الموضوع: لو رجع بيك الزمن هجيب سيراتو كوبيه

المشاركة الأصلية كتبت بواسطة pirlo2000

ياه يا مان انت كل ده لسة مجبتش.... انا قلت انت زمانك جبت... يالا ربنا معاك و تجيب الكوبيه او احسن منها كمان...

بصراحة متناهية هاقولك الاتي:

انا جبت الكوبيه لاني بعشق شكلها كنت اشوفها في الشارع تاخد عنيا معاها.... كانت هي و عربيتيتن تانيين بعشقهم.... بونتو ايفو و جولف 6.... انت كنت هجيب جولف 6 الماني يا معلم بس قلقت اوي من موضوع الفتيس و مشاكله.... قلت خليني في الايفو برضه ايطالي و بحبها اوي... بس قلقت جدا من وكيلها .... ماكنش فرق معايا ان موتورها ضعيف حبيتين لاني مش بتاع جري و كلام من ده... بس ناس خوفتني من وكيلها و توافر قطع غيارها..

قلت يبقي توكلت علي الله هي الكوبيه... انا اهم حاجة تبقي العربية عاجباني من جوه و من بره و الحمدلله ده موجود في الكوبيه ... و مش موجود في عربيات تانية كتير...

هي بس عيبها ان عفشتها مش مريحة خالص.... لما بركب سيفيك او مازدا 3 ببقي مش مصدق نفسي !

بس ان اتعودت علي موضوع العفشة و مبقتشي فارقة معايا.... بس بتقعد فترة عشان تاخد علي الموضوع... حوالي 5000 كيلو..هاهاهاها

من الاخر لو رجع الزمن هجيب برضه الكوبيه لاني بموت في شكلها... بره و جوه... و انتشارها لذيذ... و مش فارقة معايا انها مش عائلية...بس دلوقتي ممكن ابص علي الفلوستر.... (بس سعر مبالغ فيه 168000)!!!

(لو علمتم الغيب لاخترتم الواقع)

يا كبير انا جبت العربية من زماااااان دى عاملة دلوقتى 22300 كيلو ههههههه .. و انا بردو كنت بفكر فى الجولف او الفيات برافو ال150 حصان بس قلقت بردو من التوكيل و كدا .. و بردو فكرت فى الفلوستر بس بردو قلت اوفر اوى سعرها هههههههههه .. نفس التفكير و نفس الاختيار تقريبا :))))