الاكسسوارات :
في هذه الأثتاء بدأ مركز الخدمه بوضع بعض الاكسسورارات في باترينات العرض باستراحة الزوار ، حيث يوجد جهاز إنذار ماركة Spy ووحدة رفع إيطالي نالت إعجاب الأستاذ أحمد مصطفى وعقد العزم على تركيبها لاحقا ، وشنطة عده وسنسور بارك وعازل حراري ب 2000 جنيه ومسند راس ب DVD وزينون ماركة Virtual daylight
الزينون :
أنا كان في نيتي أركب زينون علشان كان عندي موديول محروق وسألت في السوق ولقيت واحد صاحبي بيبيع زينون HID صيني ب 250جنيه ونوع أفضل ب 350 جنيه 55 وات ، فكلمت الأستاذ أحمد مصطفى عن رأيه فيهم وقالي إن فيه معرض فيرميولا في شهر 2 والحاجات الأصلي بتكون موجوده وعليها خصم كويس وتشاورت معه بخصوص الصيني وقالي ممكن تجيبه معاك ونوريه لهم في أوتوإيجيبت ونركبه هناك ، فلما لقيت الزينون سألت عليه وحضر المهندس المسئول عن قطع الغيار فقالي إنه زينون تايواني مش صيني وأنه 35 وات ،فأكدت على حتة إنه تايواني بالكامل مش مثلا تايواني مجمع في الصين فقالي كله تايواني ومفيش فيه أي حاجه صيني ، وقالي كمان إنه يتم توصيله مباشرة بالبطاريه وبالتالي لا يؤثر إطلاقا على الضفيره ،فسألته على الوقت اللي بيحتاجه علشان يسخن قالي خمس ثواني في أول مره وبعد كده ثانيتين لو هتقلب به ، فقلت دي فرصه وطلبت تركيبه في الفوجات بعد مشاورة الأستاذ samehoo7 والأستاذ togo والأستاذ أحمد مصطفى ، فحصل لي الأستاذ أحمد مصطفى على خصم 5% بالرغم من عدم تمتع الاكسسوارات بالخصم ، كذلك خصم على المصنعيه فكانت فقط 75 جنيه ، وكان إجمالي تكلفة الزينون بالتركيب 593.71 جنيه
المهم كانت العربيه خرجت من الصيانه والغسيل فطلبت تركيب الزينون فرجعت تاني للورشه وركبوه في حوالي ساعه تقريبا ، وكان الجميع غادر المركز وبقيت أنا والأستاذ samehoo7صاحب مشكلة ABS وخلال عملهم بالسياره دخلت الورشه لسؤالهم عن وقت الانتهاء فوجدت مكتوب على الكرتونه الخاصه بالزينون Made in China فصعقت ورجعت للمهندس المسئول عن قطع الغيار والذي أكد علي من قبل أنه تايواني بالكامل فقالي لأ إن الموديول هو اللي تايواني بصراحه مفرقش الموضوع معايا وندمت إني ركبت الزينون هناك لأن اللي كان عند صحبي كان HID ود نوع معروف والكل بيشكر فيه ، وكان كمان 55 وات مش 35 وات وأرخص كتير في السعر .
نوع الإضأه
الضمان
بلد الصنع
وبعد ما خرجت من المركز بيومين سألت كهربائي عندي في البيت هل الزينون موصول مباشرة بالبطاريه ، فشافه وقالي لأ موصول عادي بالضفيره بصراحه كانت نقطه تانيه زعلتني وحسيت بعدم مصداقيه من المركز بخصوص الزينون وندمت إني مطلبتش أشوف الزينون قبل التركيب .
إنطباعي عن الزينون :
في الفوجات أنه جيد وتشوف به المطبات الصغيره أفضل نظرا لقربه من الأرض وأحيانا ممكن تستغى عن الإضأه العاليه به ، ومش بيأذي المقابل ، بس مبيسخنش بنفس المعدل اللي المهندس قاللي عليه.
أما عن إنطباعي عن الصيانه بمركز أتو إيجيبت :
1) طريقة مهندس الإستقبال في إبدأ إهتمامه الكبير بالعميل
2) لاحظت أن الفنييين لم يتركوا أماكنهم ولم يجلسوا إلى الأرض في نهاية اليوم إلا بعد إنتهاء ساعات العمل بالرغم من وجودي أنا samehoo7 فقط ولا يوجد معهم عمل.
3) أعجبني نموذج مراجعة الصيانه بألوانه الثلاث وبالتالي يتم التشييك على أجزاء السياره بصفه دوريه ودون طلب العميل ، وكذلك تقديم توصيات بأعمار قطع الغيار المستهلكة وما يحتاج منها لتغيير .
4) إستخدام المركز للمعدات الحديثه ميزه في صالح العميل من خلال حصوله على خدمه جيده ، ولصالح المركز من خلال تخفيض وقت الصيانه وبالتالي التكلفه وكذلك تحسين جودة الخدمه.
5) أحسست بأن العربيه أصبحت جديده وكان هناك فرق واضح في العفشه والفرامل والبنزين.
6) إختفت أصوات الدربكه اللي كنت باسمعها في المطبات الصغيره الناتجه عن وجود المياه والتراب على الأسفلت .
7) الموضوع اللي كنت ذكرته من قبل بخصوص عدم إستجابة دواسة البنزين أحيانا ما زال قائم .
أرجوا أن يكون تقريري هذا نال رضاكم ، فهو أول تقرير أقوم بعمله في أي منتدى ، فلا بد أن يشوبه النقص ، وحسبي سعة صدوركم ، وأعتذر عن التأخير لانشغالي بالعمل .
وأشكر الأستاذ يوسف على موضوعه
" دليلك الى كيفية رفع الصور ودعم موضوعاتك بمنتدى نايل موتورز .. هام"
http://www.nilemotors.net/Nile/264509-a.html
حيث أستفدت منه كثيرا في رفع صور الزينون .
المفضلات