلاحظ أن أقتصادنا أقتصاد رقيق وهش ، بمجرد ماحتت رئيس أتشال وأنخلع البلد أنهارت . وده نتيجة ايه أن الناس مكنتش بتشتغل بجد ومفيش اقتصاد حقيقي فيه عملية انتاج ، بل الناس كانت معتمدة على أن ده يقلب ده ، وده يطلع مصلحة على قفا ده هههههههههههه .

ده غير الموظفين الي مفيش انتاااج ... بس عوزين مرتبات ... وعملين زي الطفل الصغير الي قاعد بيرضع من ماما الحكومة ... طيب ماما الحكومة هتجيبلوك منين ... هتجيب من عيالها وابناء وطنها تلم منهم ضرايب وفلوس يعني الحكايه دايرة مغلقة بينا وبين بعضينا ، وانتاج قليل ان مكنش مفيش ... وبنعتمد على السياحة وقناة السويس والمغتربين وتصدير شوية فاكهة ... يافرحتي يا فرحتي ، القصد في الكلام ده ايه ، ان في وظائف كتيرررررر في البلد بتكسب بلاوي ، لكن غير شريفة لأنك بتكسب على قفا أخوك أبن بلدك وتمص دموو ، لغاية مدمو قرب ينشف ... والي يدحكك ايه بأه (كنت مره قاعد مع مدراء مصانع تصور الحوار كلو كان على ايه ، على العمالة ... وان مفيش عماله ههههههههههههههه تصور بلد التمنين مليون مواطن مش قادر يجيب عمال فراح واحد اتصرف منهم وراح يجيب عمال أفارقة والتاني راح يجيب عمال من جنوب شرق أسيا ) أده الكلالالالالالام ده عندنا في مصر أه عندنا هنا في مصر وناس كتير عمله كده لأن مش لاقي عمال ، واذا في كل واحد عاوز ياخود مرتب وزير حتى لو هيشتغل فراش ولا بواب ، ويبقى انا كصاحب عمل عاجز مقدرش ادفع مرتب أكتر من كده ، وهو كعامل ميقدرش ياخود مرتب زي كده لأنو مش هيأكلو عيش ... ومن هنا تبدء البطالة المقنعة ... ههههههههههه ياعم الحج دخلنا في السياسة والاقتصاد خلينا نرجع لموضوعنا القصد ، أن عاوز أبينلك أن في وظائف هيا عبارة عن سوس بينخور المجتمع وبيهد أقتصادوو وبالذات أنك تشتري سلعه مبالغ فيها وفي تمنها مما يسبب ليك عجز في ميزانية حياتك ...

وبعدين أزاي انا وانتا نبقى من دافعي الضرايب (حق الدولة علينا ) وهو بيبيع ويشتري ويكسب بالألوفات من غير مايدفع ولا قرش حتى للدولة .

والنقطة الاهم والاهم ، حتت انو بيغلي تمن العربية على الفاضي وممكن في النهاية تطلع العربية مقلب ويلبسها الزبون ، أو يلبس العربية للزبون ، وغير كده اي انسان بيعمل حسابو على تمن عربية وميزانية محددة ، التاجر هنا بيخرب لك كل حساباتك وبيخليك تطر تستلف علشان تكمل علشان تقدر تشتري العربية ويحسسك بفقرك وعجزك ، وبالتالي انتا هتحس بالظلم ، وساعتها هتبتدي تلعن وتسب في البلد ، وبالتالي شعورك بالانتماء هيقل ... وبالتالي بدل ما تشتغل وتنتج هتقول ينعل أبوها بلد لا خليني أهبش فيهاااا أشمعنى هما مبهدلني معاهم ... ومصمصو دمي ، الله الله الله كل ده أأأأأأأأأأأأه وأكتر كمان .

وكان مره قرءة قصة لصاحبي جليل ، أن في المدينة بتاعتو جف الماء ولم يتبقى غير بئر ماء واحد ... المهم جه وقال فيه ايه قالوا مفيش مياه غير في بئر واحد في هذه المدنية والبئر ده له صاحب بيبيع الماء للناس وبيغلي عليهم السعر ... فراح الصحابي الجليل قام فاصل الراجل واشترى منو البئر كلوو ، ودفع مبلغ وقدروو في هذا البئر ، وقال للناس يالله الي عاوز يشرب يشرب الماء ببلاش .

مش فاكر الصحابي هو ابو بكر ولا أبو هريرة ولا عمر ياريت حد يصححلي ... القصد هنا ، هو معملش الكلام ده بس لله ، وعلشان الحسنات والثواب ، صحيح أنو جانب مهم كان بيفكر فيه ، لكن تصور الناس الي مش قادرة تشتري الماء ممكن تطفش من هذه القرية ومن هذه المدينة ويهاجرو ويسيبو البلد ... وساعتها لا هيبقى في دعوى ولا كنا سمعنا عن غزوات وكان التاريخ كلو اتغير ... ومحدش يقولي يالله خلي الناس تطفش خلي الزحمه تخف هههههههههههههه ، لأنك بتتكلم عن أمة تسمى الامة المصرية وبتتكلم عن دولة وبلد .

