ارجو الافادة بخصوص الجولف 3

**sakobra** · 02-01-2012 01:09 PM

اعضاء المنتدى الافاضل
السلام عليكم ورحمة الله
ارجو الافادة بخصوص مشكلة اواجهها في الجولف3
المشكلة ان السيارة بتبطل وانا ماشي سلانسية وخصوصا لما اضغط فرامل مع دبرياج وبعدين السيارة بتطلع عادم اسود من الخلف وبتاكل بنزين اكتر من ال2000cc مع العلم انها 1400ccرحت لميكانيكي جولف قالي انها مشكلة كاربيراتير والمشكلة ان الكاربيراتير كهربا ومش اي حد يشتغل في الكاربيراتير الكهربا وقالي كمان ان فيه واحد في الحرفيين اسمه رشاد هو اللي هايظبطلك الموتور والكاربيراتير بس مشكلته انه بيجي الساعة 11 مساء وانا من الزقازيق يعني صعب اني اروحله فياريت لو حد يعرف ميكانيكي تاني متخصص يقولي ويكون سعره حنين شويه او يعرف سبب المشكلة دي ايه وايه حلها
وجازاكم الله خير

**sameh_se** · 22-01-2012 02:15 PM

السلام عليكم
بص هتروح و هتيجى و هتلف مفيش غير رشاد الى هيحلهالك رشاد ساحر الجولف انا زيك من الزقازيق و بروح لة بدل ما الصنايعية تبهدلك و العربية تتبهدل قصر على نفسك و روح لرشاد

**ashoub** · 23-01-2012 02:25 PM

فعلا مفيش غير رشاد هو الى هيحللك المشكله لان ده الوحيد الى فى مصر بيضبط مواتيير الجولف خدها نصيحه منى معلش هتسهر شويه بس لما تروحله قوله انك من طرف مهندس احمد عشوب وهو هيبدا فى عربيتك الاول وتبقى طمنى

**tareksakr** · 02-02-2012 04:50 PM

عندك مركز الصفا في جسر السويس وعامل اعلان في المنتدي ناس ممتازة وفاهمين ومتخصصين في صيانة الكربراتير انا كان عندي نفس مشكلتك ورحتلهم وعملوا صيانة للكربراتير واتظبط جدا المشكلة عندك في الكربراتير

**monzeir** · 03-02-2012 06:03 PM

بلاش الصفا يا جماعة بيغير البيكات الأوريجينال و يحطلك بيكات نحاس دة مبدئيا رشاد طبعاً ذى الفل بس بما انك فى الزقازيق روح لوليد هوزر فى جسرالسويس عند سنترال مصر الجديدة دة بردو تحفة واسأل علية وعلى فكرة كربراتير الجولف 3 انا جيبة ب 270 جنية حالته ممتازة