معايا 36 ألف ومحتار أجيب ايه ؟؟

**amoor89** · 05-01-2012 10:33 PM

المشاركة الأصلية كتبت بواسطة المناور

ابقى بص على الكيا برايد السيدان

انا فعلا دخلتها فى نطاق بحثى لكن حاسس انها ضعيفة جدا
ياريت لو حضرتك توضحلى مزاياها وعيوبها بصفتك مالك ليها
تحياتى

**amoor89** · 05-01-2012 10:34 PM

المشاركة الأصلية كتبت بواسطة ahmazong

دوجان ..

أعتقد هيبقى صعب جدا الفرق كبيييييييييييييير جدا مابينها وبين اللانوس

**amoor89** · 05-01-2012 10:35 PM

المشاركة الأصلية كتبت بواسطة titoo_2121

اوعى تجيب سيينا - الاكسيل كانت معايا قعدت معايا سنتين
عربيه كويسه وناعمه زيها زي الدايو وثباتها كويس عن الاكسنت وقطع غيارها موجوده ومش غاليه
بيعتها عشان عايز اركب عربيه قويه

تمام
طيب ممكن أعرف سبب رفض حضرتك للسيينا

**samyyousef** · 05-01-2012 11:01 PM

السلام عليكم
بالنسبة للمبلغ اللي حضرتك راصده لشراء السيارة, و نيتك أن تظل معك من 5: 6 سنوات
افضل أن تكون سيارة أوربي لكن تكييفها اكيد مش حايكون كويس في عز الظهر
لذلك السيارة السيينا تعتبر اختيار كويس
لكن السيارات المستعملة بصفة عامة يجب ان تكون حالتها كويسة علشان تشتريها و السيينا بصفة خاصة
و توجد ايضا الفيات برافا 2001 و هي ايطالية 100% لكن كتير بيخافوا منها رغم أن قطع غيارها متوفرة و تقارب قطع غيار السيينا و هي من السيارت التي يجب ان تكون حالتها كويسة ايضا

**أحمد الجندى** · 05-01-2012 11:31 PM

المشاركة الأصلية كتبت بواسطة amoor89

انا فعلا دخلتها فى نطاق بحثى لكن حاسس انها ضعيفة جدا
ياريت لو حضرتك توضحلى مزاياها وعيوبها بصفتك مالك ليها
تحياتى

ضعيفة من حيث ايه ؟ على فكرة العربية دى معروف عنها انها من افضل موديلات الكيا العملية وبتاعة شغل وأنا لما كانت معايا العربية على مدى سنتين ماوقفتش منى فى الطريق وكنت بعمل فيها اللى ما بيتعملش - حضرتك ممكن تشوف المأسى اللى عملتها فى رابطة البرايد - مع ان موديلها فات عليه 16 سنة ولما بعتها اللى اشتراها طاحنها ولازالت بسم الله ما شاء الله زى الفل

المزايا العربية منتشرة سهلة الصيانة رخيصة فى قطع الغيار موفرة جدا فى البنزين صالونها واسع سعر اعادة بيع كويس منها موديلات لغاية 2006 فيها تكييف وباور وعالية عن الارض فمش حتقابل مشاكل مع المطبات العيوب مفيش امان مش بتاعة جرى جامد خامات داخلية عادية عفشتها معايا كانت ناشفة بس ملاك تانيين قالوا انها كويسة غالبا التكييف بيأثر بشكل ملحوظ على السحب الصاج بتاعها مش جامد بس بيتصلح بسرعة ده كل اللى اعرفه

**titoo_2121** · 05-01-2012 11:40 PM

المشاركة الأصلية كتبت بواسطة amoor89

تمام
طيب ممكن أعرف سبب رفض حضرتك للسيينا

بصراحه مجربتهاش
بس عن تجربه ناس معرفه انها مغلباهم اعطالها كتير والتوكيل حراق ومش اي حد يشتغل فيها
وده اللي مخللي سعرها في الارض مع انها موديل حديث وشكلها شيك
انصحك بالفورد اسكورت او مونديو
انا بادور على واحده فيهم مع العلم ان الرينج بتاعي مقرب للرينج بتاعك وعايز عربيه قويه وامكانيات وتعيش زي اللي انتا عايزه