وفي مثل بيقولك من أجل مسمار شايف أزاي مسمار سقطت حدوت الحصان ومن أجل حدوة الحصان سقط الفارس ، ومن أجل سقوط الفارس ، سقطت وخسرت المعركة ، ومن أجل سقوط المعركة ، سقطت الدولة من أجل مسمار ؟؟؟؟؟؟؟؟؟؟؟؟

فالقصد هنا أنو مينفعش كل واحد يعمل نفسو تاجر وينزل يبيع ويشتري في الناس وفي تعب وشقى الناس ويقول لنفسو اصلي بقلب عيشي ... طيب ماتنزل تقلب عيشك يا أخي في شيء يفيد بلدك ووطنك ، ده حتى علشان ربنا يباركلك في القرش الي بتاخدو ... بدل ما يبقى معاك فلوس قااااااااااااااااااااااد كده وتنزل تجيب بيها شوية بسكوت وشيبس للعيال وباكو شاي ، وده الي بيحصل حالياً ، ليه لأن الجنيه الي معاك ملهوش قوة شرائية لأن مفيش عمل ومفيش أنتاج يقدر يغطيه ... وحتى الناس الي بتنتج ، بقت بتحاول تنتج وخلاص بدون ضمير في الحاجة الي بيعملها ، ويالله صنع وقلب وخلص ، المهم يجمع فلوس علشان يقدر يسدد ديونو ، الي هيا أصلاً فلوس دفعها أونطة في أونطة بسبب التاجر الي ماصص دمو ، وعليه العوض ومنو العوض .

شفت بأه يا سيدي أن المسئلة مش سهله ولا بسيطة ، وأن سوسة وحده في المجتمع ممكن تعمل أيه ؟ هههههههههههه

المشاركة الأصلية كتبت بواسطة me_medoo

ياسيدي انا معاك ، ان في ناس بتتعب وبتخسر ... بس مش هنشبهم بناس بتضارب في البورصة ، ونقول ماهما كمان بيضاربو في سوق السيارات ، لأن بتوع البورصة أقتصاد الوطن كلو معتمد عليهم وفي ضوابط وقانون بيحكمهم ... بس في السوق سبهلله بكل معنى الكلمة .

وغير كده التجار بينخربوو في اقتصاد الوطن ويغلو الشيء من لا شيء ، ويقولك ياباشا السوق كبيرر والارزاق على الله .
لذلك أنتا تلاحظ أن أقتصادنا أقتصاد رقيق وهش ، بمجرد ماحتت رئيس أتشال وأنخلع البلد أنهارت . وده نتيجة ايه أن الناس مكنتش بتشتغل بجد ومفيش اقتصاد حقيقي فيه عملية انتاج ، بل الناس كانت معتمدة على أن ده يقلب ده ، وده يطلع مصلحة على قفا ده هههههههههههه .

ده غير الموظفين الي مفيش انتاااج ... بس عوزين مرتبات ... وعملين زي الطفل الصغير الي قاعد بيرضع من ماما الحكومة ... طيب ماما الحكومة هتجيبلوك منين ... هتجيب من عيالها وابناء وطنها تلم منهم ضرايب وفلوس يعني الحكايه دايرة مغلقة بينا وبين بعضينا ، وانتاج قليل ان مكنش مفيش ... وبنعتمد على السياحة وقناة السويس والمغتربين وتصدير شوية فاكهة ... يافرحتي يا فرحتي ، القصد في الكلام ده ايه ، ان في وظائف كتيرررررر في البلد بتكسب بلاوي ، لكن غير شريفة لأنك بتكسب على قفا أخوك أبن بلدك وتمص دموو ، لغاية مدمو قرب ينشف ... والي يدحكك ايه بأه (كنت مره قاعد مع مدراء مصانع تصور الحوار كلو كان على ايه ، على العمالة ... وان مفيش عماله ههههههههههههههه تصور بلد التمنين مليون مواطن مش قادر يجيب عمال فراح واحد اتصرف منهم وراح يجيب عمال أفارقة والتاني راح يجيب عمال من جنوب شرق أسيا ) أده الكلالالالالالام ده عندنا في مصر أه عندنا هنا في مصر وناس كتير عمله كده لأن مش لاقي عمال ، واذا في كل واحد عاوز ياخود مرتب وزير حتى لو هيشتغل فراش ولا بواب ، ويبقى انا كصاحب عمل عاجز مقدرش ادفع مرتب أكتر من كده ، وهو كعامل ميقدرش ياخود مرتب زي كده لأنو مش هيأكلو عيش ... ومن هنا تبدء البطالة المقنعة ... ههههههههههه ياعم الحج دخلنا في السياسة والاقتصاد خلينا نرجع لموضوعنا القصد ، أن عاوز أبينلك أن في وظائف هيا عبارة عن سوس بينخور المجتمع وبيهد أقتصادوو وبالذات أنك تشتري سلعه مبالغ فيها وفي تمنها مما يسبب ليك عجز في ميزانية حياتك ...

