حقيقة اللوجان

**akerima** · 04-01-2012 11:45 AM

العربية من احسن العربيات الموجودة دلوقت بالسعر دا - قطع الغيار بقت متوفرة برة التوكيل وباقل من نص سعرها جوة التوكيل

دا غير ان التوكيل من انضف توكيلات مصر في المعاملة وجودة الاداء

وماتقلقش موديل 2012 مفهوش اي مشاكل من اللي كانت موجوده في الموديلات اللي قبلة ومغيرين الكاسيت اللي في رايي كان اكبر عيب في العربية

**eng_hatmido** · 04-01-2012 12:06 PM

طيب انا لو روحت الاحمدي موتورز ولا محمد زكي لاني قريب منهم ... ومعايا 40 في المية من الثمن هستلم بعد اد اايه ... في ناس بتقول انها بالحجز وممكن استني كام شهر ... ارجو التوضيح ... وللي اشتري بالتقسيط يقولي عمل ايه بالضبط من اجراءات لاني بكره اوي شغل الروتين وبتخنق لما ارجع عشان ورقة ولا امضي ...
مع العلم اني هعمل مفردات مرتب لانه هو الضامن الوحيد

**akerima** · 05-01-2012 01:17 PM

فترة الحجز بتبقي طويلة لما تكون حتاخدها من التوكيل لكن اي موزع معتمد بيسلمها بعد اسبوع او 10 ايم بالكتير - توكل علي الله ومتقلقش ولو فيه قريب منك فرع طارق اسماعيل حيبقي باذن الله الاحسن في موضوع فترة التسليم

**gebreel** · 05-01-2012 01:48 PM

اتوكل على الله يا باشا و محمد ذكي ممتازين

**abd_elhalim85** · 06-01-2012 01:37 AM

انا سألتهم قبل كدة فى فرع المعادى و قاللولى اولا الأولوية للكاش لأن السحب كتير ثانيا التقسيط من خلال بنك مش مباششششششششششششر. و اسأل بردة
دة الموقع بتاعهم فى ارقام التليفون
mohamed zaky
و فى واحد اسمة ايهاب زكى فى فرع فم الخليج ده رقم تليفونه
01222646666

**eng_hatmido** · 06-01-2012 03:02 AM

يا جماعة انا في ناس بتقولي خليك في اللانوس اضمن ...انا قصتي مع قطع الغيار الغالية والنادرة في عربيتي الاولي شبح يطاردني في اختيار السيارة .... انت متخيل لو لا قدر الله حصل حادثة بسيطة مثلا والاكصدام اتخبط من قدام واتخرم الردياتير انت هتدفع كام .... 1028 ردياتير و1056 اكصدام ... ولو كمان السربنتينة اتخرمت تتغير ب 2000 جنيه ... هي دي حاجة تنفع؟؟؟؟ ... انا والله بفكر معاكوا بصوت عالي ... لا داخل انحاز لحاجة ولا ليا هدف غير النصيحة منكم ليا... وانا راجل عملي لا بيفرق معايا شكل ولا ماركة .... المهم عربية واسعة مش ضيقة ... وانا ركبت الدايو لانوس ولقيتها مناسبة ليا وانا مليان :) شوية .... يعني وسع اللوجان مبقاش مغري ليا ... افيدوني بدون تحيز ولا عاطفة لاني نوع عربية ولو انه صعب لان حب الاشياء شئ مش بالايد

**gebreel** · 06-01-2012 04:29 PM

بص يا باشا خلينا نتفق على ان مفيش حاجة كاملة و كل عربية ليها ما ليها و عليها ما عليها

اللانوس شوف عربية بقالها كام سنة في السوق فطبيعي تلاقي حاجتها رخيصة و الاسعار اللي انت بتقولها على اللوجان لو طلعت على منصور تسأل على نفس الحاجات عندو شوف هتجيبها بكام - هتلاقيها بنفس السعر تقريبا - لكن متقارنش اسعار توكيل باسعار برة التةكيل

العربية ما شاء الله في انتشار متواصل و بقت موجودة دلوقتي في كل حتة مش زي زمان و التوكيل ناجح في تسويقها و الحمد لله العربية ناجحة

حاجة العربية برة التوكيل بقت موجودة و في الاصلي و التايواني و التركي و الصيني و كل حاجة حتى الاستيراد بقى موجود

و في الاول و الاخر ربنا يكفينا شر الحوادث كلنا يا رب و لو مقلق امن على العربية اول كام سنة كدة و متحملش هم و ان شاء الله تدفع ثمن التأمين و متستفيدش بيه

و زي ما نقول اسعار قطع الغيار اللي فوق الالف نقول مثلا سعر فانوس اصلي بلمضه خلفي ب 200 جنيه و الامامي اصلي بردو ببتاع 400 جنيه و شوية

هنقول ان عندك في رينو كل 5000 كيلو مش هتدفع مليم في صيانة العربية في حين منصور لازم تدفع و مش هتلاقي قدامها خدمة

تيل الفرامل ب280 جنيه ده الاصلي و زود عليه المصنعية و الضريبة هتوصل ال300 و خامة ممتازة لكن منصور هيديهالك بنفس السعر مثلا و ممكن تلاقيه بيصفر و حالته حالة (ممكن مش اكيد بس ده المعروف عن منصور للاسف)

و كذا حد جرب يتخبط بالعربية و من شدة الخبطة يبقا بيقول انو هينزل هيلاقي العربية ضايعة و يبص يلاقي الحمد لله مفيش حاجة تذكر

**eng_hatmido** · 06-01-2012 05:05 PM

اه وكمان الرفارف طبعا

الموضوع: حقيقة اللوجان

LinkBack

أدوات الموضوع

عرض

-

-

-

-

المواضيع المتشابهه

حقيقة الاهرامات معجزة قرأنية جديدة حقيقة الأهرامات: معجزة قرآنية جديدة آخر اكت

حقيقة اللوجان 2

مرايا اللوجان المغربى الكهربا تشبه اللوجان الرومانى موديل 2010

حقيقة زيادة أسعار اللوجان

الكلمات الدلالية لهذا الموضوع

المفضلات

المفضلات

ضوابط المشاركة