حقيقة اللوجان

**dr_mohamed16** · 06-01-2012 11:33 PM

انا معاياموديل 2012 والحمد لله معنديش لا رعشة فى الفتيس ولا سخونيه عند الدواسات

**eng_hatmido** · 07-01-2012 02:47 PM

برضه محدش رد ... يا جماعة اخر سعر لقطع الغيار كام ... للردياتير والاكصدامين والسربنتينة ...

**gebreel** · 07-01-2012 08:39 PM

انت ليه قافش على سعر الحاجات دي بالذات =))

**mazenzyad** · 08-01-2012 08:54 AM

المشاركة الأصلية كتبت بواسطة gebreel

انت ليه قافش على سعر الحاجات دي بالذات =))

يا شباب حد يريح الراجل ده لو عارف اسعار الحاجات دى ، لانو زعلان اوى فى موضوع ( ملاحظاتى بعد صيانة ال 5000 ) .

**eng_hatmido** · 08-01-2012 03:21 PM

المشاركة الأصلية كتبت بواسطة amriar

شوف يا باشا .. لو ها نقارن اسعار التوكيل يبقو يتقارنوا ببعض و منها تقدر تقرر .. و لما بتحصل حادثه لاقدر الله ما بتعرفش ايه اللي ممكت يحصل .. دي حاجه
كويس اوي ... ازاي ممكن يحصل ده ... محدش بيقارن توكيل بتوكيل نهائي ؟؟؟!!!

الحاجه الاهم هو قناعتك انت الشخصيه .. انا مثلا ما حبتش الفيرنا ولا اللانوس إطلاقا فحتى لو اللوجان احسن الوحشين كانت مرضيه ليا ..
عندك حق طبعا

ولو عايز تجيب لانوس مش وحشه يعني ويمكن يكون ليها ميزات مش موجوده في اللوجان .. بس احسبها من كل الجهات .. ماديا نفسيا و غيره و ربنا يكتبلك اللي فيه الخير

ياااااااااااااااااارب

المشاركة الأصلية كتبت بواسطة mazenzyad

يا شباب حد يريح الراجل ده لو عارف اسعار الحاجات دى ، لانو زعلان اوى فى موضوع ( ملاحظاتى بعد صيانة ال 5000 ) .

دا انت متابع بقي

**eng_hatmido** · 09-01-2012 01:23 AM

بالنسبة ليا ... انتهيت من النية في معرفة حقيقة اللوجان ... وصرفت النظر تماما عنها

شكرا يا وحوش اللوجان علي الاجابات الغالية والمهمة جدااااا
فالعرب يقولون ان كان الكلام من فضة فالسكوت من ذهب ... وانتم اعطيتموني الذهب فسأذهب :)
كده عندي المقارنة اتحصرت بين ال byd وال لانوس .... شكرااااااااااااااااااااااا

**The_School** · 09-01-2012 02:26 AM

قلة قناوي ياجماعة بسرعة اخونا زهق منا ومشي
اوعى تزعل دي دعابة القافية حكمت يعني

**akerima** · 09-01-2012 10:00 AM

هو ليه كل واحد بيدخل هنا فاكر ان احنا بناخد نسبة علي المبيعات لما يفكر يشتري لوجان ولا اي عربية رينو - يا جماعة احنا (ملاك العربية) كل هدفنا ننفع الناس يا اما بمميزات العربية يا اما بعيوبها اللي ممكن تظهر بعد الشراء وكيفية حلها يا اما في التوكيل او بمعرفتنا الشخصية لكن مثلا حتدخل تسال علي سعر قطع غيار - لو حد فينا قابل انة اشتري حاجة سواء من التوكيل او من برة حيرد عليك لو محدش فينا اشتري او سال علي سعر القطعة اللي انت بتسال عليها يبقي اكيد مش حتلاقي رد

يعني معلش انا اسف اكيد مش حنزل اسال عليها مخصوص يعني انت عايز تعرف معلومة زياده بتوع قطع الغيار بالعبيط وموجودين في كل حتة ولو عايز تسال علي اي سعر قطعة غيار في التوكيل اتصل ب 16202 وغالبا بتكون السعار برة التوكيل النص او اقل قليلا

معلومة لكل من سيفكر في شراء اللوجان

يا جماعة والله لا احنا شغالين في التوكيل ولا عند طارق اسماعيل (موزع معتمد)

وعلي فكرة لا احنا مغاربة ولا رومان ولا لينا قرايب شغالين ولا حتي ملاك في رينو - احنا ناس ربنا كرمها (والحمد لله) بشراء عربية اتضح بعد ركوبنا ليها انها كانت افضل اختيار ونفسنا نفيد اخريين بتجربتنا فقط لاغير

**eng_hatmido** · 09-01-2012 09:38 PM

احرجتوني بذوقكم ... وذهبكم الحقيقة ... المهم انا اشكركم جدا بجد ... لان برضه الحيرة وحشة ولما يطلع احتمال من المقارنة بيكون الموضوع اسهل برضه ... يعني انا استفدت برضه... اني انساها طبعا