وبعدين أزاي انا وانتا نبقى من دافعي الضرايب (حق الدولة علينا ) وهو بيبيع ويشتري ويكسب بالألوفات من غير مايدفع ولا قرش حتى للدولة .

والنقطة الاهم والاهم ، حتت انو بيغلي تمن العربية على الفاضي وممكن في النهاية تطلع العربية مقلب ويلبسها الزبون ، أو يلبس العربية للزبون ، وغير كده اي انسان بيعمل حسابو على تمن عربية وميزانية محددة ، التاجر هنا بيخرب لك كل حساباتك وبيخليك تطر تستلف علشان تكمل علشان تقدر تشتري العربية ويحسسك بفقرك وعجزك ، وبالتالي انتا هتحس بالظلم ، وساعتها هتبتدي تلعن وتسب في البلد ، وبالتالي شعورك بالانتماء هيقل ... وبالتالي بدل ما تشتغل وتنتج هتقول ينعل أبوها بلد لا خليني أهبش فيهاااا أشمعنى هما مبهدلني معاهم ... ومصمصو دمي ، الله الله الله كل ده أأأأأأأأأأأأه وأكتر كمان .

وكان مره قرءة قصة لصاحبي جليل ، أن في المدينة بتاعتو جف الماء ولم يتبقى غير بئر ماء واحد ... المهم جه وقال فيه ايه قالوا مفيش مياه غير في بئر واحد في هذه المدنية والبئر ده له صاحب بيبيع الماء للناس وبيغلي عليهم السعر ... فراح الصحابي الجليل قام فاصل الراجل واشترى منو البئر كلوو ، ودفع مبلغ وقدروو في هذا البئر ، وقال للناس يالله الي عاوز يشرب يشرب الماء ببلاش .

مش فاكر الصحابي هو ابو بكر ولا أبو هريرة ولا عمر ياريت حد يصححلي ... القصد هنا ، هو معملش الكلام ده بس لله ، وعلشان الحسنات والثواب ، صحيح أنو جانب مهم كان بيفكر فيه ، لكن تصور الناس الي مش قادرة تشتري الماء ممكن تطفش من هذه القرية ومن هذه المدينة ويهاجرو ويسيبو البلد ... وساعتها لا هيبقى في دعوى ولا كنا سمعنا عن غزوات وكان التاريخ كلو اتغير ... ومحدش يقولي يالله خلي الناس تطفش خلي الزحمه تخف هههههههههههههه ، لأنك بتتكلم عن أمة تسمى الامة المصرية وبتتكلم عن دولة وبلد .

وفي مثل بيقولك من أجل مسمار شايف أزاي مسمار سقطت حدوت الحصان ومن أجل حدوة الحصان سقط الفارس ، ومن أجل سقوط الفارس ، سقطت وخسرت المعركة ، ومن أجل سقوط المعركة ، سقطت الدولة من أجل مسمار ؟؟؟؟؟؟؟؟؟؟؟؟

فالقصد هنا أنو مينفعش كل واحد يعمل نفسو تاجر وينزل يبيع ويشتري في الناس وفي تعب وشقى الناس ويقول لنفسو اصلي بقلب عيشي ... طيب ماتنزل تقلب عيشك يا أخي في شيء يفيد بلدك ووطنك ، ده حتى علشان ربنا يباركلك في القرش الي بتاخدو ... بدل ما يبقى معاك فلوس قااااااااااااااااااااااد كده وتنزل تجيب بيها شوية بسكوت وشيبس للعيال وباكو شاي ، وده الي بيحصل حالياً ، ليه لأن الجنيه الي معاك ملهوش قوة شرائية لأن مفيش عمل ومفيش أنتاج يقدر يغطيه ... وحتى الناس الي بتنتج ، بقت بتحاول تنتج وخلاص بدون ضمير في الحاجة الي بيعملها ، ويالله صنع وقلب وخلص ، المهم يجمع فلوس علشان يقدر يسدد ديونو ، الي هيا أصلاً فلوس دفعها أونطة في أونطة بسبب التاجر الي ماصص دمو ، وعليه العوض ومنو العوض .

شفت بأه يا سيدي أن المسئلة مش سهله ولا بسيطة ، وأن سوسة وحده في المجتمع ممكن تعمل أيه ؟ هههههههههههه

طب والحل ؟؟؟؟؟؟؟؟؟

مهو ده الواقع
وفيه اسود من كده كمان

فعشان كده كان قصد كلامى ان الواحد غصب عنه يتعايش معاه
اصبر على جارك السو يا يرحل يا تيجى مصيبه تاخده