الموضوع: معايا 36 ألف ومحتار أجيب ايه ؟؟

المشاركة الأصلية كتبت بواسطة المناور

ضعيفة من حيث ايه ؟ على فكرة العربية دى معروف عنها انها من افضل موديلات الكيا العملية وبتاعة شغل وأنا لما كانت معايا العربية على مدى سنتين ماوقفتش منى فى الطريق وكنت بعمل فيها اللى ما بيتعملش - حضرتك ممكن تشوف المأسى اللى عملتها فى رابطة البرايد - مع ان موديلها فات عليه 16 سنة ولما بعتها اللى اشتراها طاحنها ولازالت بسم الله ما شاء الله زى الفل

المزايا العربية منتشرة سهلة الصيانة رخيصة فى قطع الغيار موفرة جدا فى البنزين صالونها واسع سعر اعادة بيع كويس منها موديلات لغاية 2006 فيها تكييف وباور وعالية عن الارض فمش حتقابل مشاكل مع المطبات العيوب مفيش امان مش بتاعة جرى جامد خامات داخلية عادية عفشتها معايا كانت ناشفة بس ملاك تانيين قالوا انها كويسة غالبا التكييف بيأثر بشكل ملحوظ على السحب الصاج بتاعها مش جامد بس بيتصلح بسرعة ده كل اللى اعرفه

تمام مميزتها جميلة فعلا لكن تأثير التكييف على السحب بشكل ملحوظ وانها مش بتاعت جرى ده يخلينى أفكر شوية صح ولا ايه

المشاركة الأصلية كتبت بواسطة أبو صلاح

طيب ما توزد شوية وتحاول تجيب لانوس 99

للأسف المبلغ اللى معايا ده أقصى امكاناتى

المشاركة الأصلية كتبت بواسطة tarekmomo

هيونداى اكسيل
اوبل كورسا 94
ابيزا 96

تمام انا فكرت فى الأوبل بس قطع الغيار غالية الى حد ما مع انى بحترمها جدا العربية دى

المشاركة الأصلية كتبت بواسطة el_nahal2004

بصراحة هو كان احسن اختيار الانوس الى حضرتك كنت راكبها
بصراحة شايف ميتركبش بعديها غير اكسنت ممكن موديل حديث شوية2000مثلا

ياريت كان ينفع بس المبلغ هو اللى محجم خياراتى

المشاركة الأصلية كتبت بواسطة sehsss

هيونداي إكسيل، 96 أو 97 ، 1500 سي سي

شكلها كده هترسى على كده فعلا